Txinako automobilgintza industriari buruzko txostena
Txina da gaur egun munduko liderra automozioaren industriako produkzio eta salmentetan, eta aurreikusten da 2024an 29 milioi ibilgailu fabrikatu eta salduko direla. Pandemiaren ondorengo susperraldia nazioarteko OEMek bultzatzen ari dira, merkatuaren %60 baino gehiago hartzen baitute, eta Txinako Gobernuaren elektrifikazioaren eta berrikuntza teknologikoaren aldeko apustu sendoak ere funtsezko rola du.
Basque Trade & Investment erakundeak egindako txostenak joera estrategikoak eta euskal osagai-enpresentzako aukera nagusiak identifikatzen ditu, bai esportaziorako, bai Txinako merkatuan ezartzeko.
Munduko lidergoa automozioan eta elektrifikazioan
Txina da munduko ibilgailu merkatuaren liderra, produkzioaren %27 eta salmenten %28 bere gain hartuta. 2024an, Txinan fabrikatutako ibilgailuen %45 berriztagarriak izango dira (elektrikoak edo hibridoak). Aurrerapauso hau “Made in China 2025” estrategiaren eta nazioarteko zein tokiko OEM berrien bultzadaren emaitza da.
Ibilgailu astunen segmentean, Txinako OEMek %99 baino gehiagoko kuota dute, nahiz eta ekoizpena jaitsi den 2020tik aurrera, gobernuak emandako pizgarrien murrizketagatik.
Osagaien mundu-potentzia
Asia-Pazifikoko eskualdeak automoziorako osagaien merkatu globalaren %40 hartzen du, eta Txina da buru. Herrialdeak 900 planta baino gehiago ditu, Tier1 nazional eta internazionalenak, eta elektronika eta barne-elementuen segmentuetan bereziki indartsuak dira.
Alemania eta Japonia dira Txinak osagai gehien inportatzen dituen herrialdeak, eta inportazioen %57 hartzen dute, batez ere abiadura-kaxak, motor zatiak eta zuzendaritza sistemak hornituz.
Industria-hubak eta I+G zentroak
Txinako industria sei hub handi geografikotan antolatuta dago, eta Ekialdea, Iparraldea eta Hegoaldea dira garrantzitsuenak ekoizpen bolumenagatik eta gaitasun teknologikoagatik. Hub horietan daude OEM nagusien eta I+G zentroen gehiengoa.
Planta askok ez dute beren gaitasunaren %50a betetzen, Hegoaldeko huba salbuespen dela, %70etik gorako erabilerarekin.
Logistika, lehiakortasuna eta araudi-ingurunea
Txinako barne-garraioaren %80tik gora errepidez egiten da, eta horrek hornitzaileak OEMen ondoan kokatzera behartzen ditu. Huben arteko distantzia handiek logistika-trukeak mugatzen dituzte.
Txinak muga-zergak murriztu eta atzerriko kapitalari ezarritako murrizketak arindu ditu, baina oraindik ere CCC ziurtagiria bezalako baldintzak mantentzen dira. Gaur egun atzerriko enpresek %100ean euren plantak edukitzea legala da, baina oso zaila da hori praktikan lortzea tokiko bazkideen baimenik gabe.
Joerak eta merkaturako sarbidearen gakoak
Txina da munduko ibilgailu elektrikoen kontsumitzaile nagusia, eta aurreikusten da 2040an 200 milioi ibilgailu elektriko izango dituela zirkulazioan. Gainera, ibilgailu konektatuak, automatizazioa eta teknologia adimendunak bultzatzen ari da.
Merkatuan sartzeko, tokiko presentzia, egokitzapen teknologikoa eta OEMekin harreman sendoak behar dira. Horrez gain, arau, kultura eta merkataritza oztopoak ere kontuan hartu behar dira.
Txinak eta Euskadik euskal enpresen nazioartekotzerako funtsezko loturak indartzen jarraitzen dute
Txinaren gero eta eragin handiagoak Europako industrian, batez ere automozioaren sektorean, aukera berriak irekitzen ari dira euskal enpresen nazioartekotzean. Oraindik zaila den arren Txinako hornikuntza-kateetan sartzea, elkarlan aukerak gero eta agerikoagoak dira.
