Gazteluk ibilgailu profesionalak, mikrobusak eta camper-ak alokatzeko lerroa zabaldu du
Gaztelu Rent Car da Gazteluk ekindako negozio-lerro berria. 54 urteko esperientzia du familia-enpresak automobilen esparruan, eta ohiko jarduera ibilgailu-alokairura dibertsifikatu du, pixkanaka hazteko asmoaz.
Hala, dibisio berriak bezerogai jakinen premiak betetzen ditu, merkatuan leku bat aurkitu baitute, hots, aukera berria. Furgoneta-alokairua eskaintzen dute, baita ibilgailu profesionalena, mikrobusena eta camper ibilgailuena ere. Alde batetik, zama-furgonetak –eserlekudunak nahiz ekipamendu isotermodunak– behar dituzten profesional autonomoak dituzte bezerogai. Bestetik, joan-etorrietarako mikrobusak –9 toki gehienez– behar dituzten taldeak, baita mini camper edo camper furgoneta batean bidaiatzeko esperientzia bizi nahi dutenak ere. “Hasierako ibilgailu-aukera bat dugu, baina gure asmoa da ibilgailu-parkea ugaritzen joatea, ibilgailu-moten eskariak gora egin ahala”, adierazi du Gaztelu Rent Car enpresako Edurne Fuentek.
Gaztelu Rent Car-en jarduera-eremua Bizkaia da batik bat, eta enpresak hiru saltoki ditu Leioan, Galdakaon eta Portugaleten, baina lurralde mugakideetan ere jarduten du. Gaztelu Rent Car web-orrian Alquiler de vehículos industriales (ibilgailu industrialen alokairua) atala du, zeinean zerbitzuaren funtzionamenduaren berri ematen den eta ibilgailu eskuragarri guztiak ikusgai dauden, argazkiak eta ezaugarriak adierazita.
Alokairuko ibilgailuen katalogoa sortu zuten eskariak gora egin zuelako, eta haren bitartez egoki erantzuten diote eskariari. Azken urteotan egiaztatu dute gero eta profesional gehiagok erabakitzen dutela furgonetak alokatzea, batez ere, furgoneta isotermoak, garraioan hotz-katea gordetzen dutenak. Halaber, laneko joan-etorrietarako eta talde txikien bidaietarako mikrobusak alokatzeko eskaria ere igo da, baita pandemiaz geroztik zabaldu den camper-alokairuarena ere. Eta ekitaldi jakin batzuek merkatua izugarri igotzen dute, esaterako egunotan Bizkaian gertatzen ari dena Athleticek Errege Kopako finala Sevillan jokatuko duelako: “Zoramena piztu da finala ikustera edo giroaz gozatzera bidaiatzeko … Bikoteek, lagunek edota familiek deitu digute mikrobus edo camper batean bidaiatzeko galdetzeko”.
Gaztelu Rent Car 8 hilabeteko prozesu batean garatu da; horretan ideia eta jarduera-eremua zehaztu dira, eta jarduerari ekiteko behar beste ekipamenduaz hornitu da enpresa. “Denbora daramagu lerro berriaz hausnartzen, ikusi dugulako esparru horietan leku bat dagoela eta gure espezializazioa eskain dezakegula”, komentatu du Edurnek. Motorraren merkatuaz duten ezagutzaz ari da, Fuente familiak 1970etik lan egiten baitu sektore horretan, hiru anaiak enpresa sortu zutenean, eta gaur egun, bigarren belaunaldiak jarraitzen du negozioan. Hasieran, konponketa-tailer bat zuten, eta 1990. urteaz geroztik, Gaztelu Ocasión izenaz, bigarren eskuko ibilgailuetan espezializatu ziren. Hogei langile baino gehiago ditu enpresak gaur egun.
Jardunbide horretan, indargune hauek dakarzkiote furgoneta-alokairuaren sektoreari: ibilgailu-aukera –ibilgailuak tailerrean bertan egokitzen eta mantentzen dira– eta bezeroei ematen zaien aholkularitza. “Beti esaten dugu behar bakoitzerako ibilgailu-mota bat dagoela, eta hori ere alokairuari aplika dakioke, batez ere, furgoneta-alokairuari eta beste ibilgailu profesional batzuen alokairuari”.
Lotutako albisteak
Mecanizados Patro enpresak “fidagarritasuna, segurtasuna eta eraginkortasuna” eskaintzen ditu trenbide-sektorean
Serie laburretarako eta luzeetarako pieza espezifikoak fabrikatzen ditu enpresa arabarrak, doitasun handiko lan-tresna eta makinekin.
Elvira, berrikuntza eta tradizioa osagai nagusi dituen istorio gastronomikoa
Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.
Lorra, lau hamarkada inguru Bizkaiko nekazaritzako elikagaien kooperatibismoaren funtsezko zutabe gisa
Gaur egun, erakundearen lehentasuna zahartutako sektore honetako erretiroak ordezkatzea da, belaunaldi-erreleboaren bidez.
Pozikek osasun mentaleko estrategietan inbertitzeko itzulkina maximizatzen laguntzen die enpresei
Bere plataformak aukera ematen du langileei buruzko informazioa biltzeko eta enpresen zuzendaritzari produktibitatea hobetzeko tresnak emateko, langileen ongizatearen bitartez.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Wake Up! Albiste ekintzaile batzuk sarean 250324
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Iametzak euskarazko komunikazioaren eta digitalizazioaren aldeko apustua lantzen du
Gipuzkoako enpresak NextCloud plataforma txertatu du azken urteetan bere eskaintzan, eta horrekin enpresa industrialetara iristea du helburu.
Riza Taldeak bere presentzia handitu du Alemanian, produkzio-kostuak ia % 40 murrizten dituen lanarekin
KTR Systems GmbH multinazional alemaniarraren filial baterako baliabideak optimizatu ditu enpresa gipuzkoarrak. Orain arte, Europako eta Ipar Amerikako zortzi herrialdetan aritu da, eta urtero 60 milioi euroko fakturazioa du.
Zabalik dago MAKE IN! Ekintzailetza Industriala programaren 4. ediziorako izen-emate epea
Apirilaren 25a izango da programan izena emateko azken eguna
Utilmaik tresna industrial aurreratuak diseinatzen ditu ekoizpen industriala optimizatzeko
Bizkaiko enpresak berrikuntza eta ezagutza teknikoa uztartzen ditu funtsezko sektoreetan mekanizazio-prozesuak hobetzeko, hala nola garraioan, makineria astunean eta aeronautikan.