EHU/UPV Transferencia de Conocimiento spin-off
Ekintzailetza Up Euskadi
Albisteak 31 urtarrila, 2022

UPV/EHU, estatuko bigarren unibertsitatea spin-off enpresen sorreran eta jakintzaren transferentzia

2021ean, Euskal unibertsitate publikoak hamabi spin-off enpresa sortu, eta hamar milioi € fakturatu zituen, erakunde, elkarte eta enpresekin egindako kontratuen bidez.

Euskal Herriko Unibertsitatea, la Universidad del País Vasco, joan den urtean bigarren unibertsitatea izan zen spin-off enpresen sorreran Espainia osoan, eta 10 milioi €-tik gorako sarrerak izan zituen zerbitzuak emateko beste erakunde batzuekin izenpetutako kontratuen bidez.

 

Ekitaldian, Eva Ferreira errektorearekin batera, Zientzia eta Gizarte Garapenaren eta Transferentziaren arloko errektoreorde Guillermo Quindós eta Ikerketaren arloko errektoreorde Inmaculada Arostegui egon dira. Errektorearen iritziz, “Unibertsitatetik gizartera jakintza transferitzea zeregin konplexua da, jarduera eremu zabal bat hartzen duena. Enpresekin eginiko kontratuetatik zientziaren dibulgaziora, gaur egungo unibertsitatea ezin da ulertu jarduera hori gabe.

Sektore pribatuarekiko lankidetzak unibertsitaterako baliabideak erakartzea dakar, bai eta proiektu berriak eta balio erantsi handiko enpleguak sortzen dituzten ideien bideragarritasuna babestea ere. 2021eko datuak aztertuta, UPV/EHUk emaitza bikainak izan ditu: pandemiaren bi urteek zailtasunak areagotu dituzte arlo honetan ere, baina horiek gainditzeko gai izan gara. Aurten gure jarduera akademikoa erabat normalizatzea lortzen badugu, hazkunde garai bat dugu zain transferentziaren arloan”.

Gaur-gaurkoz, UPV/EHU bigarren unibertsitatea da spin-off enpresen sorreran estatu osoan, lehen lekuan dagoen Madrilgo Unibertsitate Politeknikoaren ondoren. Zehazki, 2021ean 12 enpresa sortu ziren, eta horien artetik, 8ren jatorria teknologia berrien ustiapenen arloan diharduten ikertaldeetan dugu. Gorantz doan lerro batean, UPV/EHUk 10 enpresa sortu zituen, 2019an; 11, 2020an, eta, 12, azken ekitaldian, hots, 2021ean.

 

Patenteen eta ustiapen lizentzien arloan

2021ean euskal unibertsitate publikoak 103 patente eskatu zituen, 1.000 patenteen marka gaindituta eta urteko ekoizpena hiruz biderkatuta bost urtetan baino ez. Azken hiru urteetako historikoari erreparatuta, UPV/EHUk 92 patente sortu zituen 2019an, 78 2020an, eta 103 2021ean. Ustiapen lizentziei dagokienez, euskal unibertsitateak 10ez biderkatu ditu unibertsitateko teknologiak enpresetan ustiatzeko lizentziak, eta azken hiru urteetan goranzko joera izan du, 15, 18 eta 27 lizentziarekin, hurrenez hurren. Gogoratu behar dugu patenteak teknologia jakin batzuen babes juridikoak direla, eta lizentziak, berriz, akordioak direla eta horien bidez unibertsitateak bere teknologiaren bat merkatuan erabiltzeko eskubideak ematen dizkiola enpresa bati. Gaur egun, unibertsitatearen teknologien % 34 enpresei transferitu zaizkie, merkatuan ustiatzeko eta aberastasuna eta aurrerabidea sortzeko: 92 teknologia, zorroan transferitzeko dauden 270en artetik.

 

Fakturazio bidezko sarreren zenbatekoak

UPV/EHUn fakturazio bidezko sarreren zenbatekoak gero eta handiagoak dira. Urtearen amaieran, fakturazioa 10 milioi € ingurukoa zen, eta erakunde, elkarte eta enpresekin sinatutako 1.300 kontratuen langa gaindituta zegoen. Horrela, urteko kopurua bikoiztu egiten da, duela bost urtekoarekin alderatzen badugu. 2019an, 1.251 kontratu hitzartu ziren; hurrengo urtean, 1.166, eta 2021ean, 1.300.

Nabarmendu behar dugu ere gaur egun 30 unibertsitate-enpresa ikasgela daudela, 2015ean martxan zeudenak halako hiru.

Lehia bidezko finantzaketa publikoa duten proiektuen transferentziaren arloan

emaitza hauek nabarmentzen dira: 1) Berreskurapen eta Erresilientzia Planaren esparruan, 2021ean, Berrikuntzaren Estatuko Agentziak bi deialdi berezi egin zituen enpresekiko transferentzia eta lankidetza proiektuak finantzatzeko, eta UPV/EHUk 1,5 milioi € inguru eskuratu zituen, edo transferentzia proiektuetarako estatuko aurrekontuaren % 1,5en baliokidea; 2) Lankidetza proiektuak finantzatzen dituen Eusko Jaurlaritzaren Elkartek deialdian, UPV/EHUk 45 proiektutan parte hartu zuen, eta 3,5 milioi € eskuratu zituen, 2021ean.

