IndeusBerri: industria eta euskara uztartzen dituen informazioaren topagunea
Rikardo Bueno, BRTA erakundearen zuzendari nagusiarekin izan dugu aste honetako solasaldia Indeus Elkarrizketak egitasmoaren barruan. Nafarroako Gobernuak antolatutako Euskara Langai jardunaldian parte hartzera gonbidatu gaituzte. Zibersegurtasunaren oinarrizko lexikoa argitaratu du Euskaltzaindiak. Hauek dira aste honetako IndeusBerrin jaso ditugun berriak.
Zibersegurtasunaren oinarrizko lexikoa argitaratu berri du Euskaltzaindiak. Zibersegurtasuna gero eta garrantzi handiagoa hartzen ari delako, Euskaltzaindiak eta bere erakunde atxikia den UZEIk Zibersegurtasunaren oinarrizko lexikoa plazaratzeko beharra ikusi dute. Lexikoak helburu bikoitza du: alde batetik, oinarrizko kontzeptuak argitzea; eta, bestetik, euskarazko terminoak finkatzen laguntzea. Guztira, 27 kontzeptu jaso dira lexikoan.
Nafarroako Gobernuak antolatutako Euskara Langai jardunaldian hartuko du parte SPRIk. Maiatzaren 24an Iruñeko Baluarten egingo den ekitaldiaren helburua da Nafarroako eremu sozioekonomikoan euskararen erabilera sustatzea eta Foru Komunitatean dauden esperientziak erakustea. INDEUS, Industriaren Euskal Plataforma ezagutzera emateko gonbidatu gaituzte Euskara Langai jardunaldira.
BRTA, Indeus Elkarrizketak solasaldian. Rikardo Bueno, Basque Research & Technology Alliance erakundeko zuzendari nagusiak Euskadiko I+G+Bra hurbildu gaitu: Euskadiko 17 ikerkuntza eta teknologi zentrok osatzen duten erakundearen betebeharrak, helburuak, ikerketa eta garapenaren nondik norakoak… Eta honekin guztiarekin batera euskarak I+G+Baren esparruan duen presentzia eta etorkizunaz hitz egin dugu Rikardorekin.
Lotutako albisteak
IndeusBerri: Industria eta Euskararen plaza
Gaur albiste dira EUSKORPUS, INGUMA ikerketa-bekak, Gipuzkoa ARIGUNE eta Engainu-teknologia.
IndeusBerri: Industria eta Euskararen plaza
Gaur albiste dira BIKAIN, Mikroenpresa digitala, Puntueus, EnpresaBIDEA eta Datu-analisi
IndeusBerri: Industria eta Euskararen Plaza
Gaur albiste dira HiTZ zentroa, Jendaurrean, Otsailak 11 eta Datu-bilketa.
IndeusBerri: industria eta euskara uztartzen dituen informazioaren topagunea
Gaur albiste dira Klima-aldaketa eta trantsizio ekologikoa hiztegia, Eusko Ikaskuntza, Emakumeak Zientzian eta Datu irekiak.
IndeusBerri: industria eta euskara uztartzen dituen informazioaren topagunea
Gaur albiste dira Emakumeak Zientzian 2025, Ziur, Puntueus eta Baliozkotze-datu.