Materialen Zientzia eta Teknologia Kongresua 29an eta 30ean egingo da Bilbon
Bilboko EHUren Bizkaia Aretoak hartuko du Materialean Zientzia eta Teknologia Kongresua datorren azaroaren 29an eta 30ean. Oraingo honetan Tecnaliak eta Euskampus fundazioak hartu dute jardunaldia antolatzeko ardura.
Euskara hutsean egiten den kongresu honen 5.edizioak egitarau mardula du, non honako gai nagusi hauen inguruko lanak aurkeztuko diren:
- Metalen garapena, prozesaketa, karakterizazioa
- Polimeroen sintesia, prozesaketa, karakterizazioa
- Estaldurak
- Biozientziak
- Ingurugirioa
- Estaldura
- …
Bi hitzaldi nagusi ere izango dira, egun bakoitzean Kongresuaren egitarauari hasiera emango diotenak: azaroaren 29an Rolls Royceko Itxaso Arizaren eskutik Zergatik apurtu da, orduan? (Laborategiko baldintzak benetazkoetara egokitzen) hitzaldia entzuteko aukera izango da. Eta azaroaren 30ean berriz, Petronorreko Elias Unzuetak Euskal Hidrogeno Korridorea: Erronka berriak deskarbonizaziora bidean gaia aztertuko du.
Honez gain, Poster saioa ere egingo da, baita Gabirel Jauregi sari banaketa ekitaldia ere.
Egitarau osoa ikusi nahi izanez gero, MZT Kongresuaren web gunean dago eskuragarri: https://mzt.eus/doc/MZT-aurreneko-programa-web.pdf
MZT Kongresuaren GLOSARIO TERMINOLOGIKOA
Kongresuaren aurtengo nobedade nabarmenetakoa MZT Kongresuko 2018ko edizioaren lexiko terminologikotik abiatuz landutako glosario terminologikoaren aurkezpena izango da.
Materialen zientzia eta teknologia arloko adituek eta UZEI Terminologia eta Lexikografia Zentroak lankidetzan landua, glosarioa elebiduna da (euskara/ingelesa), 1.300dik gora sarrera ditu eta sarrera bakoitzak testuingurua izeneko eremu bat du. Bertan kasuan kasuko terminoa erabiltzen den MZT Kongresuaren 2018ko edizioko adibide bat erakusten da. Terminoa testuinguruan ikusteko aukera izatea baliagarria da kontzeptua eta terminoaren erabilera argitzeko.
Lexikoko sarrerak jakintza-arloen arabera sailkatuak daude eta kasu honetan kongresuan erabilitako gai-sailkapenari berari egokitu zaio:
- Materialen prozesaketa
- Karakterizazio-teknikak
- Materialen propietateak
- Aplikazio eta erabilera industrialak
- Materialak eta ingurumena
- Simulazioa eta modelizazioa
Lotutako albisteak
IndeusBerri: Industria eta Euskararen plaza
Gaur albiste dira Arabako Enpresen Foroa, ETEKIN Topaketa, Nortasuna Sarean jardunaldia eta Mekanika kuantiko.
IndeusBerri: Industria eta Euskararen plaza
Gaur albiste dira ETEKIN Topaketa, Komunikaziona Bidegurutzean jardunaldia, Ebaluatorioa, Instagram II ikastaroa eta Ikusmen bidezko komunikazio.
IndeusBerri: Industria eta Euskararen plaza
Gaur albiste dira INDEUSen Batzar Orokorra, ARTEZek garatutako gunea, Instagram II ikastaroa eta 'Geruza digitala' Industria Berriaren hiztegian.
ALBERDI MEKANIZATUAK, BIOLAN eta MITXELENA Kooperatibak bat egin dute INDEUS Industriaren Euskal Plataformarekin
Urteko lehen bilera egin dute Indeus sustatzen duten erakunde publikoek eta Indeuskide diren enpresa, zentro teknologiko eta elkarteek Euskadiko Parke Teknologikoaren Abantoko campusean.
IndeusBerri: Industria eta Euskararen plaza
Gaur albiste dira ETEKIN ekonomia-solasaldien bigarren edizioaren hasiera, KomunikaziONA Bidegurutzean jardunaldia Notasuna Sareanen eskutik, BAIC - Datuaren estrategia eta Fabrika adimendun.