Fundación Repsolen Ekintzaileentzako Fondoen X. Deialdia
Fundación Repsolek Ekintzaileen Fondoaren X. deialdiari hasiera eman dio. Azelerazio-programa honen bidez startupei hondakinen igorpen baxuko teknologiak, ekonomia zirkularra eta energia-industriaren digitalizazioa bideratzeko konponbide berritzaileak izateko laguntza eskainiko zaie.
Ekintzaileen Fondo honek urtero zazpi bat enpresari laguntza eskaintzen die merkaturatze aurreko fasean, merkatuan behar duten bultzada eperik laburrenean erraztuz. Enpresa guzti hauek energia iraunkorragoa izateko trantsiziorako berrikuntzan garatzen ari dira.
Hautatutako proiektuek 120.000 eurora arteko euskarri ekonomikoa jasoko dute urtebetez eta aholkularitza azelerazio-prozesuan. Posible denean, startupek prototipoak frogatu ahal izango dituzte industria-instalazioetan, Repsolen profesionalen laguntzaz proiektu pilotuak garatzeko.
Laguntza honen bidez ez da enpresaren kapitalean partehartzen, ezta Repsol Fundazioarentzako jabetza intelektualeko eskubideen lagapenik.
Azelerazio-prozesuak urtebete irauten du, 2021eko irailetik hasita.
Nork har dezake parte?
Fundación Repsolen deialdia nazioartekoa da. Merkaturatze aurreko fasean dauden enpresa txiki eta ertainetara zabalik dago, honako esparruetan konponbide berritzaileak lortzeko lan egiten baldin badute:
- Karbono gutxiko eta ekonomia zirkularreko energia-teknologiak.
- Konponbide energetiko iraunkorretarako bioteknologia.
- Mugikortasun aurreratu eta berrerabilgarrirako produktu eta zerbitzuak.
- Energia-industriaren aktiboak hobetzeko teknologia digitalak.
- Energia-industriaren aktiboak hobetzeko konponbide nanoteknologikoak eta produktuen propietateen hobekuntza.
Lege-oinarriak ezagutzeko, HEMEN klikatu
REPSOL FUNDAZIOA
Repsol du jabe, eta Josu Jon Imaz da Kontseilari Ordezkoa. Fundazioak gizartearen ardura du ardatz, energiaren trantsizioan eta eraikuntzan mundu iraunkorragoa lortzeko asmoz.
Fundazioaren helburua etorkizun iraunkorragoa lortzea da. Honetarako, gizartean eta energiaren trantsizioan oinarritutako proiektuak garatzen ditu. Helburu hau REPSOLen estrategiarekin, Garapen Iraunkorrerako Helburuekin (ODS) eta Parisko Akordioarekin bat dator. Repsolen estrategiak lau ekinbide ditu:
– Repsol Impacto Social
– Ekintzaileen Fondoa
– Ezagutzen hedapena
– Ekimen Soziala eta Boluntariotza
REPSOL: Energiaren trantsiziorako berrikuntzekin konprometitua
Ekintzaileen Fondoa energiaren eta gizartearen trantsiziorako Repsol Fundazioaren estrategiaren parte da. Klima-aldaketa saihesteko berrikuntza eta teknologiaren ekarpenerako Repsolek eta bere Fundazioak duten egitasmoan biltzen da.
Fundazioak, bere azeleratzailearen bidez, energia-trantsizio iraunkorragoa lortzeko berrikuntzak dakartzaten ekintzaileei lagundu nahi die. 2011n hasi zenetik, 60 startup azeleratu ditu. Era berean, ekimen hauek diru-laguntza publiko eta pribatutik 90 milioi euro baino gehiago jaso dituzte, 330 lanpostu berri sortuz eta bizirik irauteko %76ko tasa lortuz, industria-sektorean bereziki altua dena.
Bestalde, Repsol Impacto Social-en bidez, fundazioak energiaren trantsizioaren alde lan egiteaz gain, baztertzeko arriskuan dauden giza-taldeentzako lanpostuak eskaintzen dituzten enpresen garapena bultzatzen du. 50 milioi eurorekin, Espainian klima-aldaketari aurre egiteko gizarte-inbertsiorik handiena da. Haren helburua iberiar penintsulan inpaktuzko inbertsio nagusia izatea da.
Repsol Impacto Social-ek honakoen partaidetza du:
-Grupo Sylvestris, basoen birlandatzerako enpresa
-Koiki, paketeen banaketa iraunkorra azken milian egiten duena, kolektibo zaurgarriek egina.
-GNE Finance, inguru zaurgarrietan hirien birmoldaketa eko-iraunkorrean espezializatua
-SAEMA, plastiko eta edukiontzien errekuperazio eta birziklapenean diharduena
-Recycling4all, industriaren eskala handiko birziklapenean espezializatua, zehazki gailu elektriko eta elektronikoena, ‘Ilunion’-ekin batera.
Lotutako albisteak
Mikel Jauregi: “Eusko Jaurlaritzari dagokiola Euskadiko enpresei segurtasuna eta ziurtasuna eskaintzea”
Sailburuak "enplegua eta aberastasuna sortzeko Euskadiko enpresek egiten duten lana" balioan jarri du, enpresari eta ekintzaileen figurari prestigioa emateko beharra aldarrikatuz
INNKIA startup jaio da, enpresen behar zehatzetarako Adimen Artifizala
LABORAL Kutxaren eta IKERLANen eskutik sortu da startup kooperatibo aitzindaria, MONDRAGONen eta Eusko Jaurlaritzaren laguntzarekin.
ELIKA Fundazioak “Recircular alimentación” aurkeztu du, elikagai-soberakinak errebalorizatzen lagunduko duen tresna digitala
Elika Fundazioaren eta Recircular startup-aren arteko lankidetzaren emaitza da, zeinak elikagai-soberakinak ekonomikoki balorizatzea duen xede.
Wake Up! Albiste ekintzaile batzuk sarean
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Female Founders Day: Emakumeen talentua eta ekintzailetza sustatzeko ekitaldia Bilbon
Inbertsioan, teknologian eta ekintzailetzan adituak elkartuko dira: hitzaldi nagusiak, eztabaida mahaiak eta pitch lehiaketa.