Eusko Jaurlaritza erreferentziazko bazkidea Metxan, ekintzaileentzako proiektu-azeleragailuan
Joan den otsailean, Eusko Jaurlaritzak Metxako (ekintzaileentzako proiektu-azeleragailuko) partaidetza bat eskuratu zuen Basque FCR funtsaren bidez. Guztira 100.000 €-ko inbertsioa egin du, eta bere helburua da Metxak azelerazio-programarako aukeratu dituen startupetan inbertitzea.
Ikuspegi zabal batetik, Euskal Herriko Arrisku Kapitalaren Kudeaketak (AKEKS, S.A.) kudeatzen duen Arrisku Kapitaleko Funtsaren helburua da inbertsioak egitea edozein garapen-fasetan dauden enpresen kapitalean (23 milioi euro), eta ekintzailetza sustatzea (5 milioi euro). Hala, elkarlan publiko-pribatu berri horren bidez posible izango da mekanismo guztiak erabiltzea hazteko potentziala duten proiektu ekintzaileetan inbertitzeko.
Eusko Jaurlaritzako Ekintzailetza, Berrikuntza eta Informazio Gizarteko zuzendari Aitor Urzelaik esan duenez,
“Basque FCR Metxan sartzea aurrerapauso bat da enpresen ekintzailetza eta lehiakortasuna bultzatzeko, eta argi erakusten du Eusko Jaurlaritzak apustu sendoa egin duela ekintzailetza-ekosistema babesteko”.
Oraingoz, Metxak batez beste 75.000 € inbertitu ditu proiektu bakoitzean, eta une honetan sei proiektu dauzka bere zorroan: Thebest5, Boat Jump, Dog Vivant, White Spell, BriteShoes eta Ship Net Premium. Metxako zuzendari nagusi Josetxu Silgok hauxe esan du: “Eusko Jaurlaritza bazkide bilakatzea albiste garrantzitsua da Metxarentzat eta azeleratzen ditugun ekintzaileentzat. Eta gainera, berme gehigarri bat da gure inbertitzaileentzat”.
Euskadiko Arrisku Kapitalaren Kudeaketarako Sozietateak arrisku kapitaleko erakundeak kudeatzen ditu. Eusko Jaurlaritzak 1985ean sortu zuen Eraldaketa Lehiakorrerako Sozietatearen (SPRI) bitartez, arrisku kapitalaren jarduera sustatu eta garatzeko EAEn.
+info: www.metxa.com
Lotutako albisteak
Zabalik dago MAKE IN! Ekintzailetza Industriala programaren 4. ediziorako izen-emate epea
Apirilaren 25a izango da programan izena emateko azken eguna
Wake Up! Albiste ekintzaile batzuk sarean
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Foodtech Startup Forum 2025: elikagaien industriarako berrikuntzaren eta teknologiaren arloko punta-puntako irtenbideak
Elikagaien eta edarien sektorerako proiektu, irtenbide edo negozio eredu iraultzaileak aurkeztu nahi dituzten startupek apirilaren 1era arte ikustarazi ahal izango dute bere hautagaitza
WonderShop, WordPress-erako (“WP”) diseinatutako plugina, online denden jabeei katalogoen kudeaketa errazten die
Garatzen eta merkaturatzen duena WoonderSoft da. Enpresa gipuzkoarrak nazioarteko asmoak ditu eta bere produktuak interesa piztu du beste herrialde batzuetan.
Zure proiektua bultzatu 2025eko Ostegun Ekintzaileekin
"Kabiak" ekintzailetzako ekosistema sendotu du ‘Ostegun ekintzaileen’ beste ibilbide batekin