“Hizkuntza oso garrantzitsua da edozein jarduera ekonomikoren barruan.” Imanol Larrea, Soziolinguistika Klusterra
Hizkuntza eta gizartea aztertzen dituen bilgunea da Soziolinguistika Klusterra, orain dela 20 urte euskara biziberritzeko sortutako ikergunea. Imanol Larrea, Soziolinguistika Klusterraren zuzendaria dugu solaskide elkarrizketa honetan. Klusterraren hastapenetik hasi eta abiatu dituzten azken ikerketetaraino iritsi gara solasaldian.
‘Hizkuntza oso garrantzitsua da edozein jarduera ekonomikoren barruan. Ikasi beharko genuke horri behar duen garrantzia ematen eta gainera enpresaren funtzionamenduan lantzen.’
‘Guk ikerketa proiektuak egiten ditugu. Nahi duguna jakin da, alde batetik, zein den euskararen egoera eta beste alde batetik egoera hori nola hobetu dezakegun. Eta gainera guk hor egiten den lan guztiari buruzko informazio hori dena zabaldu egin nahi dugu.’ Soziolinguistika Klusterraren proiekturik ezagunena kale neurketa da, hizkuntzen erabileraren kale neurketa, bost urtetik behin Euskal Herri osoan egiten dena.
Imanol Larrearen hitzetan ‘Guk lortzen dugun daturik garrantzitsuena kale neurketa da eta hor ikusten duguna da eutsi egiten zaiola erabilerari, kaleko erabilerari, baina ez dugula lortzen ematerik gorakada nabarmenik.’ Baina badago datu positiborik ere, adibidez gazteenak direla hizkuntza gehien erabiltzen dutenak. ‘Hori behar bestekoa da, nahikoa da amesten dugun biziberritze horretarako? Argi eta garbi ez, hori ez da nahikoa.’ Gaineratu du Larreak.
Lanaren esparruan euskarari balioa emateaz hitz egiterakoan, Klusterraren zuzendariak azpimarratu du: ‘Hizkuntza oso garrantzitsua da edozein jarduera ekonomikoren barruan. Ikasi beharko genuke horri behar duen garrantzia ematen eta gainera enpresaren funtzionamenduan lantzen.’
Indeus Elkarrizketak SPRIk abiarazitako egitasmoa da Indeus, Industriaren Euskal Plataformako kide diren enpresa, elkarte eta zentro teknologikoak ezagutzera eman eta industrian euskararen erabilerari buruzko gogoeta egiteko.
Lotutako albisteak
‘Munduan gaude, baina gure nortasuna ez dugu galdu nahi.’ Aroa Insausti, Bianditz Iraola – CAF
Indeus Elkarrizketak: CAF konpainiako Aroa Insausti eta Bianditz Iraola ditugu solaskide aurtengo zikloari amaiera emateko.
‘Loturak sortu behar ditugu jendearekin eta euskara izan daiteke horietako bat.’ Bittor Larraioz, Xabier Iturralde – Larraioz Taldea
Indeus Elkarrizketak: Larraioz Taldeko Bittor Larraioz eta Xabier Iturralde ditugu solaskide
“Guk nabaritu dugu orain gehiago eskatzen digutela dena euskaraz.” Asier Orio, Metaposta
Indeus Elkarrizketak: METAPOSTA. Asier Orio, zuzendaria dugu solaskide.
“Gure ikerkuntzaren produktua euskaraz lan egitetik sortzen dugu” Amaia Iza, CEIT
Indeus Elkarrizketak: CEITeko Amaia Iza, Prozesaketa termomekaniko taldeko burua eta ikertzailea dugu solaskide.
“Euskararen presentzia oso handia da gure kooperatibetan.” Javier García San Martín, Fagor Taldea
Indeus Elkarrizketak: FAGOR TALDEA. Javier Garcia San Martín, COPRECIko zuzendari nagusia dugu solaskide.