Mondragon Unibertsitateak  enpresa arloko patenteei buruzko espezializazio-ikastaro bat eskainiko du

Mondragon Unibersitateak berriro eskainiko du enpresa arloko patenteei buruzko espezializazio-ikastaroa, aurten bere hamargarren edizioa beteko duena. Ikastaroak zortzi saio izango ditu, iraila eta azaroa bitartean egingo da Arrasateko egoitzan, eta izen-emateak zabalik egongo dira datorren irailaren 16ra arte. 20 plaza baino ez daude.

Ikastaro honen helburua da ikasleei prestakuntza ematea enpresa arloan jarraibide eta irizpide batzuk finkatu ditzaten patenteen politikak oinarritzat izan behar dituen hiru zutabe hauen inguruan: patenteak erabiltzea informazio-iturri gisa, arau-hauste arriskuak prebenitzea eta garapen propioak babestea, eta patente-zorroaren kudeaketa aktiboa eta ustiapena.

Mintegiaren asmoa da parte-hartzaileak gaitzea garapen propioen babeserako aukerak detektatu eta aprobetxatzeko, estrategia bat definitzeko, kanpo-aholkulariekiko harremanak hobetuko dituzten irizpideak barneratzeko, enpresako patenteen arloko kultura bat sortzeko eta patenteen inguruko egoera gatazkatsuak kudeatzeko.

Bereziki zuzentzen zaie negozio, berrikuntza eta I+G+B arloetako zuzendariei, antolakunde barruan patenteen kudeaketako erantzukizunak dituzten edo hartuko dituzten pertsonei eta, oro har, negozioaren ikuspegitik patenteak nola erabil daitezkeen ulertu behar duten pertsona guztiei.

Lehen saioa irailaren 23an izango da, eta azkena azaroaren 11n. Zuzendaritza- eta koordinazio-taldeak 3 orduko tutoretza pertsonalizatu bat (aukerazkoa) eskainiko du saio bakoitzean.

Lotutako albisteak

2 uztaila, 2024 Berrikuntza

‘Belk+’, mugikortasunerako laguntza pertsonaleko lehen exoeskeleto adimenduna

Irakurri gehiago

27 ekaina, 2024 Berrikuntza

Gaztaren Institutuak gazta eta esne gordinaren aldeko apustua egin du, berrikuntzarako ibilgailu gisa

Irakurri gehiago

21 ekaina, 2024 Berrikuntza

Okatt empresak konponbide fidagarriak eta neurrira egindakoak eskaintzen ditu jasotze-sektorearen konplexutasun berrien aurrean

Irakurri gehiago

19 ekaina, 2024 Berrikuntza

KEM ONE saritu dute Espainiako Industria Kimikoaren Enpresa Federazioaren azken Segurtasun Sarietan

Irakurri gehiago

18 ekaina, 2024 Berrikuntza

Innobasquek adimen artifizialeko eta AA sortzaileko kasu praktikoen deialdia egin du hurrengo Global Innovation Day jardunaldirako

Irakurri gehiago

Joan blog-era