Zinemaldia Startup Challenge-k ikus-entzunezko sektorerako ideia berritzaileenak biltzen ditu
Errealitate birtuala, adimen artifiziala edo Gauzen Interneta bezalako teknologiak euren txokoa aurkitzen ari dira ikus-entzunezkoen industrian eta aukera berriak sortzen ari dira sormenaren eta negozioen arloetan. Hona hemen adibide batzuk erakusteko nolako aukerak sortzen diren teknologia digitalak ikus-entzunezkoen munduan txertatzean: ikusleen eta kontakizunaren arteko elkarreragina ahalbidetzen duten aplikazioak, muntaia prozesuak automatizatzeko plataformak edo film baten arrakasta aztertzeko softwareak.
Horrelako proiektuak ikusgai izango dira Zinemaldia Startup Challenge ekimenaren hurrengo edizioan, zeinaren helburua baita teknologia berriak darabiltzaten konponbide berritzaileak sustatzea ikus-entzunezkoen sektorean. Lehiaketa irailaren 25ean egingo da onlineko formatuan, eta Eusko Jaurlaritzako Ekonomi Garapen eta Azpiegitura Sailak sustatzen du SPRI Taldearen bitartez.
Lehiaketak dagoeneko jakinarazi du nortzuk diren bost finalistak, Europako bederatzi herrialdetako 40 proiektu ingururen artean aukeratuak. Hauek dira finalera pasako diren proposamenak: Britainia Handiko PromoMii, adimen artifiziala erabiliz bideoen edizioko hainbat prozesu automatizatzen dituen aplikazioa; Cinesmart, Kataluniako ekintzaile batzuek sortutako softwarea, zeinari esker ikusleak posible baitu zinemako pantailarekin elkarreragitea, eta Alemaniako The Fifth Wall, sakelakoa istorioarekin sinkronizatzen duen eta transmedia kontakizun berriak sortzen dituen aplikazioa. Orobat finalisten artean daude Norvegiako Visualyst plataforma, ikus-entzunezko produktuak automatikoki egiaztatu eta sailkatzen dituena herrialde bakoitzeko legearen arabera; eta Filmchain, Britainia Handian sortutako zerbitzu bat, finantza-transakzioak hobetzen dituena Blockchain teknologia erabiliz.
Bost finalistek Zinemaldia Startup Challenge ekitaldian aurkeztuko dituzte euren proiektuak, eta bertan jakinaraziko da zein den proposamen irabazlea. Finalistak hazkuntza-espazio batean -Euskadiko Teknologi Parkeen Sareko BIC zentro batean- sartuko dira doan urtebeterako. Gainera, 500.000 eurorainoko finantzaketa jasoko dute euren proiektua garatzeko. Horrez gain, startup irabazleak 10.000 euroko saria jasoko du.
Lehiaketa hau Zinemaldia & Technology ekitaldiaren barruan egingo da. Ekitaldi hori diziplina arteko topaketa bat da, elkarrekin biltzen dituena teknologiaren munduko profesional eta enpresak eta ikus-entzunezko industriak, lankidetzarako aukera berriak bilatzeko. Topaketa online egingo da eta Donostiako Zinemaldiak, Tecnaliak, Tabakalerak eta Petronor-ek antolatzen dute Europa Creativa MEDIA-ren eta Vicomtech-en laguntzarekin.
Lotutako albisteak
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Wake Up! Albiste ekintzaile batzuk sarean 250324
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Zabalik dago MAKE IN! Ekintzailetza Industriala programaren 4. ediziorako izen-emate epea
Apirilaren 25a izango da programan izena emateko azken eguna
Wake Up! Albiste ekintzaile batzuk sarean
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Foodtech Startup Forum 2025: elikagaien industriarako berrikuntzaren eta teknologiaren arloko punta-puntako irtenbideak
Elikagaien eta edarien sektorerako proiektu, irtenbide edo negozio eredu iraultzaileak aurkeztu nahi dituzten startupek apirilaren 1era arte ikustarazi ahal izango dute bere hautagaitza