Albisteak 10 Azaroa, 2023

BIND 4.0 plataformako enpresa kideek, 8. edizioan, adimen artifizialaren eta IoT-aren aldeko apustua egiten dute, industria jasangarriagoari begira. Gehiago jakiteko: Basque Open Industry.

Berrikuntza irekiko programak, BIND 4.0, ezagutarazi berri du BIND 4.0 programaren 8. ediziorako 77 startup finalisten zerrenda.

Urtarrilean ezagutaraziko dira 8. edizioan parte hartzeko hautatutako startupak.
Murgiltze-teknologia, adimen artifiziala, IoT eta softwarea aplikatzen dituzten soluzioek interes handia pizten dute BIND 4.0 plataformako 70 enpresen artean.
Kideen % 23k barne-prozesuen digitalizazioa sustatu nahi dute eta % 21ek ingurumen-inpaktua, energia-efizientzia eta jasangarritasuna.

Berrikuntza irekiko programak, BIND 4.0, ezagutarazi berri du BIND 4.0 programaren 8. ediziorako 77 startup finalisten zerrenda. Startup horiek beren teknologia berritzaileak aurkeztuko ahal izango dizkiote euskal industriari hurrengo Basque Open Industry ekitaldian. 2024ko urtarrilean ezagutaraziko dira edizio honetako 70 enpresa kideek hautatutako startupak, eta une horretan hasiko dira garatzen industria adimendunaren, energia garbi eta jasangarrien, osasunaren eta elikaduraren arloko proiektu berriak.

Aurten, enpresa kideek, sektoreko erronka nagusiei aurre egiteko, murgiltze-teknologiak, adimen artifiziala, IoT eta softwarea aplikatzearen aldeko apustua egiten dute. Proiektuen helburua da industrian digitalizazioa bultzatzeko gai diren soluzioak sortzea, betiere barne-prozesuak hobetzearen bidetik eta energia-efizientzia eta jasangarritasuna handitzearen bidetik, ingurumen-inpaktua murrizteko tresna diren heinean.

Mundu osoko 77 startup iritsi dira 8. edizioko finalera

BIND 4.0 azelerazio-programaren 8. ekitaldiko startup finalistak mundu osoko 777 hautagairen artean hautatu dira. Finalista horien artean nazioartekoak nabarmentzen dira, 40 startup baitira, hau da, guztien % 52 —Alemaniako 7, Erresuma Batuko 5 eta Italiako 3, besteak beste—. Gainerako % 48, hau da, 37 startup Espainiakoak dira, eta 18 Euskadikoak. Euskal Autonomia Erkidegoko startupei dagokienez, 8 Gipuzkoakoak dira, 7 Bizkaikoak eta 3 Arabakoak.

Startupak azeleratzen dituen programaren aurreko 7 edizioen —2016tik antolatzen da— arrakasta izan du azken edizio honek. BIND 4.0 plataformak hiru ekimen ditu industrian berritzeko, eta ekimen horiek enpresa lider handiekin, sektoreko erreferentziazko enpresa txiki eta ertainekin eta Euskadiko sozietate publikoekin elkarlanean garatzen dira. Orain arte, hiru ekimen horiekin guztira 200 startup baino gehiago azeleratu dira, eta 300 proiektu baino gehiago garatu.

Adimen Artifiziala, industriarako lehentasuna

8. edizio honetako finalisten fasean, BIND 4.0 programaren parte diren 70 enpresa kideek —horien artean daude Mercedes-Benz, ITP Aero, Iberdrola, Ampo, Cie Automotive, Uvesco, Natra eta Faes Farma— berrikuntzako 142 proiektu hautatu dituzte, eta proiektu horien % 36k adimen artifiziala aplikatzen dute beren soluzioetan. Adimen artifizialaren barruan, Machine Learning, adimen artifizial moldagarria eta hizkuntzaren prozesamendu naturala (NLP) dira startupen proiektuen tresna teknologiko nagusiak, baita software-teknologiak ere, hala nola hodeiko plataformak eta Web3 soluzioak, teknologia garbiak eta robotika kolaboratiboa.