Horren erakusgarri da Yao Ying enbaxadorearen bisita Euskadira, bi aldeek harreman komertzialak estutzeko duten konpromiso partekatua nabarmendu duena. Bisita horrek beste ekimen estrategiko batzuekin egiten du bat, hala nola Txinan ezarrita dauden 45 euskal enpresaren azterketarekin, Asiako merkatuaren erronkak hobeto ulertu eta aukera berriak aurreikusteko balio duena.
Gainera, Euskadik aurrera egiten du Asiako bazkide estrategiko gisa, harremanak dibertsifikatuz eta aliantzak zabalduz. Horren adibide da Txinarekiko harremanak sustatzea, asmo handiagoko kanpo-irekierako estrategia bat finkatuz.
Ekimen horiek guztiak gertutik jarraitzeko, aukera zehatzak identifikatzeko eta erabaki informatuak hartzeko, harpidetu zaitez gure nazioartekotze-buletinera. Buletin horrek informazio estrategikoa, analisi sektorialak eta ahalmen handiko nazioarteko merkatuetan (Asiakoan, adibidez) arrakastaz hedatzeko funtsezko ekitaldietarako sarbidea eskaintzen ditu.
Hemen ere eska dezakezu txosten osoa.
Zerikusia duten beste txosten batzuk:
- BT&I-ko Automobilgintzaren Behatokia: Munduko automozioaren sektoreari buruzko txostena
Basque Trade & Investmenten Automozio Behatokiak nabarmendu duenez, 2024an salmenten susperraldi globala gertatuko da, nahiz eta ekoizpena %2 jaitsiko den 2023ko datuekin alderatuta. Asia eta Ipar Amerika dira hazkundearen buru; Europak, berriz, ziurgabetasunean jarraitzen du. Merkatu gakoetan dauden euskal enpresentzako aukerak identifikatzen dira, batez ere ibilgailu elektriko eta hibridoetan, Txina eta Ipar Amerikarekin ekoizpena handituz. - Japoniako automobilgintza-merkatuaren azterketa
- Turkiako automobilgintza-merkatuaren azterketa
- Mexikoko automobilgintza-merkatuaren azterketa
- Italiako automobilgintza-merkatuaren azterketa
- Brasileko automobilgintza-merkatuaren azterketa
- Marokoko automobilgintza-merkatuaren azterketa
- Argentinako automobilgintza-merkatuaren azterketa
- Indiako automobilgintza-merkatuaren azterketa
- Txinako sektore automotrizak Europan duen azkundeari buruzko oharra
- Ibilgailu astunen elektrifikazioari buruzko txostena
Lotutako albisteak
Australia, merkatu estrategikoa energia, teknologia eta garraio arloetan euskal enpresentzat
Australia lehentasunezko merkatua bihurtu da Eusko Jaurlaritzaren nazioartekotze-estrategian. Ekonomia sendoa eta merkatu heldua dituen herrialdea da, baina euskal enpresen presentzia mugatua du oraindik. Hala ere, haren erakargarritasuna sektore estrategikoetan eskaintzen dituen negozio-aukerei esker mantendu da.
AEBko industria aeroespaziala: hazkundea eta erronkak
AEBko merkatu aeronautikoak oso erakargarria izaten jarraitzen du, eta etengabe handitzen ari da, bidaiarien eta merkantziaren trafikoaren gorakada dela eta. Aukera handiak daude teknologia berritzaileak eskaintzen dituzten euskal enpreseentzat; bereziki, erregaiaren eraginkortasunean eta isurpenen murrizketan zentratuta dauden horientzat.
Lehengaien Nazioarteko Behatokia 2025ean petrolioaren prezioa progresiboki murriztuko dela aurreratu du Lehengaien Behatokiak
Basque Trade & Investmentek Estatu Batuen muga-zergek eta Txinako ekonomiaren dezelerazioak merkatu global honetan izango duten eragina aztertu du azken Behatokian.
Indiako automozioa: Indiak hub estrategikotzat duen posizioa indartu du automobilgintzako industria globalean
Basque Trade & Investmenten azken txostenak Asiako herrialde horretan jarduteko interesa duten euskal enpresek aurki ditzaketen aukerak eta erronkak aztertu ditu.
Argentinako Vaca Muerta hobian, 35.500 milioi dolarreko inbertsioak aurreikusi dira datozen urteetarako gas naturalaren arloan
Basque Trade & Investmentek merkatu horrek eskaintzen dituen aukerak aztertu ditu bere azken ohar teknikoan, izan ere, mundu osoko mailan shale oil eta shale gas delakoen erreserbarik handienetakoa da.