IndeusBerri: industria eta euskara uztartzen dituen informazioaren topagunea
Urriko lehen agerraldi honetan, Euskarabildua urriaren 26an egingo dela gogorarazten digu gaurko IndeusBerrik, “Utopiatik egunerokora” mintzagai hartuta. Hizkuntzen Europako Eguna ospatzeko PUNTU.EUS domeinuak egindako eskaintza bereziaz ere mintzo da gaurko buletina, baita Ekintzaileen erradiografiaz, EnpresaBIDEA egunkariak argitaratutakoa gurera ekarriz. Kriptografia da industria berriaren hiztegitik hartutako gaurko berba.
EUSKARABILDUAren 12. edizioa urriaren 26an egingo da Donostian.Jardunaldiak gure egunerokoan baliagarri zaizkigun hainbat tresna ezagutzera emango ditu, norberaren beharretara parametrizagarriak izan daitezkeenak, datuen pribatutasuna plataforma handien aldean babesten dutenak eta euskaraz ere erabilgarri daudenak: Nextcloud, edozein erakunde edo enpresentzako bulego birtuala, Oddo ERP sistema eta marketin digitalerako Mailtrain softwarea, besteak beste. Donostiako San Telmo museoan egingo da ekitaldia, urriaren 26an, goizeko 9etan hasita.
.EUS domeinuaren eskaintza berezia Hizkuntzen Europako eguna ospatzeko..eus, .gal, .cat eta .barcelona domeinuek eskaintza bateratua aurkeztu dute gaur, irailaren 26an, Hizkuntzen Europako Egunean. Irailaren 21etik urriaren 11ra bitartean, interesatuek domeinu hauek eskuratzeko aukera dute promoziora batu diren erregistratzaileen bidez, gehienez ere 5 euro gehi BEZ ordainduta. 2001ean, Europako Kontseiluak proposatutako Hizkuntzen Europako Egunari ekarpena egiteko abiatu dute lau domeinuen promozio bateratua. Helburu nagusia Europako hizkuntza-aberastasunari buruzko kontzientzia sortzea da, eta aniztasun horrek kultura-ondare baliotsua islatzen duela plazaratzea.
EnpresaBIDEA: Ekintzailetzaren erradiografia EAEn.Ekintzailetzak "momentu interesgarria" bizi du Euskal Autonomia Erkidegoan. Hala ondorioztatu du EEB-OVE Euskal Ekintzailetzaren Behatokiak Euskal Autonomia Erkidegoko GEM Global Entrepeneurship Monitor 2022-2023 txostenean. Azterketa 2004an egin zuten lehen aldiz, eta urtero-urtero datuak berritzen joan dira bertako ekintzaileen esperientziak baliatuta eta datu propioak sortuta. Txostenak ekintzailetza arloari loturiko aukerak eta oztopoak ez ezik, ekintzaile fenomenoa bera ere —profila, sorturiko enpresa motak, erabilitako errekurtsoak— ikertzen du.
EnpresBIDEA egunkari digitalak argitaratutako albistea ekarri dugu hona.
“KRIPTOGRAFIA” Industria Berriaren Spri Hiztegian. Informazioa ezkutuko kodeen edo gakoen bidez babesteko erabiltzen diren tekniken multzoa. Helburua da baimenik gabeko pertsonek edo erakundeek informazioa eskuratzerik ez izatea. Gaur egun, Interneten batez ere, merkataritza- edo banku-eragiketen segurtasuna eta bidalitako mezuen konfidentzialtasuna bermatzeko erabiltzen da. Bi teknika dira nagusi: kodetzea eta zifratze edo enkriptatzea.
Lotutako albisteak

IndeusBerri: Industria eta Euskararen plaza
Gaur albiste dira Arabako Enpresen Foroa, Bideojokoen industria Euskal Herrian, ChatGpt eta Konbergentzia teknologiko.

IndeusBerri: Industria eta Euskararen plaza
Gaur albiste dira Arabako Enpresen Foroa, ETEKIN Topaketa, Nortasuna Sarean jardunaldia eta Mekanika kuantiko.

IndeusBerri: Industria eta Euskararen plaza
Gaur albiste dira ETEKIN Topaketa, Komunikaziona Bidegurutzean jardunaldia, Ebaluatorioa, Instagram II ikastaroa eta Ikusmen bidezko komunikazio.

IndeusBerri: Industria eta Euskararen plaza
Gaur albiste dira INDEUSen Batzar Orokorra, ARTEZek garatutako gunea, Instagram II ikastaroa eta 'Geruza digitala' Industria Berriaren hiztegian.

ALBERDI MEKANIZATUAK, BIOLAN eta MITXELENA Kooperatibak bat egin dute INDEUS Industriaren Euskal Plataformarekin
Urteko lehen bilera egin dute Indeus sustatzen duten erakunde publikoek eta Indeuskide diren enpresa, zentro teknologiko eta elkarteek Euskadiko Parke Teknologikoaren Abantoko campusean.

IndeusBerri: Industria eta Euskararen plaza
Gaur albiste dira ETEKIN ekonomia-solasaldien bigarren edizioaren hasiera, KomunikaziONA Bidegurutzean jardunaldia Notasuna Sareanen eskutik, BAIC - Datuaren estrategia eta Fabrika adimendun.

Ekonomia eta Finantzak; ETEKIN Topaketen edizio berria
Andrés Arizkorreta, Ane Insausti eta Lander Beloki, martxoaren 26an Donostiako Aquariumean

IndeusBerri: Industria eta Euskararen plaza
Gaur albiste dira i+Med, Puntueus, Bikain ziurtagiria, Instagram ikastaroa eta Eraso-bektore

IndeusBerri: Industria eta Euskararen plaza
Gaur albiste dira EUSKORPUS, INGUMA ikerketa-bekak, Gipuzkoa ARIGUNE eta Engainu-teknologia.

IndeusBerri: Industria eta Euskararen plaza
Gaur albiste dira BIKAIN, Mikroenpresa digitala, Puntueus, EnpresaBIDEA eta Datu-analisi