Europako 500 startupek eta energia jasangarriko 200 startupek BIND 4.0ren aldeko apustua egin dute azelerazio-eragiletzat
- Zazpigarren deialdi honek 70 herrialdetako 700 hautagaitza baino gehiago jaso ditu.
- Aurten, 200 soluzio baino gehiago aurkeztu dira sektorea eraldatzeko hautagai gisa, energia garbiagoa eta jasangarriagoa lortzeko.
- BIND 4.0 programaren 70 partner enpresek hautatuko dituzte zazpigarren edizioko parte-hartzaileak; horiek 2023ko urtarrilean aurkeztuko dira.
Bilbo, 2022ko irailaren 27a. Berrikuntza irekiko BIND 4.0 plataformak itxi egin du enpresa industrial handiekin startupak azeleratzeko programaren zazpigarren edizioaren deialdia. Startupentzako azken deialdi honek 70 herrialdetako inskribatutako 700 hautagaitza baino gehiago erregistratu ditu, eta aurreko urteetako zifrak sendotu ditu.
Inskribatutako startupen jatorriari dagokionez, Europako startupek hautagaitzen ia % 60 hartzen dituzte, 483 guztira. Zifra horiek gora egin dute aurreko edizioen aldean, eta BIND 4.0 ekimena berrikuntza irekiaren eta azelerazioaren erreferentzia gisa finkatu da Europako startupentzat. Zehazki, Euskadik 48 hautagaitza ditu guztira, eta Estatuko gainerako herrialdeetan daude hautagai gehien (91). Bestalde, zazpigarren edizio honetako hautagai kopuru handiena duen Europako herrialdea Erresuma Batua da; ondoren, besteak beste, Italia, Alemania, Portugal eta Frantzia datoz.
Azelerazio-programako parte-hartzaileak 2023ko urtarrilean jakinaraziko dira, eta BIND 4.0 ekimen honen parte diren 70 partner enpresa handiek hautatuko dituzte. Enpresa horiek arlo hauetan daude espezializatuta, beteak beste: industria adimenduna, energia garbi eta jasangarria, elikadura eta osasuna.
4.0 industriaren ekimen publiko-pribatua da BIND 4.0, eta Ekonomiaren Garapen, Jasangarritasun eta Ingurumen Sailak sortua da SPRI Taldearen bidez. Bada, nazioarteko erreferentziazko programa bihurtu da 2016an sortu zenetik. Ordutik, BIND 4.0k 160 startup baino gehiago azeleratu ditu eta 240 proiektu baino gehiago garatu ditu, 7 milioi euroko fakturazioa gaindituta. Gaur egun, BIND 4.0k bi ekimen ditu industrian berritzeko. Azelerazio- eta berrikuntza-programa irekia, startupei zuzendua, enpresa korporatibo handiekin proiektuak garatzeko, eta, bestetik, BIND 4.0 SME Connection, enpresa industrial txiki eta ertainekin lankidetzan teknologia berriak garatzera bideratua.
200 soluzio baino gehiago aurkeztu dira sektorea eraldatzeko hautagai gisa, energia garbia eta jasangarria lortzeko
BIND 4.0ren hautagaitzetan aurkeztutako teknologien aplikazio-sektoreei dagokienez, nabarmentzekoa da aurten startupen % 45ek industria adimendunaren arloan aplikatzeko ahalmena duten soluzioak aurkeztu dituztela. Jarraian, bigarrenik, energia garbi eta jasangarriaren sektoreari aplika diezaioketen teknologiak daude (% 21eko ordezkaritza dute); hirugarrenik, proiektuen % 19k osasun-sektorean dute aplikazioa; eta beste % 15ek elikagaien segmentuan erabiltzeko kasu bat dute.
Izan ere, zazpigarren edizioko startupek aurre egin beharreko erronka nagusietako bat da energia eta industria garbiagoa eta jasangarriagoa lortzeko gai izango diren soluzio berriak garatzea. Izan ere, energia-kontsumoa murriztea eta energia-efizientzia eta jasangarritasuna optimizatzearen garrantzia dira, egungo egoeraren ondorioz, sektorearen lehentasunezko helburuetako bi. Hain zuzen, azken deialdi honek 200 hautagaitza baino gehiago jaso ditu, energia-efizientziaren eta jasangarritasunaren esparruan aplika daitezkeen soluzio teknologikoak dituztenak, enpresen eskaera berri horri erantzuteko helburuarekin.
