HardSoftKoop, 4.0 Industriaren beharrei erantzuna ematen dion startupa
HardSoftKoop 2021ean sortutako startup bat da, UPV/EHUko Zitek enpresa-mintegiaren inguruan. Portugaleten (Bizkaia) du egoitza, eta 4.0 industriarako produktuak eta zerbitzuak eskaintzen ditu, hardware eta software librean (open source) oinarrituta. Gaur egun ikusmen artifizialeko, automatizazioko eta zibersegurtasuneko arloetan lan egiten du, eta bezeroei ezarpen guztiz malguak eskaintzen dizkie bere beharretara egokitzeko, lizentzia- eta garapen-kostuak aurrezteko aukera eskainiz. HardSoftKoopeko arduradunek ‘Open Source’ sistemekin lan egitea erabaki zuten, “lanean ari garen sektoreetan irtenbide itxiak daudelako, eta ez dutelako eskari osoa asetzen, kostuei eta malgutasunari dagokienez” , adierazi du Javier Álvarez enpresaren sortzaileetako batek.
Gaur egun startupak EAEko bezeroekin lan egiten du, baina epe laburrerako bere helburuetako bat merkatu nazionalean aurrera pauso bat ematea da. Arrakasta gehien izaten ari den produktuetako bat HSK Vision soluzioa da, kalitate kontrolaren eta termografiaren sektoreetarako software irekia. Izan ere, produktu hori BIEMH 2022ren Digital Innovation Workshopsetan egongo da ekainean. Automatizazioaren esparruan, HardSoftKoop enpresak estatu mailako jauzi hori bilatzen du Industrial Shields hardware irekiko fabrikatzaile katalanarekin egindako akordio baten bidez. Era berean, bere barne garapenean lanean ari da laster 4.0 Industriarako zibersegurtasunaren barruan produktu irekiak eskaintzeko.
Bizkaiko startupak SPRI Taldearen Bind 4.0 programan parte hartu du. “Esperientzia honek balio izan digu lan egiten ditugun sektoreetan dauden beste behar batzuk ezagutzeko, ikusmen artifizialeko alorrean, hainbat erronka malgutasunez eta ekonomikoki konpontzeko ahalmena dugula ikusita”, adierazi du Oscar Fernández enpresaren sortzaileak. HardSoftKoopek enpresa berritzaileetara bideratutako SPRIren beste azelerazio-programa batzuetan ere parte hartzen du, eta ez du baztertzen etorkizunean I+G+Brekin lotutako laguntza gehiago eskuratzea.
Izan ere, Bizkaiko startuparen helburuetako bat da fakturazioaren % 20 enpresako I+G+b arlora bideratzea datozen urteetan. Etorkizunera begira, HardSoftKoopen plana modu organikoan hazten jarraitzea da, bere produktuak ikusmen artifizialaren sektorean garatzen jarraitzea eta automatizazio eta baita zibersegurtasun arloetan produktu berriak sortzea ere.
SPRI Taldeak laguntza integralaren bidez berrikuntza, ekintzailetza eta barne-ekintzailetza laguntzen ditu, ideiak merkatura modu arrakastatsuan irits daitezen. Aurrera, Basque Fondo, Bind 4.0, Ekintzaile edo Barnekintzailetza ekintzailetzarako laguntza-programen bidez egiten du hori.
Lotutako albisteak
Momentum Gamesek joko arrakastatsuak sortzen laguntzen die markei
Gipuzkoako startupa proiektu bakoitzaren garapenaz eta administrazioaz arduratzen da, baita jokoen-analitikari buruz ere
Wake Up! Albiste ekintzaile batzuk sarean
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Euskadi herrialde teknologiko eta berritzaile gisa agertu da Mobile World Congress 2025ean
"Innovation Land" lelopean, 16 startup Up!Euskadi berrikuntza-plataforma ordezkari izango dira Euskadiko standean, Spri Taldearen eta Foru Aldundien laguntzarekin
Karelak berrikuntzaren aldeko apustua egiten du ontzigintza eta industria sektoreetan
Konpainiak ingeniaritza elektrikoko aholkularitza zerbitzu integrala eskaintzen du Euskadiko eta nazioarteko enpresentzat
Eusko Jaurlaritzak deialdi berri bat ireki du euskal enpresa traktoreek mundu osoko startup disruptiboekin lankidetzan jardun dezaten
BIND programaren 10. edizioaren deialdia, SPRI Taldeak kudeatzen duena, martxoaren 31n amaitzen da, eta gaur egun enpresa hauek parte hartzen dute, besteak beste: Mercedes-Benz, ITP Aero, Iberdrola, Betsaide, Ormazabal, Tubacex, Talgo, Sidenor eta Eroski.