Teknologia eta azpiteknologia horiek aplikatzen dira, nagusiki, azelerazio-programako enpresa kideek proposatutako 12 erabilera-kasuetan. Soluzio horietako % 23 bideratzen dira produkzio-prozesuak optimizatzera eta beste % 21ek jasangarritasuna eta energia garbiak bultzatu nahi dituzte industriaren barruan.

Ezagutu BIND 4.0 programaren 8. edizioko finalistak

Aurten, startup finalistek beren soluzioak Bilbao Exhibition Centre (BEC!) erakustazokan aurkeztu ahal izango dituzte, azaroaren 13an eta 14an egingo den Basque Open Industry ekitaldian. Izatez, ekitaldi hori berrikuntzaren, adimen artifizialaren, zibersegurtasunaren eta digitalizazio jasangarriaren arloko adituen topagunea izango da. Ekitaldi hori, bestalde, European SME Week 2023aren barruan sartzen da —aurten Bizkaiko hiriburuan du egoitza—

Hauek dira hautespen-prozesuko fase finalera iritsi diren eta Basque Open Industry ekitaldian ezagutu ahal izango dituzuen 77 startupak:

Adimen Artifiziala

4i Intelligent Insights – Espainia	Khenda – Ameriketako Estatu Batuak
Advian Software Oy – Finlandia	Lust 4 Food – Espainia
Anticipate – Alemania	Mindtrace AI – Erresuma Batua
Artificial Pixels – Alemania	Qassay – Espainia
Aunoa – Espainia	Recog Analytics – Espainia
Automaise – Portugal	Screevo – Italia
Bitvox Connected Acoustics – Alemania	Tracks CO2 – Espainia
Cerrion – Suiza	Uali – Espainia
Detektia – Espainia	Uktena – Espainia
ESGgo – Israel	Universal Omics – Espainia
Frenel Imaging – Israel	VRAin – Espainia
GaussML – Alemania	Vision Intelligence Limited– Erresuma Batua
Industrial Analytics IA– Alemania	Visionairy – Frantzia
Inspekto – Israel	We are clickers – Espainia

Softwarea

51toCarbonZero – Erresuma Batua	Emissium – Suitza
AICA – Suiza	Gundo – Espainia
CEQUENCE – Eslovakia	Usyncro – Espainia
Digimet Solutions – Brasil	Voltaage – Frantzia
Digital Factory Consulting (Mairu) – Espainia

Murgiltze-teknologiak

Braind 4.0 – Italia	NUUK Technologies – Espainia
Infinite Foundry – Portugal	Veris Behavior – Espainia
iQ3Connect – Ameriketako Estatu Batuak	Visionaries 777 – Singapur

Konektagarritasuna eta IoT

Advangrid – Letonia	Loraontech – Espainia
Fibsen – Espainia	Safeloc Systems – Espainia
Hedro Sistemas Inteligentes – Brasil	Singular Things – Espainia
Heremos – Italia

Robotika eta elektronika

Acceleration Robotics – Espainia	Nanostine – Espainia
Advanced Algorithms 4 Radar – Espainia	Star Robotics – Espainia
Cultzyme – Espainia

Big Data

Muutech Monitoring Solutions – Espainia	Promptly Health – Portugal
Olive Diagnostics – Israel	W’wave – Espainia

Manufaktura gehigarria

Algaloop Microalgae Biotechnology – Espainia

PrintCB – Israel

Zibersegurtasuna

Goldilock – Erresuma Batua	Orbik Cybersecurity – Alemania
LocateRisk – Alemania

Hidrogeno-teknologiak

Carbon280 – Australia

Hydrogen Waves –Erresuma Batua

Beste batzuk

12 To Zero Technology – Herbehereak	Kernova – Espainia
Algaesys – Portugal	Lifespin – Alemania
Biota – Gipuzkoa	Pyroistech – Espainia
Birziplastik – Espainia	Nawattia– Italia
Bromalgae –Espainia	Solumar – Arabiar Emirerri Batuak
Go Ahead Engineering – Espainia