Silver Economy: Zilar Ekonomiaren Bizkaiko startup eta enpresen Aida

Silver Economy-aren alde apustu egitea Bizkaiko etorkizuneko beharrizanei aurre egitea da, bai eta sistemaren jasangarritasuna zaintzea ere; era berean, zahartzearen erronka gure lurraldearen garapen sozial eta ekonomikorako agertoki positibo batean bilakatzen da.

Testuinguru horretan, Nagusi Intelligence Centerrek atsegin handiz aurkezten dizue Bizkaiko Silver Economy arloko enpresen lehenengo gida, Bizkaiko enpresa askok alor honetan egiten ari zareten jardueraren balioa nabarmentzeko helburua duena. Enpresa parte-hartzaileak bost ataletan banatu dira, xede duten balio- katearen arabera eta egiten duten jardueraren esparru nagusia kontuan hartuta: biztanleria aktiboa, osasuna eta ongizatea, osasun asistentziala, iraupen luzeko zainketak eta finantzaketa eta aholkularitza balio-katean.

Bizirik dagoen proiektu bat da, 2022an 51 enpresekin sortua izan arren, proiektua etengabe hazten joatea espero dugu, Bizkaiko jarduera-sektore horren osasun onaren isla gisa, biztanleriaren zahartzearen erronkaren aurrean, gero eta garrantzi handiagoa hartzen ari den merkatu-segmentu honetan, bere produktu eta zerbitzuak arrakastaz dibertsifikatzera doazen startup eta enpresa berriak txertatuz. Jarduera ekonomiko berria sortzeko aukera ona da, gure lurraldeari aberastasuna eta kalitatezko enplegua ekarriko dizkiona, helburu duen publikoa ahaztu gabe: adinekoak. Gure asmo nagusia haien bizitza hobetzea baita, ez bakarrik iraupenari dagokionez, baita kalitateari, autonomiari, betetasunari eta duintasunari dagokionez ere.