IndeusBerri: industria eta euskara uztartzen dituen informazioaren topagunea

Arabako Enpresen Foroak abenduaren 11an egingo du aurtengo hirugarren topaketa. Eusko Jaurlaritzak, Arabako Foru Aldundiak eta Gasteizko Udalak lankidetzan eratzen duten ekimena da Arabako Enpresen Foroa. Arabako enpresen arteko foro honen bitartez, enpresek euren jardunaz ardura duten jakintza eta gogoetak partekatzen dira, elkarrengandik ikasi, eta jakintza berria ere sortzeko, beti ere Arabako Lurralde Historikoaren alor sozioekonomikoan euskararen erabileran laguntzeko bideak ezartzeko. 2020az geroztik Lanabes ekimenaren testuinguruan eratzen den foroak hizkuntzen kudeaketarekin interesa duten Arabako enpresen arteko praktika komunitatea aktibatzea du helburu.

Datorren astean egingo da ‘Hizkuntzen Irabazia’ foroak Europako 16 hizkuntza gutxitu bilduko ditu. Kongresua Kursaal Kongresu Jauregian egingo da. ‘Hizkuntzen irabazia. Benefits of language industry in the economy’ kongresua LANGUNEk, Euskal Herriko hizkuntza industrien elkarteak, Union of European Nationalities (FUEN) erakundearekin batera antolatu du. Bertan bilduko dira Europa osoko 30 hizlaritik gora, tartean Euskal Herrikoak; eta besteak beste, 15 hizkuntza gutxituren egoera eta errealitatea ezagutzeko aukera egongo da. Kongresuak euskara bezalako hizkuntza gutxituek tokiko ekonomiari egiten dioten ekarpena agerian utzi nahi du. Era berean, hizkuntza gutxituentzat teknologia berrietan eta ingurune digitalean presentzia izateak duen garrantzia azpimarratu nahi du, arreta jarriz ahalegin horrek era berean, suposatzen duen erronkan eta aukeran.

Urteko azken batzarra egin du INDEUSek gaur Gasteizen KIMUA GROUP, EUSKALIT, LABORAL KUTXA eta LANGUNEri ongietorria emanaz. Bostgarren urteurreneko azken batzarra egin du gaur INDEUS Industriaren Euskal Plataformak Gasteizen, Hibridalaben egoitzan, eta ospakizunari amaiera borobila emateko Arabako Foru Aldundiko Ekonomia Garapenaren eta Jasangarritasunaren diputatua, Saray Zarate eta Hizkuntza Politikarako Sailburuordea, Aitor Aldasoro bertaratu dira INDEUSkideak agurtu eta plataformak egiten duen lana bertatik bertara ezagutzeko. Gaurko topaketan ongietorria eman diote KIMUA Group enpresari eta Lizartzan kokatutako konpainia plataformako 40.enpresa bihurtu da. Ongietorria eman diete baita Languneri, LABORAL Kutxari eta Euskalit erakundeari ere, INDEUSen Lankidetza Sareko kide egin direlako.

“Marka bereizgarri” Industria Berriaren Spri Hiztegian. Produktu edo zerbitzu bat merkatuan bereizteko egokia den ikurra (®). Marka hori dagokion gobernu-erakundean erregistratu denean, marka erregistratu (ingelesez, trademarkTM) izendatu ohi da. MR, ® edo TM sinboloekin laburtzen da, baina sinbolo hori izateak ez du ezinbestean esan nahi agintaritza eskudunean erregistratu denik. Marka baten ikurra askotarikoa izan daiteke: hitz bat edo hitzen konbinazio bat, irudi edo diseinu bat, forma tridimentsionalak, soinuak eta, herrialde batzuetan, usainak, testurak eta bereizgarritasun-baldintzak betetzen dituen eta idatziz edo grafikoki irudikatu daitekeen beste edozein elementu.