Multiverse Computing-ek 12,5 milioi euro jasoko ditu Europako Berrikuntza Kontseiluaren (EBK) bidez
Multiverse Computing euskal startupak 12,5 milioi euro jasoko ditu. Dirutza hau Europako Berrikuntza Kontseiluaren (EBK) azken finantzazioaren parte izango da. Ondorioz, Europan kapitalizazio gehienen duten kuantikari lotutako enpresa hazi berrien artean kokatzen da.
Duela pare bat hilabete, 10 milioiko kapitala eta 2,5 milioiko subentzioa jaso zituen lehenbiziko finantzaketa-errondan, eta orain inbertsio berri hau dator.
EBK Europako Komisioak sortu zuen, Europar Batasunean berrikuntza iraultzaileak merkaturatzen laguntzeko. Laguntza hau ikerketara eta etorkizun handiko enpresa berriei zuzenduta dago, besteak beste. Euren azelerazio-programan laguntza jasotzeko hautatutako enpresak, enpresen munduan esperientzia handia duten inbertsore eta profesionalek ebaluatzen dute. Bikaintasuna, inpaktua eta arrisku-maila kontuan hartzeko faktoreak dira.
Multiverse Computingeko taldearentzat, inbertsio hau beraien produktu nagusiaren potentzial handiaren erakusgarri da: ‘Singularity’, finantza-zerbitzuetarako sortutako eta teknologia kuantikoa erabiltzen duen lehen konponbide informatiko konputazionala. Multiverse Computingeko CEO den Enrique Lizasok dionez, “Finantza-entitateek erabilterrazak diren eta errendimendu altua duten teknologia kuantikoak erabil ditzaketela erakusten duen aitortza paneuroparra da. Singularity bere motako onena da bi aspektu hauetan”.
Finantzazioaren parte bat enpresaren MonteCarlo aktiboen balorazio-motorra hobetzen jarraitzera zuzenduko da. Era berean, finantza-entitate eta banku zentraletara zuzendutako deribatuen ebaluazio-gaitasunak eta erresistentzia-frogetako erremintak kudeatzeko ere erabiliko da finantzazioaren parte bat. Fondoak talentua erakarri eta mantentzera zuzenduko dira, eta enpresak bere erreminta-sortaren komertzializazioa azeleratu ahala, merkatu bertikalagoetara zabaltzera ere zuzenduko dira.
Roman Orus Multiverse Computingen zuzendari zientifikoa da. Berak dionez, “iragarki honek erakusten du merkatuak sinetsi egiten duela orain arte lortu dugun horretan eta etorkizunean lor genezakeenean: zientzia solidoa da eta gure produktuetarako merkatu global probetxugarria dago guk jorratzeko zain”.
Finantza-entitateetara zuzendutako Multiverseren Singularity erreminta-sortak diseinu berezia du, konputazio kuantikoaren boterea aprobetxatu eta ikuspegi klasiko nagusiak gainditzeko. Hala, finantzen erronka komertzial asko konpontzea espero da; besteak beste, kapitalaren aukeraketa, iruzurren antzematea eta arriskuen kudeaketa. Haren esperientzia zuhurra eta PC-an oinarritutako interfazari esker, sorta honekin finantzetako profesionalek konputazio kuantikoaren gaitasunak aprobetxatu ahal izango dituzte klik gutxi batzuk emanaz, ezagutza edo formakuntza berezirik behar izan gabe.
info+: www.multiversecomputing.com
Lotutako albisteak
Mikel Jauregi: “Eusko Jaurlaritzari dagokiola Euskadiko enpresei segurtasuna eta ziurtasuna eskaintzea”
Sailburuak "enplegua eta aberastasuna sortzeko Euskadiko enpresek egiten duten lana" balioan jarri du, enpresari eta ekintzaileen figurari prestigioa emateko beharra aldarrikatuz
INNKIA startup jaio da, enpresen behar zehatzetarako Adimen Artifizala
LABORAL Kutxaren eta IKERLANen eskutik sortu da startup kooperatibo aitzindaria, MONDRAGONen eta Eusko Jaurlaritzaren laguntzarekin.
ELIKA Fundazioak “Recircular alimentación” aurkeztu du, elikagai-soberakinak errebalorizatzen lagunduko duen tresna digitala
Elika Fundazioaren eta Recircular startup-aren arteko lankidetzaren emaitza da, zeinak elikagai-soberakinak ekonomikoki balorizatzea duen xede.
Wake Up! Albiste ekintzaile batzuk sarean
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Female Founders Day: Emakumeen talentua eta ekintzailetza sustatzeko ekitaldia Bilbon
Inbertsioan, teknologian eta ekintzailetzan adituak elkartuko dira: hitzaldi nagusiak, eztabaida mahaiak eta pitch lehiaketa.