Eusko Jaurlaritzak deialdi berri bat ireki du euskal enpresa traktoreek mundu osoko startup disruptiboekin lankidetzan jardun dezaten
Eusko Jaurlaritzak BIND berrikuntza irekiko bere plataformaren hamargarren deialdia ireki berri du, mundu osoko startup disruptiboekin lankidetzan aritzeko interesa duten Euskadiko enpresa handiei zuzenduta. Plataforma horren helburua da euskal enpresen lehiakortasuna hobetzea, berrikuntza-proiektuak garatzearen bidez, prozesuak hobetzeko, energia-efizientzia areagotzeko eta industriako emisioak murrizteko gai diren teknologia berriak aplikatuz. Izena emateko epea martxoaren 31ra arte egongo da irekita.
BIND plataforman industria adimendunaren, energia garbien eta jasangarritasunaren, osasunaren eta elikaduraren arloko erreferentziako 70 enpresa handik baino gehiagok parte hartzen dute, eta horien artean daude, besteak beste, Mercedes-Benz, ITP Aero, Iberdrola, Betsaide, Ormazabal, Tubacex, Talgo, Sidenor eta Eroski.
BIND plataforman parte hartzearen onurak
BINDek, 2016az geroztik, 250 startup baino gehiago bultzatu ditu eta 350 berrikuntza-proiektu garatu ditu, bere hiru berrikuntza-ekimenekin: bat enpresa handientzat da, BIND Corporate, beste bat ETEentzat, SME Connection, eta hirugarrena sozietate publikoentzat, GovTech. Izan ere, urtero berrikuntza irekiko hainbat proiektu bultzatzeari esker, BIND euskal enpresen lehiakortasuna sustatzeko plataforma estrategiko gisa finkatu da: “BIND plataforma paregabea da joera teknologikoetan eguneratuta egoteko eta kanpoko laguntzarekin tresna berriak ebaluatzeko. BIND sareak merkatua baliozkotzea eta berrikuntza irekiko proiektuak inplementatzea errazten du, eta horrek gure lehiakortasuna hobetzeko aukera ematen du”, erantsi du Ceballosek.
Horrela, BINDeko eta bere berrikuntza irekiko ekosistemako kide izateak aukera ugari eskaintzen dizkie Euskadiko enpresa handiei:
- Erronka operatibo eta produktibo eta ingurumen-erronka berriei erantzuna ematea, enpresa bakoitzera egokitzen diren eta, besteak beste, IoT adimen artifiziala, murgiltze-teknologiak, clean tech, konputazioa eta manufaktura gehigarria aplikatzen dituzten soluzioekin.
- Lehiakortasuna eta lidergoa areagotzea munduko talenturik onenarekin batera.
- Sektore teknologikoaren azken joerak eta soluzioak detektatzea, ezagutzea eta aplikatzea, tokiko, estatuko eta nazioarteko startupen eskutik.
- Beren soluzioa modu arin eta profesionalean ezartzeko eratutako, prestatutako eta trebatutako startupekin lan egitea.
- Nazioartean erreferentzia den berrikuntza irekiko eta industria adimenduneko plataformako kidea izatea, bertan euskal industriaren eraginkortasuna eta efizientzia areagotzen lagunduko duten kasu arrakastatsuak partekatzeko.
- Prestakuntza espezifikoa Venture Client gaitasunak garatzeko eta startupekin elkarlanean aritzearen inpaktua maximizatuko duten metodologiak eta tresnak txertatzeko, berrikuntza-iturri gisa prozesuak optimizatzeko eta proiektu eta zerbitzu berriak, lehiakorrak eta efizienteak, garatzeko.
- Berrikuntza irekiko hub handienaren parte izatea, Euskadiko industriako 70 liderrekin, 20 inbertsiogile baino gehiago dituen Venture Club batekin edo 350 kasu arrakastatsurekin batera.
Zergatik izan BINDko partner enpresa?
BIND Corporate programako enpresa partner gisa parte hartu ahal izateko, baldintza hauek bete behar dira:
- Industriaren, energiaren, osasunaren edo elikaduraren arloei lotutako enpresa izatea.
- Euskadin jarduera-zentro bat izatea.
- 250 enplegatutik gorako plantilla izatea.
- Berrikuntzarekiko eta startupekin lankidetzan aritzeko interes handia eta konpromisoa izatea.
Enpresa partner berriek izena emateko epea irekita egongo da martxoan. Izena www.bindplatform.com webgunearen bidez emango da.
BINDi buruz
BIND industria adimenduneko berrikuntza irekiko plataforma publiko/pribatua da, eta Eusko Jaurlaritzak sortu zuen SPRI taldearen eta Euskadiko ekintzailetza-ekosistemako haren UpEuskadi plataformaren bitartez. Gaur egun egoitza Euskadin duten sektoreko erreferentziako 100 bat enpresarekin lankidetzan dihardu, , besteak beste. Ekimena hiru helbururekin sortu zen: Euskadiko industria-ekosisteman startupen garapena azeleratzea, enpresen lehiakortasuna sustatzea enpresen berrikuntzaren bidez eta Euskadiko ekosistema industria-ekintzailetzako hub aurreratu gisa kokatzea. BINDek 2016tik 3 programa eta ekimen ditu eta jada 250 startup baino gehiago sustatu dituzte eta 350 proiektu garatu dituzte. Informazio gehiago
Lotutako albisteak
Wake Up! Resumen de noticias emprendedoras en la Red
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Martxoaren 13an: ‘Venture on the Road’ ekimenak proiektu teknologiko berritzaileak sustatuko ditu Bilbon
Potentziala duen IKT proiektu bat duzu eta sektoreko jendearekin konektatu nahi duzu? Ez galdu aukera hau.
INNKIA startup jaio da, enpresen behar zehatzetarako Adimen Artifizala
LABORAL Kutxaren eta IKERLANen eskutik sortu da startup kooperatibo aitzindaria, MONDRAGONen eta Eusko Jaurlaritzaren laguntzarekin.
ELIKA Fundazioak “Recircular alimentación” aurkeztu du, elikagai-soberakinak errebalorizatzen lagunduko duen tresna digitala
Elika Fundazioaren eta Recircular startup-aren arteko lankidetzaren emaitza da, zeinak elikagai-soberakinak ekonomikoki balorizatzea duen xede.
EmprendeXXI Sariak: Inspectrail, Euskadin potentzial handiena duen startupa
Donostiako startupak trenbide azpiegitura mantentzeko irtenbide integral aitzindari bat sortu du