2023. urtean euskara industria arloan indartzeko konpromisoa berretsi eta Innobasqueri ongietorria eman dio Indeusek
Urtero legez aurten ere, Industriaren Euskal Plataformak Batzar Orokorra eginez eman dio hasiera urteari. Miren Dobaran, Hizkuntza Politikarako Sailburuordea, Iñigo Ansola, Energiaren Euskal Erakundearen zuzendari nagusia eta Aitor Urzelai, Spriren zuzendari nagusia, buru izan dituen bileraren hasieran, Ainara Basurko, Bizkaiko Foru Aldundiko Sustapen Ekonomikoko diputatuak ongietorria eman die Indeuseko kideei, Batzar Orokor hau berak zuzentzen duen Sailaren egoitzan egin baita. Gaur egindako batzar honetan gainera, lehen aldiz hartu du parte Innobasquek, gaurtik aurrera ekimeneko kide bihurtuta.
Aurten bost urte bete dituen ekimeneko kideek 2023. urtean egin beharreko lanetan jarri dute azpimarra eta bereziki bi arlo nabarmendu dituzte:
- Enpresetan derrigorrezko ikuskaritzak egiten dituzten enpresekin lanean jarraitzea ikuskaritzok euskaraz egiteko aukera bermatzeko.
- Euskadiko erakunde publiko eta pribatu askok erabiltzen dituzten softwareetan hizkuntza-eskaintzan euskara txertatzeko eskatzeko kanpaina abiarazi.
Horrekin batera, euskararen erabilera maila txikia duten Indeuseko kideei euren enpresetan euskara txertatzen laguntzeko konpromisoa hartu da, batzuen praktika onak partekatuz eta bertatik bertara ezagutuz.
2023rako erabakitako erronken artean, berriz, Plataformaren “laguntzaile sarea” osatzen eta sendotzen joatea dago, Indeusen harreman esparrua zabalduz bai euskalgintzako eremura, baita tokian tokiko eremu sozioekonomikora ere.
Zer da Indeus?
INDEUS Industriaren Euskal Plataforma da, 2018. urtean sortuz, Spri-Enpresen Garapenerako Agentziak, Energiaren Euskal Erakundeak, Hizkuntza Politikako Sailburuordetzak eta Arabako, Bizkaiko eta Gipuzkoako Foru Aldundiek bultzatzen dutena. Euskaraz lan egitea erabaki duten enpresa industrialei laguntzeko sortu zen ekimena, euskarazko produktu eta zerbitzuak lortzeko bideak landuz. Eta ibilbide honetan, INDEUSek euskararen presentzia txikia duten enpresei ere ireki dizkio ateak, aurrekoen eskarmentua besteen eredu izango delakoan.
Partaideak
31 dira Industriaren Euskal Plataforman parte hartzen ari diren enpresa eta elkarteak: AMPO, BATZ, BIELE GROUP, BRTA, CAF, CEIT, CIKAUTXO, COPRECI, DANOBATGROUP, EGA MASTER, EGA SOLUTIONS, EGOIN, EIKA, ELAY, ENERGIA KLUSTERRA, ESLE ELKARTEA, EUSKAL HERRIKO ITSAS FOROA, FAGOR, GAIA KLUSTERRA, GOIZPER, IKERLAN, INNOBASQUE, MAIER, OREKA IT, ORKLI, ORONA, PETRONOR, SISTEPLANT, TECNALIA, ULMA CONSTRUCCIÓN eta VICOMTECH.
Erakunde publikoak, berriz, sei: Eusko Jaurlaritzaren Hizkuntza Politikako Sailburuordetza, Spri-Enpresen Garapenerako Agentzia, Energiaren Euskal Erakundea eta Arabako, Bizkaiko eta Gipuzkoako Foru aldundiak.
Lotutako albisteak
IndeusBerri: Industria eta Euskararen plaza
Gaur albiste dira EUSKORPUS, INGUMA ikerketa-bekak, Gipuzkoa ARIGUNE eta Engainu-teknologia.
IndeusBerri: Industria eta Euskararen plaza
Gaur albiste dira BIKAIN, Mikroenpresa digitala, Puntueus, EnpresaBIDEA eta Datu-analisi
IndeusBerri: Industria eta Euskararen Plaza
Gaur albiste dira HiTZ zentroa, Jendaurrean, Otsailak 11 eta Datu-bilketa.
IndeusBerri: industria eta euskara uztartzen dituen informazioaren topagunea
Gaur albiste dira Klima-aldaketa eta trantsizio ekologikoa hiztegia, Eusko Ikaskuntza, Emakumeak Zientzian eta Datu irekiak.
IndeusBerri: industria eta euskara uztartzen dituen informazioaren topagunea
Gaur albiste dira Emakumeak Zientzian 2025, Ziur, Puntueus eta Baliozkotze-datu.