IndeusBerri: industria eta euskara uztartzen dituen informazioaren topagunea

28 entitatek euskararen erabilera areagotzeko egindako lana aitortu du Eusko Jaurlaritzak, BIKAIN ziurtagirien banaketa ekitaldian.Ziurtagiria jaso duten entitateen ahalegina txalotzeaz gain, esparru sozioekonomikoan euskararen erabilera areagotzeko egiten duten lana balorean jarri dute Kultura Sailburuak eta Hizkuntza Politikarako Sailburuordeak, Donostian egindako ekitaldian. BIKAIN ziurtagiria jaso duten 28 entitateen artean dago INDEUS, Industriaren Euskal Plataformako kide den VICOMTECH zentro teknologikoa.

DigComp 2.2ren euskarazko itzulpena eskuragarri dago.Eusko Jaurlaritzako Ekonomiaren Garapen, Iraunkortasun eta Ingurumen Sailak, Ikanos ekimenaren barruan, Gaitasun Digitalen Europako Esparrua argitaratu du euskarazko 2.2 bertsioan. Apirilean, Ikerketa Zentro Bateratuak (JRC), Europako Batzordearen zientzia- eta ezagutza-zerbitzuak, esparruaren 2.2 bertsioa argitaratu zuen.

OREKA IT Indeus Elkarrizketak solasaldian.Gasteizen sortu eta kokatutako aholkularitza informatikoa da OREKA IT eta bere zuzendari nagusiarekin egin du solasa Indeus Elkarrizketak ekimenak. Iraitz Perez de Goldarazenaren eskutik jakin dugu nolakoa izan den enpresaren ia 14 urteko ibilbidea eta euskarak zer nolako presentzia izan duen euren egunerokotasunean. Bezeroekin konfiantza euskaratik sortzea errazagoa izan dela azpimarratu du.

ZIBERGAIZKILE Industria Berriaren Spri Hiztegian.Delitu zibernetikoak egiten dituen pertsona, ordenagailua tresna gisa edo helburu gisa erabiltzen duena; adibidez, informazioa lapurtzeko, sare pribatuetara sartzeko, iruzurrak egiteko eta abarrerako. Zibergaizkileen jarduerak hiru motatakoak izan daitezke: Sistema informatikoak erasotzea eta piratería, Iruzurra edo faltsifikazioa eta Legez kanpoko edukiak argitaratzea.