IndeusBerri: industria eta euskara uztartzen dituen informazioaren topagunea
ZITU konpainiako Nekane Ubillosekin egindako solasaldia dugu gaur Indeus Elkarrizketak egitasmoko protagonista. Eta honekin batera Euskadiko Zibersegurtasun Zentroak antolatutako Zibersegurtasuna Teleprestakuntzan izeneko jardunaldia; Euskara ingurune digitalean sustatzeko Bizkaiko Foru Aldundiak bideratutako diru-laguntza; eta Industria berriaren hiztegiko kontzeptu berri bat: Karbono gutxiko ekonomia. Hau guztia gaurko IndeusBerri gunean.
Euskara ingurune digitalean egon dadin diru laguntzak emateko deialdia egin du Bizkaiko Foru Aldundiak. Ekoizkinak egiten dituzten Bizkaiko Lurralde Historikoko merkataritza-sozietateei, kooperatiba-sozietateei, irabazi-asmorik gabeko pertsona juridiko pribatuei, enpresaburu indibidualei eta profesionalei zuzenduta dago diru-laguntza hau. Eskaerak aurkezteko epea 2023ko urtarrilaren 16an hasiko da eta otsailaren 13an bukatu.
Zibersegurtasuna Teleprestakuntzan.Formakuntzaren arloan teknologia gero eta gehiago erabiltzeak zibermehatxuekiko esposizio maila eta zibersegurtasuneko gertakari bat jasateko probabilitatea areagotzen du. Honela bada, urrutiko formakuntzetako arriskua arintzeko eta zibersegurtasuneko edozein gorabehera saihesteko oinarrizko jarraibide batzuk ezagutzea beharrezkoa da.
ZITU Indeus Elkarrizketak solasaldian.Zitu konpainiako Nekane Ubillos dugu solaskide aste honetako Indeus Elkarrizketak saioan. Neurrira egindako soluzio teknologikoak garatzen dituen enpresaren sorreratik hasi eta gaur egunera bitarteko bidaia egin dugu elkarrizketa honen bidez. Euskararen erabilerak eta batez ere euskara euren produktuetan txertatzeak hartu dute protagonismoa.
KARBONO GUTXIKO EKONOMIA Industria Berriaren Spri Hiztegian.Biosferara berotegi-efektuko ahalik eta gas gutxien –zehazki, karbono dioxidoa– igortzea helburu duen ekonomia-eredua. Gas horien gehiegizko metatzea berotze globala eragiten ari da, eta horrek, epe luzean, klimari eragiten dio. Klima-aldaketa katastrofiko hori saihesteko xedez, munduko herrialde askotan zenbait neurri hartzen ari dira, hala nola: eraginkortasun energetikoa hobetzea, energia-iturri berriztagarrien erabilera areagotzea edo CO2-a harrapatzea.
Lotutako albisteak
IndeusBerri: Industria eta Euskararen plaza
Albiste dira gaur Gladys Saria, Bideojokoen industriaren egoerari buruzko jardunaldia, EnpresaBIDEA eta Enkriptatze.
IndeusBerri: Industria eta Euskararen plaza
Gaur albiste dira Arabako Enpresen Foroa, Bideojokoen industria Euskal Herrian, ChatGpt eta Konbergentzia teknologiko.
IndeusBerri: Industria eta Euskararen plaza
Gaur albiste dira Arabako Enpresen Foroa, ETEKIN Topaketa, Nortasuna Sarean jardunaldia eta Mekanika kuantiko.
IndeusBerri: Industria eta Euskararen plaza
Gaur albiste dira ETEKIN Topaketa, Komunikaziona Bidegurutzean jardunaldia, Ebaluatorioa, Instagram II ikastaroa eta Ikusmen bidezko komunikazio.
IndeusBerri: Industria eta Euskararen plaza
Gaur albiste dira INDEUSen Batzar Orokorra, ARTEZek garatutako gunea, Instagram II ikastaroa eta 'Geruza digitala' Industria Berriaren hiztegian.
ALBERDI MEKANIZATUAK, BIOLAN eta MITXELENA Kooperatibak bat egin dute INDEUS Industriaren Euskal Plataformarekin
Urteko lehen bilera egin dute Indeus sustatzen duten erakunde publikoek eta Indeuskide diren enpresa, zentro teknologiko eta elkarteek Euskadiko Parke Teknologikoaren Abantoko campusean.
IndeusBerri: Industria eta Euskararen plaza
Gaur albiste dira ETEKIN ekonomia-solasaldien bigarren edizioaren hasiera, KomunikaziONA Bidegurutzean jardunaldia Notasuna Sareanen eskutik, BAIC - Datuaren estrategia eta Fabrika adimendun.
Ekonomia eta Finantzak; ETEKIN Topaketen edizio berria
Andrés Arizkorreta, Ane Insausti eta Lander Beloki, martxoaren 26an Donostiako Aquariumean
IndeusBerri: Industria eta Euskararen plaza
Gaur albiste dira i+Med, Puntueus, Bikain ziurtagiria, Instagram ikastaroa eta Eraso-bektore
IndeusBerri: Industria eta Euskararen plaza
Gaur albiste dira EUSKORPUS, INGUMA ikerketa-bekak, Gipuzkoa ARIGUNE eta Engainu-teknologia.