KILKER: bideaz gozatzeko scooter elektrikoa
Kilker, behin betiko patinete elektrikoa, teknologia, jasangarritasuna, diseinua eta kalitate goreneko materialak uztartzen dituena. Bi eredu berri plazaratu ditu ofizialki, Kickstarter plataformaren bidez egindako crowdfounding kanpaina batean.
XXI. mendeko erronkei erantzungo dien mugikortasun-kontzeptu bat sortu nahi du enpresa arabarrak, honako arlo hauetan: mugikortasuna, kutsadura, trafiko-pilaketak, jasangarritasuna, zaharkitze programatua eta iraunkortasuna. Ildo horretatik, maila goreneko scooter elektriko bat eskaintzen du, bere kategoriako produktu gehienekin parekaezina dena.
Bi eredu desberdin atera dituzte: Zero -hiriko eredua- eta Mendi -mendirako eredua-.
E-scooter-ak eskuz eginda daude, kalitate oneneko materialak eta osagaiak erabilita: aluminiozko edo karbono-altzairuzko koadroa, pago-egurra, Shimano disko-balaztak, aluminiozko urkila, 16”-ko Schwalbe pneumatikoak… Konbinazio horrek erosotasuna, segurtasuna eta iraunkortasuna bermatzen ditu, diseinua arriskuan jarri gabe.
Hasiera-hasieratik, Kilkerrek aldaketa positibo bat sustatzeko konpromisoa hartu du, ikuspegi jasangarri batetik abiatuta patinete elektrikoak sortuz, zaharkitze programatuaren aurka eginez eta bizitza baliagarria luzatuz.
Gure Kilkerrak merkatuko patineteekin alderatzen ditugunean, alde handia dagoela ikusten dugu.
- Fabrikazio arduratsua
- Iraunkortasun handiagoa
- Konpongarria (osagai estandarrak)
- Europar Batasunean fabrikatua
- Egonkorragoa (gurpil handia, plataforma luzea)
- Seguruagoa (gurpil handia, diametro handiko balazta bikoitza)
- Pisu gutxiago (gurpil tamaina bera duten lehiakideen aldean)
- Erosoagoa: eskuleku egokigarria, plataforma handia eta sentsazio ona balaztatzerakoan.
Bisita ezazu Kilkerren Kickstarter webgunea, Kilker Mobility-ri buruzko informazio gehiago eskuratzeko eta patinete elektrikoak erreserbatzeko.
Lotutako albisteak
Mikel Jauregi: “Eusko Jaurlaritzari dagokiola Euskadiko enpresei segurtasuna eta ziurtasuna eskaintzea”
Sailburuak "enplegua eta aberastasuna sortzeko Euskadiko enpresek egiten duten lana" balioan jarri du, enpresari eta ekintzaileen figurari prestigioa emateko beharra aldarrikatuz
INNKIA startup jaio da, enpresen behar zehatzetarako Adimen Artifizala
LABORAL Kutxaren eta IKERLANen eskutik sortu da startup kooperatibo aitzindaria, MONDRAGONen eta Eusko Jaurlaritzaren laguntzarekin.
ELIKA Fundazioak “Recircular alimentación” aurkeztu du, elikagai-soberakinak errebalorizatzen lagunduko duen tresna digitala
Elika Fundazioaren eta Recircular startup-aren arteko lankidetzaren emaitza da, zeinak elikagai-soberakinak ekonomikoki balorizatzea duen xede.
Wake Up! Albiste ekintzaile batzuk sarean
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Female Founders Day: Emakumeen talentua eta ekintzailetza sustatzeko ekitaldia Bilbon
Inbertsioan, teknologian eta ekintzailetzan adituak elkartuko dira: hitzaldi nagusiak, eztabaida mahaiak eta pitch lehiaketa.