IndeusBerri: industria eta euskara uztartzen dituen informazioaren topagunea
Datorren ekainaren 22an INNOBIDEAK-INNOKONEXIO 2023 programaren deialdiari buruzko onlineko jardunaldiaren berri ematen digu gaurko IndeusBerrik, Gipuzkoako Foru Aldundiak atera duen Zibersegurtasunerako laguntza berritzailea eta Bai Euskarari 2023 Sariekin batera. Amaitzeko, Industria Berriaren hiztegiko berba berri bat: Pharming
Hupi, Errigora eta Sorland dira 2023ko Bai Euskarari saridunak.Bai Euskarari Ziurtagiria eskuratzen duten entitateek apustu bat egiten dute; haien lanaren bidez, haratago joatea erabaki dute, euskaraz lan egin eta eroso bizi ahal izateko. Urtez urte urratsak egitera engaiatzen dira, euskarari espazio berriak irekitzeko gogoarekin eta beharbada ohituraz erdaldunagoak diren eremuetan euskarari merezi duen tokia ere ematen diote, ausardiaz. Hupi, Errigora eta Sorland dira aurten Bai Euskarari komunitatearen aitortza eta Saria jaso dutenak.
Gipuzkoako Foru Aldundiak zibersegurtasunerako laguntza berritzailea kaleratu du.Gipuzkoako Foru Aldundiak zibersegurtasuneren alorrean laguntza-lerro berri bat abiarazi du. Laguntza honen helburua balio-kateetan integratu ahal izateko empresa bati informazioaren kudeaketan eska dakizkioken arau edo ziurtagiriak egokitzen edo/eta ezartzen laguntzea da. 15.000 euro artekoa izango den diru-laguntza hau, Gipuzkoan lan egiten duten enpresa txiki eta ertainei zuzenduta dago, hain zuzen ere, berrikuntzaren arloan aholkularitza eta laguntza zerbitzuen azpikontratzioa ordaintzeko bideratuta.
INNOBIDEAK-INNOKONEXIO 2023 programaren deialdiari buruzko onlineko jardunaldia, ekainaren 22an.INNOBIDEAK-INNOKONEXIO programak 250.000 €arteko laguntza eskaintzen du enpresa bakoitzeko itzuli beharrik gabeko diru-laguntzetan, enpresen berrikuntza-proiektuak lagunduko dituzten aditu independenteen aholkularitza finantzatzeko, produktuen, prozesuen, I+G babesmenean, eta Europako proiektuen arloan, edo enpresei Kudeaketa Aurreratuko (Kudeabide) eredu baterantz aurrera egitea ahalbidetuko dieten ereduak eta tresnak txertatzeari dagokionez.
“PHARMING” Industria Berriaren Spri Hiztegian. Eraso informatikoa, softwarearen ahultasuna baliatzen duena domeinu-izenen zerbitzarian (DNS) baimenik gabeko aldaketak egiteko eta, hartara, erakunde baten egiazko IP helbidea aldatzeko, azken helburua izanik biktima iruzurrezko web-orri batera bideratzea. Batez ere banku-erakundeen kasuan erabiltzen da, erabiltzailea automatikoki webgune faltsu batera bideratzeko eta bidegabeki haren sarbide-gakoak lortzeko.
Lotutako albisteak
IndeusBerri: Industria eta Euskararen plaza
Gaur albiste dira Arabako Enpresen Foroa, ETEKIN Topaketa, Nortasuna Sarean jardunaldia eta Mekanika kuantiko.
IndeusBerri: Industria eta Euskararen plaza
Gaur albiste dira ETEKIN Topaketa, Komunikaziona Bidegurutzean jardunaldia, Ebaluatorioa, Instagram II ikastaroa eta Ikusmen bidezko komunikazio.
IndeusBerri: Industria eta Euskararen plaza
Gaur albiste dira INDEUSen Batzar Orokorra, ARTEZek garatutako gunea, Instagram II ikastaroa eta 'Geruza digitala' Industria Berriaren hiztegian.
ALBERDI MEKANIZATUAK, BIOLAN eta MITXELENA Kooperatibak bat egin dute INDEUS Industriaren Euskal Plataformarekin
Urteko lehen bilera egin dute Indeus sustatzen duten erakunde publikoek eta Indeuskide diren enpresa, zentro teknologiko eta elkarteek Euskadiko Parke Teknologikoaren Abantoko campusean.
IndeusBerri: Industria eta Euskararen plaza
Gaur albiste dira ETEKIN ekonomia-solasaldien bigarren edizioaren hasiera, KomunikaziONA Bidegurutzean jardunaldia Notasuna Sareanen eskutik, BAIC - Datuaren estrategia eta Fabrika adimendun.