Startup Euskaltel: Metxak eta Eukaltelek ekintzailetza eta azelerazioa bultzatuko dute
Metxa azelerazio-programarako hautatutako euskal startupek aukera izango dute StartUps Euskaltel programan sartzeko eta telekomunikazio-konpainia horrek eskaintzen dituen abantailak baliatzeko. Helburua da Euskaltelen teknologia, gaitasunak eta berrikuntza-komunitatea konektatzea StartUpekin, azeleragailuekin, bezeroekin eta produkzio-sektoreekin.
Hala, Metxa programan sartzen direnek eta StartUps Euskaltel programako baldintzak betetzen dituztenek abantaila hauek izango dituzte:
- Interneta, ahotsa eta mugikorra, domeinua, posta, web hosting-a, eta abar dohainik.
- Datacenter zerbitzu aurreratuak dohainik.
- Proba eta garapenetarako ekipamendua.
- Prestakuntza eta workshop-ak Euskalteleko aditu onenekin.
- Networking saioak eta webaren ikusgarritasuna, sare sozialak eta Euskaltelek antolatutako jarduerak.
- Produktu eta zerbitzu erosketen azterketak Euskaltelen eskutik.
Hauek dira StartUps Euskaltel programan parte hartzeko baldintzak: startupak sozietate gisa egon behar du eratuta, egoitza izan behar du Euskadin, 3 urte baino gutxiago izan behar ditu, eta hautatua izan behar du programa honen kolaboratzaile den erakunderen bateko hazkuntza- edo azelerazio-programaren batean.
Euskaltelen ebaluazio irizpideek kontuan izango dute proiektua zenbateraino datorren bat Euskaltelen ildo estrategikoekin, zein den proiektuaren heldutasun-maila eta baita ere potentziala.
Programa hori irismen globaleko proiektu bat duten startup teknologiko eta berritzaileei zuzentzen zaie, eta hauek dira bere ildo estrategikoak: gauzen interneta, adimen artifiziala, wifi eta 5G, zibersegurtasuna eta eduki mota berriak.
Metxa ekimenak 2 urte baino gehiago daramatza startupak azeleratzen neurrira eginiko programa baten bitartez, eta batez beste 75.000 euro inbertitzen ditu programa gainditzen duten enpresetan. Horietako batzuk errotze-fasean daude dagoeneko.
Metxa azelerazio-programan parte hartzeko, hasierako baldintzak gainditzeaz gain, startuparen talde sustatzaileak programan inplikatu behar du 6-8 hilabetez.
+info: www.metxa.com
Lotutako albisteak
Industria Erronka-k 700 ikasle baino gehiagok industria-enpresa bat izatea simulatzea ahalbidetzen du
Industria Erronka Bizkaiko Foru Aldundiaren eta Eusko Jaurlaritzaren laguntzari esker posible da, SPRI - Euskal Enpresen Garapenerako Agentziaren bidez
Eusko Jaurlaritzak Gauzatu Industria programa aktibatu du 28 milioi eurorekin
Oinarri teknologiko eta berritzailea duten enpresa txiki eta ertainen sorrera eta garapena bultzatzeko
Optidel Biosystems-ek arrisku-kapitaleko inbertitzaileen babesa jaso du
Optidel Biosystems startupek kosmetika sektorean osagai aurreratuak eta konponbide pertsonalizatuak garatzeko muga berriak irekiko ditu
Euskadik bere automobilgintza sektoreko industria indartuko du errepideko garraioaren deskarbonizazio adimendunerako laguntza-programa berri batekin
Eusko Jaurlaritzak "Emisio Txikiagoko Ibilgailuak" laguntza-programa aurkeztu du Industriaren Defentsarako Taldearen baitan, euskal automobilgintzaren sektoreak egungo muga-zergen gerraren testuinguru globalean dituen erronkei erantzuteko
Industria Defendatzeko Taldeak Euskadiko industriari laguntzeko lehen neurria onartu du
Industria Defendatzeko Taldeak lehen laguntza-programa bat aurkeztu du, “Emisio gutxiagoko ibilgailuak” erosteko, Euskadin errepideko garraioaren deskarbonizazio adimendunean aurrera egiteko eta, aldi berean, euskal industriarako funtsezkoa den sektore bati, automobilgintzari, laguntzeko