Fabrikatzaile eta Startups-ek soluzio bateratuak garatzen dituzte ‘Global Smart Grids Innovation Hub’-ean
Digitalizazioan, adimen artifizialean eta datuen analitikan azken berrikuntzez hornitua, Global Smart Grids Innovation Hub-ek urte erdia darama martxan Bilbon Iberdrolaren eskutik, eta dagoeneko 60 erakunde eta enpresa laguntzaile baino gehiago ditu.
Konpainia elektrikoaren arabera, berak sustatutako proiektu hau “munduko sare adimendunen berrikuntzaren zentroa bihurtu da”.
Hub berritzaile honen helburua konpainiek sare adimendunei lotutako hainbat proiektu garatzea da, besteak beste; sarea digitalizatzeko soluzioak, berriztagarrien integrazioa, ibilgailu elektrikoen hedapena eta energia biltegiratzeko sistemak.
Ekimen berritzaile horiek gauzatzeko, Global Smart Grids Innovation Hub-ek, Larraskituko enpresa elektrikoaren sare adimendunen egoitzan dagoenak, 1.000 m2 baino gehiago ditu hiru ekintza-lerro nagusi burutzeko. Alde batetik, Iberdrolak energia-banatzaile gisa presentzia duen gainerako herrialdeetara eskalatu daitezkeen proiektuak abian jartzen dira.
Lan horri gehitu behar zaizkio digitalizazioa, “sarearen automatizazioa edo zibersegurtasuna bezalako arloetako merkatuetara bideratutako proiektuak, bai eta talentua sortzea ere, unibertsitate gazte ekintzaileekin eta enpresa laguntzaileekin lankidetza estuan”, Noemí Alonso, bere zuzendariak, zehaztu duenez.
Konpainiaren arabera, talentua erakartzeko eta teknologia berriak sustatzeko polo horrek “trantsizio energetikoa ahalbidetuko du, berriztagarrien erabilera maximizatuz, energia biltegiratzeko sistemak areagotuz eta elektrizitatearen erabilera berrietarako sarbidea optimizatuz, hala nola mugikortasuna eta klimatizazioa”.
Iberdrolaren Hub-ak, Bizkaiko Foru Aldundiaren lankidetza duena, berrikuntzarako polo bat ere bada lurralderako, lankidetza irekia eskaintzen baitu fabrikatzaileen eta enpresa sortu berrien arteko irtenbideak garatzeko, hala nola, startup-ak.
Izan ere, zentroa Biscay Startup Bay ekimen-hubarekin lotuta dago, eta Bizkaia Dorrean etorkizunean ezarriko diren energia-sektoreko startup-en scaleup-gune bihurtuko da
2021ean, Iberdrolak 337 milioi euro baino gehiago inbertitu ditu I+G+Bn, 2020an baino %15 gehiago. Ahalegin finantzario horren zati handi bat sare adimendunekin lotutako proiektuetara bideratu da, hala nola, zentro hau abian jartzera, eta datozen hilabeteei begira, konpainiak beste 32 milioi euro gehiago inbertituko dituela Iberdrola Redes España proiektuan zehaztu du.
Lotutako albisteak
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Wake Up! Albiste ekintzaile batzuk sarean 250324
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Zabalik dago MAKE IN! Ekintzailetza Industriala programaren 4. ediziorako izen-emate epea
Apirilaren 25a izango da programan izena emateko azken eguna
Wake Up! Albiste ekintzaile batzuk sarean
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Foodtech Startup Forum 2025: elikagaien industriarako berrikuntzaren eta teknologiaren arloko punta-puntako irtenbideak
Elikagaien eta edarien sektorerako proiektu, irtenbide edo negozio eredu iraultzaileak aurkeztu nahi dituzten startupek apirilaren 1era arte ikustarazi ahal izango dute bere hautagaitza