Jorge García Betanzos: “RUNNEA ACADEMY-rekin bat haratago iritsiko gara”
RUNNEA taldeak berriz egin du. Euren “zapata eroslea” korrikalarientzako ezinbesteko erreminta bilakatzea lortu zuten, eta orain euskal enpresa honek mundu osoan berritzailea den teknologia garatu du: “App bat baino askoz gehiago, ‘RUNNEA Academy’ Euskadin sortutako sistema berritzailea da, ‘running eta trail running online’-erako entrenatzaile pertsonalik onena izateko helburu duena, korrikalari mota bakoitzarentzat egokitutako entrenamenduekin.
RUNNEA hasi zenetik, teknologia aplikatu duzue kirolari hasiberriei produktuak eta zerbitzuak hautatzea errazteko.
RUNNEAren helburua beti izan da kirolari arruntari bere helburuak betetzen laguntzea. 2014an hasi ginen material egokia (hasieran korri egiteko zapatak edo pultsimetroak) preziorik onenean bilatzen eta aukeratzen lagunduz.
Baina hori baino gehiago egin nahi genuen…
Eta orain berriz ere modu erabilterraza duten teknologiak kirolaren zerbitzura jartzea lortu duzue.
‘RUNNEA Academy’-ren garapena hainbat urtean egin behar izan dugu, baina helburu bera du: Kirolariari bere helburua ahalik eta hobekien betetzen laguntzea, gida profesional eta segurua izanik. Eta jakina, prezio eskuragarrian! Edozein pertsonak entrenatzaile pertsonala lortzea luxu bat izan gabe, soilik elitean gaudenon eskura dago.
Orain entrenatzaile pertsonalari digitalizatzeko plataforma batera sartzen uzten diogu. Hala, pertsonalki eta modu seguruan pertsona gehiago entrenatu ahal izango du.
Teknologiari esker, lehenik ‘Behobia-San Sebastian’ lasterketako 30.000 pertsonek eta, geroago, Valentziako Maratoiko 40.000 pertsonek entrenatzeko plana izatea lortu dugu, norbere ezaugarriei erabat egokitzen dena eta erabiltzailearen ibilbidearen arabera eboluzionatu egiten dena.
Euskadin sortutako sistema berritzailea, Behobia-San Sebastian lasterketan balioztatua, laster mundu guztian erreferentzia izan litekeena.
Hala da, gure lehenengo froga duela bi urteko ‘Behobia-San Sebastian’ lasterketan izan zen. Emaitza bikainak izan genituen eta produktua hobetzen lagundu ziguten. Hari esker, Valentziako Maratoira sartu gara azken hilabeteotan, Espainian erreferentzia eta mundu mailan garrantzitsua eta hazkunde gehien duten frogetako bat. Hauez gain, Kolonbian Medellineko Maratoiarekin, Perun Limako Maratoiarekin eta Portugalen Lisboako San Silvestre Maratoiarekin ere akordioak lortu ditugu.
‘RUNNEA Academy’ mundu mailako proiektu bilakatzeko bidean gara. Munduko frogarik handienetara joan nahi dugu; Londres, Berlin edo New Yorkeko Maratoietara. Gainera, laster triatloirako entrenamendu-plana aterako dugu, kirolari arrunten artean modara dagoena.
Antzeko aplikazioak dituzten Maratoiak daude. Zer bereizten zaituzte haietatik?
Egiazki, soilik New Yorkeko Maratoiak eskaintzen du antzeko zerbait. Horrek merkatua dagoela adierazten digu, munduko lehiaketarik garrantzitsuena baita. Alderik nabarmenena, bertan lehiaketarako izen-emateaz aparte, 115$ kobratzen ari direla!
Nire ustez badu balio hori, baina gure esparruan, merkatuaz zertxobait gainetik legokeen prezioa litzateke. Izan ere, gu dohain eskaintzen ari gara, froga handiekin ditugun akordioei esker.
