IndeusBerri: industria eta euskara uztartzen dituen informazioaren topagunea

Adimen Artifizialari buruz gehiago jakiteko 5 berba, BAICen eskutik.AAren unibertsoan murgiltzeko prest? Goazen elkarrekin ikastera! Gaur Adimen Artifizialean (AA) sakontzera gonbidatu nahi zaituztegu, teknologia hau hobeto ulertzen lagunduko dizuten funtsezko bost hitz ikasiz. Machine Learning, Deep Learning, Neurona-sarea, Data Science, AA gogorra-AA biguna. Adimen Artifiziala etengabe ari da garatzen, eta termino horiek ezagutzeak hobeto ulertzen lagunduko dizue nola funtzionatzen duen,
zuen erakundeetan modu seguruan eta fidagarrian inplementatu ahal izateko.

Iraileko hitzorduak: Adimen artifiziala, Itzultzaile neuronala eta Biharko mugikortasuna, EHUren Uda ikastaroetan.Euskal Herriko Unibertsitatearen Uda ikastaroen eskaintzaren barruan, irailean egingo diren hiru nabarmendu nahi ditugu gaur hemen. Lehena irailaren 2an eta 3an egingo da eta “Adimen Artifiziala Gizarte Berrikuntzarako?” galdera izango du aztergai nagusi. Hurrengoak “Itzultzaile neuronalen eraginak euskararen erabileran” du izenburu eta irailaren 11an izango da. Eta biharamonean, irailaren 12an nabarmendu nahi dugun hirugarrena: “Biharko mugikortasuna” izango da gai nagusi.

Indeus Elkarrizketak irailean itzuliko da solasaldi berriekin.Bederatzi dira, oraingo honetan, Indeus Elkarrizketak ekimenean parte hartu duten enpresak, guztiak ere Indeus plataformako kideak: Caf, Ceit, Ekin, Fagor Taldea, Gislan, i+Med, Larraioz Talea, Metaposta eta Soziolinguistika klusterra. Irailaren bigarren hamabostaldian argitaratuko ditugu elkarrizketok, astean bana. Enpresa bakoitzaren jardueraz gain, euskararekiko duten atxikimenduaz ere hitz egingo dugu solasaldiotan. Indeus Elkarrizketak 2022an abiarazi genuen ekimena da, plataformako kide kiden enpresak ezagutzera eman eta gure hizkuntzari buruzko gogoeta egiteko.

“Arkitektura logiko” Industria Berriaren Spri Hiztegian.Programa baten, programa-multzo baten edo aplikazio informatiko baten funtsezko egitura. Egitura bakoitzak ondoko hauek biltzen ditu: software-elementuak, haien arteko erlazioak eta elementuen eta erlazioen propietateak. Software-sistema baten arkitekturak eraikin baten arkitektura irudikatzen du; eredu-gisa funtzionatzen du sistemarentzat eta garatua izaten ari den softwarearentzat, eta diseinu-taldeek egin beharreko lanak agerrarazten ditu. Egiturari dagozkion funtsezko erabakiak hartzen saiatzen da, inplementatu ondoren nekez alda daitezkeenak.

ZIURek ohartarazi du zibersegurtasuneko kalteberatasunak areagotu egingo direla, nahiz eta kritikak gutxitu.ZIURek “Ziberinteligentzia industrialaren txosten” berria argitaratu du. Bertan, urteko lehen seihilekoan zibersegurtasunaren esparruan izandako joerak aztertu ditu, eta ondorioztatu du Espainia “hacktivismoak” gehien kaltetutako laugarren herrialdea dela. Gipuzkoako Zibersegurtasun Industrialeko Zentroak, Gipuzkoako Foru Aldundiaren proiektu estrategikoak, ohartarazi duenez, “hacktivismoa” Estatuaren aurkako mehatxu nagusietako bat izan da 2023. Urtearen erdialdetik.

EnpresaBidea: “Euskara espazioan izan zenekoa”Egunkari digitalak argitaratutako artikulua ekarri nahi izan dugu gurera, erreportaje hau irakurrita jakin baitugu 1994. urteko uztailean egin zuela bere estreinako bidaia espaziora gure hizkuntzak. Ikerlanen 50.urteurrenaren ospakizunaren testuinguruan atera da argitara pasadizoa. Zer-nola gertatu zen jakiteko, atzera egin behar. Bidaia IML-2 —2nd International Microgravity Laboratory— izeneko hegaldian egin zuen, 15 egun iraun zuena. Hegaldi horretan, "80 esperimentu baino gehiago egin ziren bereziki garaturiko 12 tresnekin. Horietako bat RAMSES izan zen", jaso zuen Joseba Landaluze Ikerlaneko Ikertzaile Seniorrak 1997an idatzitako testu baten.