IndeusBerri: industria eta euskara uztartzen dituen informazioaren topagunea
Maiatzaren 24an Mugaz gaindiko lan-harremanei buruzko topaketa egingo dela gogorarazten digu gaur IndeusBerrik. Ekitaldiekin jarraituz, uztailean HIGA Hizkuntza Gutxituetako Hiztun Gazteen 4. Topaketa nabarmendu dugu eta Ekonomialari Euskaldunen III. Biltzarrerako deialdia zabalik dagoela ere bai. Amaitzeko Industria Berriaren Hiztegitik hartu dugun kontzeptu berri bat: MUGASARE edo GUNE DESMILITARIZATU.
Ekonomialari Euskaldunen III. Biltzarrerako deialdia zabalik dago. Urriaren 27an egingo da Ekonomialari Euskaldunen III.biltzarra "Oinarrizko burujabetza ekonomikoa. Prospekzio estrategikoak estatu-egiturak eraikitzeko" izenburupean. Biltzarreko edukietan parte hartu nahi izanez gero, komunikazio deialdian zehaztutako gaien inguruko proposamena egin behar da. Laburpenak bidaltzeko epea irailaren 8an amaituko da. Aurten Gasteiz izango da Ekonomialari Euskaldunen Bitzarra hartuko duen euskal hiriburua.
Maiatzaren 24an “Mugaz gaindiko lan-harremanak Euskal Herrian” jardunaldia Enpresarean Foroaren eskutik.Lan egiteko moduak, mugaz gaindiko lan harremanak garatzeko baliabideak, erraztasunak eta harreman horietan euskarak duen papera aztertzea izango da topaketaren helburua. Alde batetik, administrazio publikotik bi lurraldeetako harremanak sustatzeko egiten den lanean euskarak duen papera aztertuko da eta, beste alde batetik, bi eremuetan lan egiten duten enpresen esperientzia eta testigantzak ezagutu. Foroa Irungo Ficoban egingo da, goizeko 09:30etan hasita.
HIGA Hizkuntza Gutxituetako Hiztun Gazteen 4. Topaketa egingo da Gasteizen uztailaren 17tik 21era.HIGA hizkuntza gutxituetako hiztun gazteen topaketa da, hizkuntza gutxituen biziberritzea eta nazioarteko komunitate ezberdinen arteko sarelana helburu duena. Euskal Herriko Gasteiz hirian antolatuko den 4 eguneko programazioaren baitan, komunitate ezberdinetako kideek hizkuntzen biziberritzearen zein hizkuntza aktibismoaren alorrean formatzeko aukera izango dute, bai eta haien errealitatea partekatzeko zein besteena ezagutzeko ere.
“MUGASARE edo GUNE DESMILITARIZATU” Industria Berriaren Spri Hiztegian. Erakunde baten barne-sare pribatuaren eta kanpo-sare baten (normalean, Internet) artean kokatzen den gune ez-segurua, barne- zein kanpo-saretik atzigarria dena baina barne-sarera konektatzeko biderik ematen ez duena. Mugasarean dauden ekipoek zerbitzuak eskaini ahal dizkiote kanpo-sareari, barne-sarea arriskuan jarri barik. Erabiltzaile bat saiatuz gero kanpo-saretik barne-sarera legez kanpo konektatzen, irteerarik gabeko bide batean amaituko du. Mugasarea kanpotik atzi daitezkeen zerbitzariak ezartzeko erabiltzen da, hala nola posta elektronikoko zerbitzariak, web zerbitzariak eta DNS sistema.
Lotutako albisteak
IndeusBerri: Industria eta Euskararen plaza
Gaur albiste dira Arabako Enpresen Foroa, ETEKIN Topaketa, Nortasuna Sarean jardunaldia eta Mekanika kuantiko.
IndeusBerri: Industria eta Euskararen plaza
Gaur albiste dira ETEKIN Topaketa, Komunikaziona Bidegurutzean jardunaldia, Ebaluatorioa, Instagram II ikastaroa eta Ikusmen bidezko komunikazio.
IndeusBerri: Industria eta Euskararen plaza
Gaur albiste dira INDEUSen Batzar Orokorra, ARTEZek garatutako gunea, Instagram II ikastaroa eta 'Geruza digitala' Industria Berriaren hiztegian.
ALBERDI MEKANIZATUAK, BIOLAN eta MITXELENA Kooperatibak bat egin dute INDEUS Industriaren Euskal Plataformarekin
Urteko lehen bilera egin dute Indeus sustatzen duten erakunde publikoek eta Indeuskide diren enpresa, zentro teknologiko eta elkarteek Euskadiko Parke Teknologikoaren Abantoko campusean.
IndeusBerri: Industria eta Euskararen plaza
Gaur albiste dira ETEKIN ekonomia-solasaldien bigarren edizioaren hasiera, KomunikaziONA Bidegurutzean jardunaldia Notasuna Sareanen eskutik, BAIC - Datuaren estrategia eta Fabrika adimendun.