Startupei inbertsio-txandetan gaikuntza ematea, Beazen zerbitzu berria
Baliabide ekonomikoak bilatzea da enpresa sortu berrien kezka nagusietako bat. Hala da sortu aurreko unetik, eta halaxe izango da hazkunde osoan zehar….
Ekintzaileei alderdi kritiko horretan laguntzeko, Beazek zerbitzu bat abiarazi du hurrengo helburuak lortzeko:
- Bizkaiko startupen hazkundea eta iraunkortasuna bermatzea.
- Finantzaketaren bilaketan arrakasta izateko tresnak ematea.
- Agente inbertitzaileei sarbidea erraztea eta haien aurrean ikusgarritasuna ematea
Lehen ekintza gisa, Beazek “Finantzaketa-txanda: prest al dago nire startupa?” gida aurkezten du, eta izena emateko zabalik dagoen prestakuntza-programa proposatzen du. Gehienez 20 enpresarentzat.
Izen-ematea irailaren 29ra arte.
Beaz Bizkaiko Foru Aldundiaren sozietate publiko bat da eta haren helburua enpresei eta ekintzaileei proiektu berriak sortzeko, berritzeko eta nazioartera zabaltzeko egiten dituzten ahaleginetan laguntzea da.
Zerbitzua hazkunde-erronkak dituzten startup berritzaileentzat pentsatuta dago, eta hurrengoak proposatzen dizkie:
“Finantzaketa-txanda: prest al dago nire startupa?” gida
Argitalpen honetan startup batek bere bizi-ziklo osoan, ideia bat denetik hazkunde-fasera arte, erabil ditzakeen finantzaketa-tresna publiko eta pribatu nagusiak aurkezten dira laburki. Gidan finantzaketa-txanda bati aurre egiteko jarraitu beharreko urratsak ere azaltzen dira eta gomendio orokorrak eta jardunbide egokien dekalogo bat proposatzen dira.
Gida jeitsi
Trebakuntza
Ekintzaileei zuzendutako ikastaroa, beren startupak arrakastaz finantzatzeko funtsezko alderdiei buruzko prestakuntza emateko asmoz. Beazek eta Keiretsu Forumek antolatuta, lau orduko 5 lantegi izango dira eta, besteak beste, hurrengo gaiak jorratuko dira: Estatuko inbertsio-ekosistema, proiektu baten aurretiazko baliozkotzea, edo finantzaketa-prozesu batek dakartzan urratsak, epeak eta dokumentuak.
Izena emateko formulariora joan
Inbertsio-foroa
Topaketa honetan -presentziala eta online- aurretiaz Beazek eta Keiretsuk hautatutako startupek beren proposamenak aurkeztuko dituzte inbertitzaile, Family Office, business angels eta Euskadin eta estatuan jarduten duten kapital funts publiko eta pribatuen aurrean. Hautatutako taldeek bi lantegi espezializatutan parte hartu ahalko dute eta, inbertsio pribatuaz, inbertitzaileekiko negoziazioez eta ia ezer fakturatzen ez duten enpresak baloratzeko erabilitako metodoez ezagutza orokorrak jasotzeaz gain, proiektu bakoitza baloritzatzeko saio pertsonalizatuak ere egongo dira.
Lotutako albisteak
Mikel Jauregi: “Eusko Jaurlaritzari dagokiola Euskadiko enpresei segurtasuna eta ziurtasuna eskaintzea”
Sailburuak "enplegua eta aberastasuna sortzeko Euskadiko enpresek egiten duten lana" balioan jarri du, enpresari eta ekintzaileen figurari prestigioa emateko beharra aldarrikatuz
INNKIA startup jaio da, enpresen behar zehatzetarako Adimen Artifizala
LABORAL Kutxaren eta IKERLANen eskutik sortu da startup kooperatibo aitzindaria, MONDRAGONen eta Eusko Jaurlaritzaren laguntzarekin.
ELIKA Fundazioak “Recircular alimentación” aurkeztu du, elikagai-soberakinak errebalorizatzen lagunduko duen tresna digitala
Elika Fundazioaren eta Recircular startup-aren arteko lankidetzaren emaitza da, zeinak elikagai-soberakinak ekonomikoki balorizatzea duen xede.
Wake Up! Albiste ekintzaile batzuk sarean
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Female Founders Day: Emakumeen talentua eta ekintzailetza sustatzeko ekitaldia Bilbon
Inbertsioan, teknologian eta ekintzailetzan adituak elkartuko dira: hitzaldi nagusiak, eztabaida mahaiak eta pitch lehiaketa.