Lako ‘superelikagaietan’ oinarritzen du bere jarduera alternatiba osasungarriak eskaintzeko
Nekazaritza elikagaien sektorea etengabeko bilakaera ari da izaten, eta berrikuntza funtsezkoa da elikagai osasungarriak eta jasangarriak lortzeko, gero eta elikadura-aukera gehiago baitaude. Proteina alternatiboak, aukera beganoak eta begetarianoak, intolerantziak… geroz eta ohikoagoak dira, eta gero eta ekintzaile gehiagok horietan oinarritzen dute bere garapenak.
Ia bi urteko ibilbidea duen startup bat da Lako Foods. Sara Urrejola, María García eta Marina Sanz ekintzaileek sortu zuten, eta ‘superelikagaiak’ deritzen alternatiba osasungarriak eskaintzeko helburua du. Bilboko startupak garatu duen lehen proiektuaren helburua gehiegizko azukrearen erabilera murriztea da, datiletan oinarritutako soluzioarekin.
“Elikagai honen propietateak oso baliotsuak dira. Helburua da enpresek azukrearen edo osasungarriak ez direla frogatu den beste gozagarri kimiko batzuen alternatiba gisa erabiltzea”, dio Sara Urrejola Lako Foodseko marketin eta salmenta arduradunak. Produktu hori beren ekoizpenetan azukrea ez den beste alternatiba bat bilatu nahi duten startup txikientzat bideratuta dago, baina baita elikagaien sektoreko ultra-prozesatuen enpresa handientzat ere. Oraingoz ez da aurreikusten supermerkatu-kateetan saltzea, ecommerce denda txikiei edo belar-dendei zuzenduta dago gehienbat. Proiektu hau Basque Food Laboratory Berrikuntza Gastronomikoko Zentroarekin lankidetzan garatzen ari da.
Startupa EIT Food nekazaritza elikagaien Europako partzuergoak sustatutako EWA programan parte hartzeko aukeratuetako bat izan da. Ekimen horrek sektoreko emakume ekintzaileei laguntzea du helburu. “EWAk gure jarduera ezagutarazteko aukera eman digu; Europa mailako bilera eta azoketan egon gara, eta bertan oso pertsona interesgarriak aurkitu ditugu gure ideia berberekin. Bilera horietatik etorkizunean lankidetzak sor daitezke”, nabarmendu du Sara Urrejolak.
Startup-ak urrats handia emango du 2024 honetan. Orain, bere produktua hobetzeko eta industriara egokitzeko lanean ari da, datorren urtean merkaturatzeko eta hainbat enpresarekin elkarlanean hasteko, batez ere startupekin. Gainera, beste elikadura-aukera osasungarri batzuk garatzen ari da Lako.
SPRI Taldeak laguntza integralaren bidez berrikuntza, ekintzailetza eta barne-ekintzailetza laguntzen ditu, ideiak merkatura modu arrakastatsuan irits daitezen. Aurrera, Basque Fondo, Bind 4.0, Ekintzaile edo Barnekintzailetza ekintzailetzarako laguntza-programen bidez egiten du hori.
Lotutako albisteak
Wake Up! Albiste ekintzaile batzuk sarean
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Female Founders Day: Emakumeen talentua eta ekintzailetza sustatzeko ekitaldia Bilbon
Inbertsioan, teknologian eta ekintzailetzan adituak elkartuko dira: hitzaldi nagusiak, eztabaida mahaiak eta pitch lehiaketa.
Fisioterapiaren aro berria diseinatzea du helburu Fisifyk
Bilboko startup honen xedea da bere zerbitzu digitala fisioterapiaren etorkizuna izatea, etengabeko zerbitzu hibrido eta publiko guztientzat irisgarria eskainiz.
AcroBioPLASTek bioplastikoen aplikazioa hobetzen du gailu biomediko bihurtzeko
Proiektuak material biodegradagarriak eta birziklagarriak garatu nahi ditu, bioplastikoak dituzten mugei aurre egiteko
Euskadi Europako erreferente gisa finkatu da ekintzailetzarako
Euskadi berrikuntza maila handiagatik eta jasangarritasunarekin duen konpromisoagatik nabarmentzen da. Ekiteko baldintzetan Europako erreferente gisa finkatzen da, baina oraindik ere erronkak daude, batez ere hezkuntza ekintzailearen eta finantzaketa eskuratzeko ekitatearen arloan