“Euskararen presentzia oso handia da gure kooperatibetan.” Javier García San Martín, Fagor Taldea
Zortzi kooperatibaz osatutako taldea da Fagor: Onera, Fagor Elektronica, Fagor Arrasate, Fagor Automation, Galbaian, Copreci, Assembly eta Ederlan. Duela 60 urte sortua Debagoiena eskualdean, Euskal Herriko kooperatiba industrial handiena da Fagor Taldea, ia 11.000 langile dituena. Makina-erreminta, automatizazioa, automozioa eta ostalaritza dira, besteak beste, taldeko kooperatiben jarduera esparrua. Javier García San Martín, Copreciko zuzendari nagusia dugu solaskide.
‘Orain dela 50 urte Euskara Batzordeak hasi ziren martxan. Eta orain dela 25 urte Euskara Planak izan ditugu urtetik urtera. Euskararen presentzia oso handia da gure kooperatibetan.’
Nazioartekotzea hizpide hartuta, San Martínek azaldu duenez “Fagor Taldea 18 herrialde desberdinetan dago, mundu osoan gaude gure bezeroei ahalik eta zerbitzurik onena eman nahian.”
Kooperatiba talde honek Fagor 2023 iraunkortasun estrategia du, bost ildo nagusi dituena: “gure negozioak eraldatzea, gobernantza eredu demokratiko bat garatzea, enpresa kultura aurreratu bat garatzea, gure produktu eta ekoizpen prozesuek ingurugiroan sortzen duten inpaktua murriztea eta gizartearen autoeraketa sustatzea. Iraunkortasun plan honek bidea markatzen digu eta lurralde eta komunitate honetarako hurrengo pausuak bideratzen laguntzen digu.”
Euskarari buruz hitz egiterakoan Javier San Martinek ziurtatu du euskararen presentzia oso handia dela Fagor Taldean betidanik: ‘Orain dela 50 urte Euskara Batzordeak hasi ziren martxan. Eta orain dela 25 urte Euskara Planak izan ditugu urtetik urtera. Euskararen presentzia oso handia da gure kooperatibetan.’
INDEUSi buruz esan du ‘Aukera ematen digu ikusteko ez gaudela bakarrik munduan, gure erronkak eta besteen erronkak antzerakoak direla, zailtasunak antzerakoak.’ Fagor Taldea INDEUS kidea da 2022.urtetik.
Indeus Elkarrizketak SPRIk abiarazitako egitasmoa da Indeus, Industriaren Euskal Plataformako kide diren enpresa, elkarte eta zentro teknologikoak ezagutzera eman eta industrian euskararen erabilerari buruzko gogoeta egiteko.
Lotutako albisteak
‘Munduan gaude, baina gure nortasuna ez dugu galdu nahi.’ Aroa Insausti, Bianditz Iraola – CAF
Indeus Elkarrizketak: CAF konpainiako Aroa Insausti eta Bianditz Iraola ditugu solaskide aurtengo zikloari amaiera emateko.
‘Loturak sortu behar ditugu jendearekin eta euskara izan daiteke horietako bat.’ Bittor Larraioz, Xabier Iturralde – Larraioz Taldea
Indeus Elkarrizketak: Larraioz Taldeko Bittor Larraioz eta Xabier Iturralde ditugu solaskide
“Hizkuntza oso garrantzitsua da edozein jarduera ekonomikoren barruan.” Imanol Larrea, Soziolinguistika Klusterra
Indeus Elkarrizketak: Soziolinguistika Klusterreko zuzendari Imanol Larrea dugu solaskide
“Guk nabaritu dugu orain gehiago eskatzen digutela dena euskaraz.” Asier Orio, Metaposta
Indeus Elkarrizketak: METAPOSTA. Asier Orio, zuzendaria dugu solaskide.
“Gure ikerkuntzaren produktua euskaraz lan egitetik sortzen dugu” Amaia Iza, CEIT
Indeus Elkarrizketak: CEITeko Amaia Iza, Prozesaketa termomekaniko taldeko burua eta ikertzailea dugu solaskide.