‘Plataforma Kooperatibo Digitalen’ jardunaldia SAIOLANEN ekintzaileentzako
Datorren ostegunean, uztailaren 1ean, ‘Plataforma bidezko Kooperatiben’ (Plataforma Kooperatibo Digitalen) mugimendua ezagutzeko jardunaldia ospatuko da. Hainbat adibide praktiko erakutsiko dira; besteak beste, ‘Ziklologistika Kooperatibak’.
SAIOLAN / BIC Gipuzkoak mugimendu honen berri izan zuen ‘Mondragon Team Academy’ eta ‘The New School’-ek iaz antolatutako kurtsoaren bidez. Gehiago ezagutu eta sustatzeko asmoz, SAIOLANek jardunaldi hau eratu du TALAIOS, S.KOOP., Tazebaez eta S.Koop.-MONDRAGON TEAM ACADEMY-rekin batera. Entitate hauek gaur egun mugimendu honetan lan egiten dihardute.
Aktibitatea honakoengana zuzenduta dago:
– Plataforma bidezko Kooperatiba sortzeko irrika duten pertsona ekintzaileak eta ekintzaile taldeak
– Kooperatiba mota hau ezagutzeko interesa duten pertsonak (enpresen sorkuntza, kooperatiben mugimendua edota ekintzaile potentzialei euskarria emateko asmoa duten entitateak).
Jardunaldi interesgarri hau Arrasaten (Gipuzkoa) izango da, Garaia Parke Teknologikoko Udalaitz Entzungelan. Helburu nagusia bertaratu diren pertsonei Plataforma Kooperatibo Digitalei buruzko informazioa ematea da; norbaitek nahi izatekotan, materian sakontzeko aukera izango da. Ekimenak bi saio izango ditu; bata goizean eta bestea arratsaldean, bazkalaurrean eta bazkalostean.
Lehenengo saioan mugimenduaren ikuspegi orokorra emango da, honen zergatia, erronkak eta mundu mailan dituen adibideak. Jarraian, mugimenduak lekuan-lekuan dituen aplikazioa, erronkak eta lana azalduko dira. Azkenik, Kooperatiba Ziklologistikoen kasu berezia azalduko da.
Bigarren saioa modeloaren oinarrizko ezaguera duten eta honetaz gehiago jakin nahi duten pertsonei zuzenduta dago. “Kidetutako Lanaren ikuspegia duen Plataforma Kooperatibismorako beharrezko gakoak” deitutako atal hau TALAIOS KOOPeko Beñat Irasuegik burutuko du, mugimenduak berton izan duen garapena azalduz.
HARPIDETZAK
https://labur.eus/plataforma-kooperatibismoa
Lotutako albisteak
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Wake Up! Albiste ekintzaile batzuk sarean 250324
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Zabalik dago MAKE IN! Ekintzailetza Industriala programaren 4. ediziorako izen-emate epea
Apirilaren 25a izango da programan izena emateko azken eguna
Wake Up! Albiste ekintzaile batzuk sarean
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Foodtech Startup Forum 2025: elikagaien industriarako berrikuntzaren eta teknologiaren arloko punta-puntako irtenbideak
Elikagaien eta edarien sektorerako proiektu, irtenbide edo negozio eredu iraultzaileak aurkeztu nahi dituzten startupek apirilaren 1era arte ikustarazi ahal izango dute bere hautagaitza