MONDRAGON – Keiretsu Forum Inbertsio Industrialeko Foroaren bigarren edizioa

Iragan otsailaren 23an egin zen MONDRAGONen eta Keiretsu Forum-en eskutik Inbertsio Industrialaren bigarren foroa GARAIA parke teknologikoan. Sustapen zentroaren bitartez antolatzen du Korporazioak foroa eta Keiretsu Forum-en parte-hartzearekin. Erakunde honek 2.000 inbertsore baino gehiago ditu, 200 milioi dolar baino gehiago inbertitu dituztenak ehunka enpresetan.

Ekitaldira Estatu osoko 120 bat ordezkari gerturatu ziren, gehienak ekosistema ekintzailearekin zerikusia dutenak (korporatiboak, enpresa ertain eta txikien ordezkariak, kontsultoreak, abokatuak, zentro teknologikoak, unibertsitateak, instituzioak, enpresa inkubatzaileak eta azeleradoreak, inbertsio kudeatzaileak, inbertsore pribatuak…) eta noski MONDRAGONen kooperatibetako ordezkaritza zabala ere presente izan zen.

Ekintzailetza industrialak gero eta garrantzi handiagoa hartu du Europan eta interes handia pizten ari da, hala inbertsio ratioak gora egin du arlo horretan. Gainera, ekintzailetza industriala merkatuan hazi nahi duen edozein produkturen berrikuntza prozesuaren ondorioa da eta MONDRAGONek sustatu nahi du, aipatu foroen antolakuntzarekin.

MONDRAGON azken zazpi urteotan merkatuan bere marka MONDRAGON Emprende-rekin kokatzen ari da, oinarri teknologikoa duten enpresak eta hazkunde gaitasuna dutenak erakarri nahian.

MONDRAGONen Enpresa Sustapen Zentroko zuzendari Joseba Sagastigordiaren esanetan, egitasmoaren helburuak korporazioaren estrategiarekin lotuta daude.

Ekitaldia mahai inguru batekin hasi zen, eta bertan parte-hartu zuten besteak beste, Jose Perez Berdud, Fagor Automationek zuzendari nagusiak, eta Nerea Aranguren,  Danobat taldeko berrikuntza arduradun eta Idekoko zuzendari orokorrak. Era berean, inbertsioen arloan esperientzia handia duten, Jose Javier Armendariz, Clave Capital-eko CEOa eta Alberto Diaz Gonzalez, Beable Capitaleko bazkide sortzailea ere mahai inguruan izan ziren.

Lotutako albisteak

4 uztaila, 2024 Ekintzailetza

Wake Up! Resumen de noticias emprendedoras en la Red 240630

Irakurri gehiago

2 uztaila, 2024 Berrikuntza

‘Belk+’, mugikortasunerako laguntza pertsonaleko lehen exoeskeleto adimenduna

Irakurri gehiago

1 uztaila, 2024 Ekintzailetza

LORRAK Bizkaiko nekazaritzako elikagaien gaineko 13 proiektu berri ekiten lagunduko du

Irakurri gehiago

30 ekaina, 2024 Ekintzailetza

Libertad Avenue, hiri-txirrindularientzako moda jasangarria

Irakurri gehiago

28 ekaina, 2024 Ekintzailetza

VS Decok zure etxebizitza diseinu fotorrealista batean bihurtzen du

Irakurri gehiago

Joan blog-era