Ez diozue berritzeari uzten; orain BCAM (Basque Center of Applied Mathematics) duzue laguntzen, kirola eta osasunaren alorreko garapen esperimentala den NEXT proiektua martxan jartzeko.
Berritzeko, konformatzen ez den pertsona izan behar dugu; produktua hobetzea bilatzen dugu beti. Horregatik dugu geure artean Jarduera Fisikoa eta Kirolaren Zientzietan doktorea den Iker Muñoz. Gure kirol-zuzendaria da eta konforma ezintasuna kudeatzeaz arduratzen da RUNNEA Academy taldearen gainerakoekin batera.
RUNNEA Academyk teknologiagatik bereiztu nahi du, baina teknologia hutsaz baliatuz ezin genuke produktu hau sortu. Entrenatzaile prestatuen beharra dugu alderdi zientifikorako eta, gainera, orain BCAM-en “data scientist” eta matematika-talde osoaren laguntza bateratzen ditugu produktua hobetzen jarraitzeko. Haiekin lehenengo kolaborazioa iaz izan genuen, Bizkaiko Foru Aldundiaren proiektu bat zela eta. Aurten RUNNEA NEXT proiektuari ekin diogu, ‘Machine Learning’ bidez Inteligentzia Artifiziala gure teknologiari aplikatzean oinarritzen dena.
BCAM-i dagokionez, Dae-Jin Lee doktoreak proiektuan duen lana eta inplikazioa nabarmendu nahi nituzke. Estatistika Aplikatuaren ikerkuntzan liderra dugu Dae-Jin Lee doktorea.
Harrigarria da RUNNEA Academy plataformaren bitartez Matematikak eta Inteligentzia Artifiziala pertsonen errendimendua eta hobekuntza fisikoa monitorizatzeko gai izatea.
Bai, eta azaldu egin nahi dut, batzuetan Inteligentzia Artifiziala polito geratzen delako aipatzen baita, baina gure kasuan oso garrantzitsua da. Guk ehundaka milaka kirolariren iritzia jasotzen dugu haien entrenamendu-plana egokitzeko. Horren bitartez berreraikitzen dugu entrenamendu-plana. Zorionez, orain patroiak bilatzea errazten duten teknikoak daude, eta makinak arintzen dituzten hobekuntzak ere. Gizakion eskua beti antzemango da algoritmian, baina bilaketa-lanik gogorrenean laguntza izatea aurrerakuntza ikaragarria da. Ilusio handia dugu proiektu honetan!
Lotutako albisteak
Surphasek merkatuan parekorik ez duen teknologia garatzen du eta gatzgabetzeko planten eraginkortasuna handitzea lortzen du
Donostiako ETEak, Europako Batzordearen 2,5 milioiko dirulaguntza lortuta, iragazkien egoera aurreikusten du denbora errealean; hala, geldialdi teknikoen % 60 murrizten du
Kimaiwi: “Gure proposamen teknologikoa balioztatzean eta nazioarteko turismo-industriaren aurrean proiektatzean zentratu gara”
Startup arabarrak online irtenbideak garatzen ditu turismo-sektorearentzat, eta hazkunde eta babes handia izan du bere bederatzi hilabeteko bizitzan.
NAW: “Gure abantaila lehiakorra 10 urte bitarteko kirol-oinetako minimalista eskaintzea da”
Silvia Echeverríak, NAWren sortzaileak, oinetako minimalistak postura-osasunean eta garapen biomekanikoan haurtzarotik helduarora arte nola eragin dezakeen azaltzen du.
Isabel Urbano: “Novia Salcedo Fundazioarekin praktiketan dauden gazteen %60k kontratu bat lortzen dute”
Novia Salcedo Fundazioak 45 urte inguru eman ditu ikasketa-ingurunetik lan-mundurako trantsizioa errazten, prestakuntza praktiko ez-laboraleko programen bidez.
AIDTEC Solutions :“Ekintzaileak zaindu egin behar ditugu”
Nekazaritza jasangarriagoa lortzeko soluzioetan espezializatutako startuparen sortzaileetako bat da Izaskun Oribe