Adimen Artifiziala, IoT eta Big Data, teknologia nagusiak Gehien nabarmentzen diren teknologia berriei dagokienez, aurten erregistratutakoen % 50ek Adimen Artifizialaren, Gauzen Interneten edo Big Dataren alde egiten dute. Ondoren, beste teknologia disruptibo batzuk daude: errealitate birtuala eta areagotua, fabrikazio gehigarria, elkarlaneko robotika, ikuspen artifiziala eta zibersegurtasuna, besteak beste.
Jasotako hautagaitza horietatik, industriaren hurrengo urteetako etorkizuna zehaztuko duten soluzioak garatuko dira. Horretarako, industriaren eraldaketa digitalean aitzindari diren enpresa handiak, hala nola Mercedes-Benz, ITP Aero, Tubos Reunidos, Arteche, Iberdrola, Bridgestone, Faes Farma edo Angulas Aguinaga, izango dira, besteak beste, sektorearen behar berrietara gehien egokitzen diren teknologiak aukeratuko dituztenak. Enpresa horiek startupekin lankidetzan arituko dira soluzio iraultzaileak sortzeko. Soluzio horiek bidea eman behar dute fabriketako produkzio-prozesuak automatizatzeko, energia-kontsumoa murrizteko, energia berriztagarria biltegiratzeko, mugikortasun gero eta adimendunagoa eraikitzeko (ibilgailu berriak eta energia kargatzeko moduak diseinatuta) edo material jasangarri berriak sortzeko. Horrek guztiak helburu komun bakarra du: etorkizunean industria adimendunagoa, jasangarriagoa eta efizienteagoa lortzea.
BIND 4.0 ekimenak hiru helburu nagusi ditu: startupen garapena azeleratzea euskal ekosistema industrialean, enpresen eraldaketa digitala sustatzea eta Euskadiko ekosistema ekintzailetza industrial aurreratuko hub gisa kokatzea. Hiru helburu horiek balio izan diote nazioartean berrikuntzaren, teknologiaren eta ekintzailetzaren alde gehien egiten duen programetako bat izateko.
Informazio gehiago BIND 4.0 plataformari buruz: https://www.spri.eus/es/ayudas/bind-4-0/
Lotutako albisteak
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Wake Up! Albiste ekintzaile batzuk sarean 250324
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Zabalik dago MAKE IN! Ekintzailetza Industriala programaren 4. ediziorako izen-emate epea
Apirilaren 25a izango da programan izena emateko azken eguna
Wake Up! Albiste ekintzaile batzuk sarean
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Foodtech Startup Forum 2025: elikagaien industriarako berrikuntzaren eta teknologiaren arloko punta-puntako irtenbideak
Elikagaien eta edarien sektorerako proiektu, irtenbide edo negozio eredu iraultzaileak aurkeztu nahi dituzten startupek apirilaren 1era arte ikustarazi ahal izango dute bere hautagaitza
WonderShop, WordPress-erako (“WP”) diseinatutako plugina, online denden jabeei katalogoen kudeaketa errazten die
Garatzen eta merkaturatzen duena WoonderSoft da. Enpresa gipuzkoarrak nazioarteko asmoak ditu eta bere produktuak interesa piztu du beste herrialde batzuetan.
Zure proiektua bultzatu 2025eko Ostegun Ekintzaileekin
"Kabiak" ekintzailetzako ekosistema sendotu du ‘Ostegun ekintzaileen’ beste ibilbide batekin
Wake Up! Albiste ekintzaile batzuk sarean 250309
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Momentum Gamesek joko arrakastatsuak sortzen laguntzen die markei
Gipuzkoako startupa proiektu bakoitzaren garapenaz eta administrazioaz arduratzen da, baita jokoen-analitikari buruz ere
Wake Up! Albiste ekintzaile batzuk sarean
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.