Zabalik dago MAKE IN! Ekintzailetza Industriala programaren 2. ediziorako izen-emate epea

Programa industriari lotutako Startups edo enpresa-ekimenei zuzenduta dago, baldin eta gutxieneko produktu bideragarria edo eraikitzen ari dena badute

MAKE IN! Debabarrena eskualdeko industriaren etorkizuna bultzatzea helburu duen ekimena da, Debegesa Garapen gentziak eskualdeko ekintzailetzari laguntzeko beste eragile batzuen laguntzarekin antolatutakoa.

Startup parte-hartzaileak hautatzeko prozesua martxoan zehar egingo da, programa apirilaren 24an hasiko da, eta ekainaren hasierara arte iraungo du. Izen-ematea helbide honetan dago zabalik:
https://makein.debegesa.eus

Martxoaren 31 izango da programan izena emateko azken eguna.

Programa industriari lotutako Startups edo enpresa-ekimenei zuzenduta dago, baldin eta gutxieneko produktu bideragarria edo eraikitzen ari dena badute. Garrantzitsua da kontuan hartzea programara aurkezten diren ekimenek osagai teknologikoak edo negozio-eredu berritzaileak izan behar dituztela, esparru honetara lotutakoak: fabrikazio gehigarria, ikusmen artifiziala, RV/RA, robotika, IA, Big Data eta IoT. Era berean, industriari lotutako ekonomia zirkularrarekin eta energiarekin lotuta egon beharko dute proiektuek.

Programa horrek hainbat abantaila eskaintzen dizkie parte-hartzaileei: erreferentziazko industria-sare baterako sarbidea (BPTD elkartea), bezero potentzialetarako sarbidea, talenturako sarbidea, mentorizazio pertsonalizatua sektoreko adituekin, laborategi espezializatuak, lan-espazioak, prestakuntza eta ekitaldiak, inbertitzaileentzako sarbidea eta finantzaketa.