“Indeus Elkarrizketak” udazkenean itzuliko da solasaldi berriekin
Leire Colomo (AMPO), Maider Aizpuru (BIELE GROUP), Rikardo Bueno (BRTA), Javier Principe eta Ramon Mendiguren (CIKAUTXO), Aner Garmendia (EGA MASTER), Iñigo Arrieta (EIKA), Imanol Iparragirre (ELAY), Miriam Frances (ENERGIA Klusterra), Eneko Astigarraga (ESLE), Oihana Arrieta (GAIA Klusterra), Ion Etxeberria (IKERLAN), Koldo Kortabitarte (MAIER) eta Nora Gurrutxaga (VICOMTECH) dira Indeus Elkarrizketak solasaldietako protagonista izan direnak.
Enpresa bakoitzaren sorrera, historia, bilakaera eta proiekturik esanguratsuenak jakitera ematearekin batera, euskarak duen presentziaz ere hitz egin dute solasaldiotan eta industrian gure hizkuntzaren erabilera zabaltzeari buruzko gogoeta interesgarriak entzun ditugu. Laburbilduz:
“Ekosistema bat gara eta gizartea landu beharra daukagu. Inportantea da euskara sozialki indartsu egotea” Leire Colomo, AMPO
“15 urte daramatzagu hizkuntza politika arautzen eta honek asko lagundu digu hizkuntzen kudeaketa egokia egiten” Maider Aizpuru, BIELE GROUP
“Lan-bizitza euskaraz egiteko aukera ematen badugu, horrek enpresa erakargarriagoa egingo du” Rikardo Bueno, BRTA
“Euskara kudeatzera ohituta egotea lagungarria izan da hizkuntza politika landu eta gainerako hizkuntzak txertatzerakoan” Javier Principe eta Ramon Mendiguren, CIKAUTXO
“Euskara erabiltzeko aukera ematen badugu, talentua erakartzeko gaitasun gehiago izango dugu” Aner Garmendia, EGA MASTER
“Apustu bat egin behar dugu arlo sozioekonomikoan, erakutsi behar dugu posible dala euskaraz lan egitea eta bizitzea” Iñigo Arrieta, EIKA
“ELAYk munduari begira egin nahi duen bidearen euskarri dira gure hizkuntza, gure kultura, gure baloreak” Imanol Iparragirre, ELAY
“Euskara erabiltzen dugula ikusaraztea, gure bereizgarritasun bat izan daiteke” Miriam Francés, Energia Klusterra
“Euskarak balioa eman diezaieke gure enpresei bai kohesio aldetik, bai nortasun berri bat ematearen aldetik” Eneko Astigarraga, ESLE
“Esfortzu bat egin beharko genuke sektore bezala gure produktuak eta zerbitzuak euskalduntzen” Oihana Arrieta, GAIA Klusterra
“Euskararen aldeko apostua ez da bakarrik emozionala, praktikoa ere bada, enpresari balioa ematen diona” Ion Etxeberria, IKERLAN
“Guk egin behar duguna da gure baliabideak behintzat euskaraz erabili, batez ere gauza txikiegaz, gauza txiki askogaz gauza handi bat lortu ahal delako” Koldo Kortabitarte, MAIER
“Norberaren hizkuntzan lan egiteko aukera ematea motibaziozkoa da eta elkartasun sentsazioa ematen du” Nora Gurrutxaga, VICOMTECH
Indeus, Industriaren Euskal Plataformak elkarrizketak berriak egiteari ekingo dio irailetik aurrera eta Plataformako kide diren beste erakunde batzuk bertatik bertara ezagutzeko aukera izango dugu, euskarari buruzko hausnarketa egitearekin batera.
Orain arte egindako elkarrizketa guztiak Indeus gunean bilduta daude ELKARRIZKETAK Atalean
Lotutako albisteak
IndeusBerri: Industria eta Euskararen plaza
Gaur albiste dira EUSKORPUS, INGUMA ikerketa-bekak, Gipuzkoa ARIGUNE eta Engainu-teknologia.
IndeusBerri: Industria eta Euskararen plaza
Gaur albiste dira BIKAIN, Mikroenpresa digitala, Puntueus, EnpresaBIDEA eta Datu-analisi
IndeusBerri: Industria eta Euskararen Plaza
Gaur albiste dira HiTZ zentroa, Jendaurrean, Otsailak 11 eta Datu-bilketa.
IndeusBerri: industria eta euskara uztartzen dituen informazioaren topagunea
Gaur albiste dira Klima-aldaketa eta trantsizio ekologikoa hiztegia, Eusko Ikaskuntza, Emakumeak Zientzian eta Datu irekiak.
IndeusBerri: industria eta euskara uztartzen dituen informazioaren topagunea
Gaur albiste dira Emakumeak Zientzian 2025, Ziur, Puntueus eta Baliozkotze-datu.