Oroi, LEINNetik sortutako enpresa teknologikoa
Mendebaldeko gizartea zahartzen ari da, eta bereziki euskal gizartea. Gero eta gehiago bizi gara eta hortaz, hirugarren adineko pertsonen beharrak asetzeko zerbitzu zein produktu berriak sustatu behar dira. Aipatu abiapuntua aintzat hartuta, Iñaki Aramburu eta Jorge Maylin, eta euren taldeko beste leinner batzuek orain dela bost urte OROI Wellbeing enpresa sortu zuten.
Gazteak, ezagutzaz jantziak, erronka zaleak eta ekintzaileak. Lau ezaugarri horiek izanez gero, abiatu zaitezke edozein abenturatan, baita enpresa arlokoa bada ere. Mondragon Unibertsitateko, LEINN graduko ikasleek izaten dituzte bereizgarri horiek, eta Oroi enpresaren sortzaileek argi eta garbi erakutsi zuten hasieratik erronkak gustuko zituztela. Iñaki Aramburu, Jorge Maylin Larruy eta beste ikaskide batzuk orain dela bost urte martxan jarritako egitasmoa da Oroi, gaur enpresa arrakastatsua.
Halaber, Oroi Wellbeing MONDRAGONetik gertu dagoen proiektua da. Fundatzaileek Mondragon Unibertsitatean ikasi zuten, eta Korporazioak berak enpresa lagundu du, kooperatibak kapitalean – GSR kasu honetan – sartuta eta funts korporatiboekin lagunduta.
Gradu amaierako lanaren fruitua da Oroi enpresa teknologikoa. Gaur egun, bi arlotan dihardute lanean, ‘batetik hirugarren adineko pertsonen beharrak ase nahian, eta bestetik errealitate birtualaren eremuan. Izugarri hazten ari diren bi sektore dira. Gizartea zahartzen ari da eta teknologiak sekulako aukerak eskaintzen dizkigu adineko pertsonei zerbitzuak eta produktuak eskaintzeko’, hala diote Iñaki Aramburu eta Jorge Maylin Larruyk. Eta euren proiektuak izan du oihartzun mediatikoa ere, izan ere ‘Emprendedores’ aldizkarian agertu berri dira, ‘aitortza handia da guretzat, talde guztiarentzat’.
Oroi errealitate birtualean oinarritutako plataforma terapeutikoa da, adineko pertsonei zerbitzua eskaintzeko bideratua. Aiton-amonei ongizate emozionala eragiteko, estimulazio kognitiboa sustatzeko adineko pertsonen artean eta kirola egiteko aukera ere eskaintzeko. Errealitate birtualari esker, hirugarren adineko sektore zabalari produktu zein zerbitzuak eskaintzen ditu Oroik, eta enpresak merkatuan egin duen jauzia gero eta nabarmenagoa da.
info+: OROI Wellbeing
Lotutako albisteak
Ezarri Mosaicos: “Enpresa baten egunerokoa lehiatzea, ikertzea eta bezeroei erantzunak ematea da”
Gipuzkoako enpresaren beirazko diseinuak 100 herrialdetan baino gehiagotan daude, eta nazioarteko transakzioak haren negozio-zifraren % 70 dira
Aratubo: “IA funtsezko zeregina betetzen ari da gure eraginkortasuna eta berritzeko gaitasuna hobetzeko”
Enpresaren historia hazkunde azkar eta iraunkor batek markatu du. BAICeko bazkide da 2022tik, eta SPRI Taldeak sustatutako hainbat programatan parte hartzen du. Aitor López de Letona gerentearen arabera, "smart factory kontzeptua epe ertainerako lehentasunetako bat da".
Fagor Automationek emakumezkoen enpleguaren ia % 40 lortu du
Konpainia SPRI Taldeak garatzen duen genero-berdintasuneko jardunbide egokien identifikaziorako proiektu bateko parte-hartzaileetako bat da
Loco Polo: “Hauxe da zerotik hasita sortu dudan eta urte gehien dituen proiektua”
Iñigo Galdonak, enpresaren sortzaileetako batek, artisau-izozkien proiektua bultzatu du Gipuzkoatik, eta beste hainbat herritan ere saltzen dute: Frantzian edo Omanen, adibidez
Begoña San Miguel: “Oja-Remen trokelen diseinua menderatzea bilatzen dugu kalitatezko piezak prezio lehiakorrean eskaintzeko”
Ia 60 urteko ibilbidearekin, Gernikan sortu eta Zornotzan egoitza duen enpresak berrikuntza teknologikoaren eta dibertsifikazioaren alde egin du, estanpazio metalikoaren sektorean hazten jarraitzeko.