Arabak Berrikuntza Irekiko Zentro bat izango du enpresa-berrikuntza bultzatzeko
Aurtengo udan inauguratuko da Arabako Foru Aldundiak abian jarri duen Berrikuntza Irekiko eta Sormen-transferentziako lehen Zentroa. Proiektu aitzindaria da Euskadin, eta unibertsitate-campusean egongo da, enpresen eta erakunde sozial, kultural, sortzaile eta akademikoen artean sinergiak eta lankidetzak sortzeko. Hori guztia jasangarritasunaren, sormenaren eta digitalizazioaren inguruko proiektu berritzaileak gauzatzeko.
Enpresek lantoki gisa erabili ahal izango dute zentro hori, beren sektore bereko edo beste batzuetako enpresekin batera ikerketa- eta berrikuntza-proiektuak egiteko. Aldundiak espero du proiektu honekin lankidetza-giroa sortzea, Arabaren erronkei aurre egiteko akotariko hainbat gaitasun eta ikuspegi modu adimentsuan konbinatu ahal izateko. “Jauzi kualitatiboa da berritzeko moduan” azpimarratu zuen Ramiro Gonzalez Arabako diputatu nagusiak.
Honako hauek daude lehentasunezko jarduera-eremuen artean:
- Digitalizazioa eta industria adimenduna.
- Bioekonomia, elikadura eta osasuna.
- Mugikortasuna, energia eta klima-aldaketa.
- Landa-garapena.
- Kultura eta sormena.
- Hezkuntza eta talentua.
- Gizarte-politikak eta zahartzea.
Berrikuntza Irekiko Zentroaren kudeaketa Conexiones Improbables plataformaren esku egongo da, Vital Fundazioarekin elkarlanean. Une honetan, ekimenak eskaintzeko eta lankidetza-sistema abian jartzeko prest dauden enpresa txiki eta ertainak erakarri nahi dira.
Zentroa Miguel de Unamuno kalean egongo da, UPV/EHUko Arabako campusean. Orain arte Arabako Lurralde Historikoko Artxiboak erabiltzen zuen lekua hartuko du, haren edukia Arabako Artxibo Historiko Probintzialera eramango baita. Guztira, 2.000 m² inguruko eremua izango da, eta honako ekipamendu hauek izango ditu: Coworking-gune bat eta enpresentzako gutxienez zortzi bulego; laborategi bat, biokimikarako eta mikrobiologiarako ekipamendua duena; 3D inprimaketarako makineria eta erremintak dituen gune bat; plato bat, soinu- eta grabazio-ekipoak eta auditorioa dituena; prestakuntza-gelak; eta sukalde ona bat!
Lotutako albisteak
Lorra, lau hamarkada inguru Bizkaiko nekazaritzako elikagaien kooperatibismoaren funtsezko zutabe gisa
Gaur egun, erakundearen lehentasuna zahartutako sektore honetako erretiroak ordezkatzea da, belaunaldi-erreleboaren bidez.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Wake Up! Albiste ekintzaile batzuk sarean 250324
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.
Zabalik dago MAKE IN! Ekintzailetza Industriala programaren 4. ediziorako izen-emate epea
Apirilaren 25a izango da programan izena emateko azken eguna