 

Beste unibertsitate batzuekiko nazioarteko lankidetzaren bidez transferentzia hobetzeari dagokionez

2021ean, transferentzia sustatzeko eta kudeatzeko UPV/EHUko taldeek Europako 4 proiektutan hartu dute parte: TETRIS, Europako eta Latinoamerikako beste 11 unibertsitaterekin batera, transferentziako jardunbide egokiak trukatzeko helburuarekin; l2l, Europako beste 5 unibertsitaterekin batera, ekintzailetza bidezko transferentzia lantzeko; ENLIGHT RISE, ikerketari eta transferentziari lotutako lan paketeetan parte hartuz; eta, ENLIGHT Erasmus +, unibertsitatearen eta beren lurraldeko eragile publiko eta pribatuen eta eragin esparruen arteko elkarrekintza sustatzeari begira. Era berean, 2021ean, transferentzian espezializatutako UPV/EHUko taldeak Europako proiektu proposamen baten prestakuntzan parte hartu du, unibertsitateko ikertalde baten gidaritzapean. SUPREN taldearen CATART proiektuari buruz ari gara, eta dagoeneko 3,2 milioi € jaso ditu EIC Pathfinder deialdian.

 

Zientzia dibulgazioa

Unibertsitatearen jakintza gizarteari transferentziaren beste esparru bat, garrantzi handikoa ere, zientzia dibulgazioa da. UPV/EHUn ezin konta ahala ekimen egiten dira arlo horretan, baina esanguratsuak izan daitezkeenen artean, honako hauek aipa ditzakegu: euskal unibertsitate publikoa une honetan zientzia dibulgazioko edukien banatzaile nagusia da The Conversation plataforman, eta 2021ean guztira 2.050.000 irakurketa lortu ditu; era berean, Zientzia Astea antolatzen jarraitzen du; bertan, 2017. urtean 53.000 pertsona erakarri zituen haren jarduera eta erakusketetara eta, pandemiaren garai honetan ere, jarduera maila oso onari eustea lortu du. Horrez gain, ikertzaileen Europako Gauak 2021eko edizioan 3.400 pertsonaren interesa piztu zuen (1.400 pertsona modu presentzialean joan ziren). Bestalde, ekitaldi berean, Komunikazio Bulegoak 682 informazio ekintza jarri zituen martxan, eta 12.292 inpaktu izan zituen idatzizko eta ikus-entzunezko hedabideetan eta 26.913 online euskarrietan.

Lotutako albisteak

NudgeXperience  Bilbon:  CX  eta  Portaera  Zientzien  ekitaldia
28/03/2025 Berrikuntza

NudgeXperience Bilbon: CX eta Portaera Zientzien ekitaldia

Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua

Wake  Up!  Albiste  ekintzaile  batzuk  sarean  250324
28/03/2025 Up Euskadi

Wake Up! Albiste ekintzaile batzuk sarean 250324

Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.

Zabalik  dago  MAKE  IN!  Ekintzailetza  Industriala  programaren  4.  ediziorako  izen-emate  epea
24/03/2025 Ekintzailetza

Zabalik dago MAKE IN! Ekintzailetza Industriala programaren 4. ediziorako izen-emate epea

Apirilaren 25a izango da programan izena emateko azken eguna

Wake  Up!  Albiste  ekintzaile  batzuk  sarean
21/03/2025 Ekintzailetza

Wake Up! Albiste ekintzaile batzuk sarean

Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.

Foodtech  Startup  Forum  2025:  elikagaien  industriarako  berrikuntzaren  eta  teknologiaren  arloko  punta-puntako  irtenbideak
20/03/2025 Ekintzailetza

Foodtech Startup Forum 2025: elikagaien industriarako berrikuntzaren eta teknologiaren arloko punta-puntako irtenbideak

Elikagaien eta edarien sektorerako proiektu, irtenbide edo negozio eredu iraultzaileak aurkeztu nahi dituzten startupek apirilaren 1era arte ikustarazi ahal izango dute bere hautagaitza

WonderShop,  WordPress-erako  (“WP”)  diseinatutako  plugina,  online  denden  jabeei  katalogoen  kudeaketa  errazten  die
20/03/2025 Ekintzailetza

WonderShop, WordPress-erako (“WP”) diseinatutako plugina, online denden jabeei katalogoen kudeaketa errazten die

Garatzen eta merkaturatzen duena WoonderSoft da. Enpresa gipuzkoarrak nazioarteko asmoak ditu eta bere produktuak interesa piztu du beste herrialde batzuetan.

Zure  proiektua  bultzatu  2025eko  Ostegun  Ekintzaileekin
17/03/2025 Ekintzailetza

Zure proiektua bultzatu 2025eko Ostegun Ekintzaileekin

"Kabiak" ekintzailetzako ekosistema sendotu du ‘Ostegun ekintzaileen’ beste ibilbide batekin

Wake  Up!  Albiste  ekintzaile  batzuk  sarean  250309
14/03/2025 Up Euskadi

Wake Up! Albiste ekintzaile batzuk sarean 250309

Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.

Momentum  Gamesek  joko  arrakastatsuak  sortzen  laguntzen  die  markei
11/03/2025 Up Euskadi

Momentum Gamesek joko arrakastatsuak sortzen laguntzen die markei

Gipuzkoako startupa proiektu bakoitzaren garapenaz eta administrazioaz arduratzen da, baita jokoen-analitikari buruz ere

Wake  Up!  Albiste  ekintzaile  batzuk  sarean
06/03/2025 Ekintzailetza

Wake Up! Albiste ekintzaile batzuk sarean

Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.

Joan blogera

Jarrai gaitzazu

Kanal espezializatuak eta eguneroko gaurkotasuna gure sareetan.