IndeusBerri: industria eta euskara uztartzen dituen informazioaren topagunea
Gaurko IndeusBerrik azalera ekarri digu zibersegurtasunak mugikortasun adimendunean duen eragina aztertzeko Mubil eta Ziurrek antolatu duten jardunaldia; Social Media Marketini buruz Bizkaia Enpresa Digitalak antolatutako ikastaroa; Elhuyarrek egindako azken aurrerapen teknologikoa sare neuronaletan oinarritutako ahots automatikoak sortuz; eta Industria berriaren hiztegiko kontzeptu berri bat: Software espioi.
Elhuyarrek sare neuronaletan oinarritutako ahots automatikoak (TTS) sortu ditu.Elhuyarrek pauso bat aurrera eman du, beste behin ere, hizkuntza-teknologien eta adimen artifizialaren esparruan, digitalizazioaren eremuan gizartean sortzen ari diren erronkei erantzuten jarraitzeko helburuarekin. Oraingo honetan, testua ahots bihurtzeko sistema neuronalak sortu ditu, eta haiek gizartearen esku jarri. TTS ahotsek egiazkoak diruditen arren, sare neuronaletan oinarritutako teknologiaren bidez sortutakoak dira.
Datorren astean, Bizkaia Enpresa Digitalaren eskutik Social Media Marketingi buruzko ikastaroa euskaraz.Sare sozial batean hainbat formatutako informazioa, datuak eta edukiak partekatzen ditu pertsona-talde batek (eta/edo erakunde batek), elkarren artean interes komun erlatiboa bilatzen duen komunitate birtual bat sortuz.
Prestakuntza honetan, komunikazio-bide berri horiek zer, nola, zertarako eta zergatik erabili jorratuko dugu. Era berean, Meta Ads Manager ezagutuko dugu, Facebooken eta Instagramen kanpainak aktibatzeko tresna. Martxoaren 2an egingo da ikastaroa, Bizkaiko Parke Teknologikoan.
MUBILek eta ZIURek Zibersegurtasunak mugikortasun adimendunean eta jasangarrian duen eragina aztertuko dute martxoaren 16an.Zibersegurtasun estrategiek gero eta pisu handiagoa dute mugikortasunarekin erlazionatutako industria-jarduera guztietan. Arau eta eskakizun aldaketei aurre egiten ari den sektorea da, eta ibilgailu-fabrikatzaileetan ez ezik, industria osagarrian eta, azken batean, balio-kate osoan ere badute eragina. Egoera horren aurrean, MUBIL eta ZIUR fundazioek, zibersegurtasunak mugikortasun adimendunean eta jasangarrian duen eragina aztertzeko enpresa-topaketa antolatu dute. Martxoaren 16an egingo da Donostian.
“Software espioi” Industria Berriaren Spri Hiztegian.Sistema informatiko batean sartu, bertako informazioa atzeman eta, jabearen edo erabiltzailearen baimenik gabe, informazioa beste kokaleku batera transmititzen duen softwarea. Informazioa lapurtzeko erabiltzen da, Interneteko erabiltzaileen webeko mugimenduak jarraitzeko eta Interneteko erabiltzaileei pop-up iragarkiak eskaintzeko.
Lotutako albisteak
IndeusBerri: Industria eta Euskararen plaza
Gaur albiste dira Arabako Enpresen Foroa, ETEKIN Topaketa, Nortasuna Sarean jardunaldia eta Mekanika kuantiko.
IndeusBerri: Industria eta Euskararen plaza
Gaur albiste dira ETEKIN Topaketa, Komunikaziona Bidegurutzean jardunaldia, Ebaluatorioa, Instagram II ikastaroa eta Ikusmen bidezko komunikazio.
IndeusBerri: Industria eta Euskararen plaza
Gaur albiste dira INDEUSen Batzar Orokorra, ARTEZek garatutako gunea, Instagram II ikastaroa eta 'Geruza digitala' Industria Berriaren hiztegian.
ALBERDI MEKANIZATUAK, BIOLAN eta MITXELENA Kooperatibak bat egin dute INDEUS Industriaren Euskal Plataformarekin
Urteko lehen bilera egin dute Indeus sustatzen duten erakunde publikoek eta Indeuskide diren enpresa, zentro teknologiko eta elkarteek Euskadiko Parke Teknologikoaren Abantoko campusean.
IndeusBerri: Industria eta Euskararen plaza
Gaur albiste dira ETEKIN ekonomia-solasaldien bigarren edizioaren hasiera, KomunikaziONA Bidegurutzean jardunaldia Notasuna Sareanen eskutik, BAIC - Datuaren estrategia eta Fabrika adimendun.