Kernovak bere «Smart Eco-Motion Kit» atera du
Kernova BIC Araban kokatutako startup arabarra da eta «Smart Eco-Motion Kit» produktu iraultzailea atera du. Kit horrek aurrerapen nabarmena dakar ingeniaritzaren eta jasangarritasunaren alorrean, hidraulikoki eragindako makinak sistema erabat elektromekaniko bihurtzeko aukera ematen baitu.
Garapen horrek, energiari dagokionez eraginkorragoa izateaz gain, zarata-mailak murrizten ditu eta hondakinen ekoizpena ezabatzen du, irtenbide ekologikoagoak eta iraunkorragoak lortzeko egungo joerekin bat eginez.
Smart Eco-Motion Kitaren alderdi nabarmenak
- Konbertsio elektromekanikoa: Kernovak garatutako teknologia patentatua erabiltzen du kitak, makineria hidraulikoak elektromekaniko bihurtzeko.
- Eskaintzen dituen zerbitzuak: Bideragarritasun-azterketa, KRN sail pertsonalizatuaren aukeraketa, egokitzeko ingeniaritza-diseinua, FEM tresnen bidezko baliozkotzea eta birprogramazioa eta automatizazioa.
- Onura nagusiak:
- Mantentze-lan ia nuluak eta higadura-piezak ordezteko programazioa.
- Gutxienez energiaren % 35 aurreztea.
- Abiarazte- eta mantentze-lanen sinplifikazioa («Plug and Play»).
- 70 Db baino gutxiagoko zarata-maila.
- Ez du hondakinik sortzen eta irtenbide iraunkorragoa da.
- Osagai gutxiago dituen diseinu trinkoagoa.
Fundatzaileei buruz:
- Lorenzo Viti Ingeniaritza Zibilean trebatu zen eta elementu finituen bidezko analisian eta egituren kalkuluan espezializatu zen. Viti automobilgintzaren sektorean aritu da gehienbat eta elementu finituen dinamikan soluzio berritzaileak eskaini ditu.
- Oliver Bieito Industia Ingeniaritzan graduatua da eta mekanikan espezializatua. Erresuma Batuan eta Espainian esperientzia du eta hainbat proiekturen buru izan da energia, industria eta birziklatze sektoreetan.
Proiektuak eta Bezeroak
Kernovak hainbat proiektu berritzailetan lan egin du, besteak beste, New Yorken etxe orratzak mantentzeko unitate bat diseinatu eta baliozkotzea, ur-ekonomizatzaile bat garatzea eta patentatutako tracker agrovoltaiko bat baliozkotzea. Gainera, BMW i4 Gen6 ibilgailuaren 22 KW-ko bateria-kargagailuaren baliozkotze-lanetan parte hartu dute.
Patenteak eta Etorkizuna
Kernova Espainiako eta Europako patenteak lortzeko prozesuan murgilduta dago, makina hidraulikoak elektromekanika bihurtzeko teknologia dela eta. Berrikuntza horrek ingeniaritza jasangarriaren abangoardian jartzen du Kernova, eta energia-eraginkortasuna hobetzeaz gain, ingurumen-inpaktua murrizten duten irtenbideak eskaintzen ditu.
Lotutako albisteak
Karelak berrikuntzaren aldeko apustua egiten du ontzigintza eta industria sektoreetan
Konpainiak ingeniaritza elektrikoko aholkularitza zerbitzu integrala eskaintzen du Euskadiko eta nazioarteko enpresentzat
Eusko Jaurlaritzak deialdi berri bat ireki du euskal enpresa traktoreek mundu osoko startup disruptiboekin lankidetzan jardun dezaten
BIND programaren 10. edizioaren deialdia, SPRI Taldeak kudeatzen duena, martxoaren 31n amaitzen da, eta gaur egun enpresa hauek parte hartzen dute, besteak beste: Mercedes-Benz, ITP Aero, Iberdrola, Betsaide, Ormazabal, Tubacex, Talgo, Sidenor eta Eroski.
Wake Up! Resumen de noticias emprendedoras en la Red
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Martxoaren 13an: ‘Venture on the Road’ ekimenak proiektu teknologiko berritzaileak sustatuko ditu Bilbon
Potentziala duen IKT proiektu bat duzu eta sektoreko jendearekin konektatu nahi duzu? Ez galdu aukera hau.
INNKIA startup jaio da, enpresen behar zehatzetarako Adimen Artifizala
LABORAL Kutxaren eta IKERLANen eskutik sortu da startup kooperatibo aitzindaria, MONDRAGONen eta Eusko Jaurlaritzaren laguntzarekin.