“Talentua erakartzeko enpresaren izaera eta euskara mantendu behar ditugu” BATZ
BATZ Kooperatibako presidente Xaber Ozerinjauregiren eta Materialen garapeneko arduradun Saioa Loizagaren eskutik egindako ibilbide honetan jakin dugu datorren urtean 60 urte egingo dituela enpresak. Arratian trokeleria lanetan hasi eta gaur egun munduko auto ekoizlerik garrantzitsuenentzako osagaiak egiten ditu BATZek. “Hasi trokeleri moduan hasi ginan, hori izan zan BATZeko betiko negozioa eta munduan zeozergaitik ezagunak bagara trokeleri moduan da. Gaur egun hori zoritxarrez asko gutxitu da ta orain dala 30 urte inguru hasi ginan beste gauza batzuk egiten, trokelak egiten genituen ta piezak egiten hasi ginan, osagaiak, automobilentzako osagaiak. Eta gaur egun horixe da gure negoziorik handiena, automobilentzako osagaiak diseinatu eta fabrikatzea da.”
Hizkuntzaren erabilera hizpide hartuta, BATZek hainbat urte daramatza lan arloan euskararen erabilera sustatzen eta bultzatzen: orain dela 20 urte egin zuen bere lehen Euskera Plana; Errota fundazioaren EUSGARA proiektuan sartuta dago; eta INDEUS, Industriaren Euskal Plataformako kide ere bada.
Arratiakoa izatea eta euskarari eustea ezinbestekotzat jo dituzte solaskideek, batez ere talentua erakartzeko gero ta handiagoa den lehian: “Lehen eskaintza bat zegoen eta guk aukeratzen genuen eta gaur egun gazteek eurek aukeratzen dute nora etorri gura duten lanera, eta euskara eta enpresa izaera mantentzea pentsatzen dut inportantea dela. Eta gazteek eurek hori be baloratzen dute.”
Indeus Elkarrizketak SPRIk abiarazitako egitasmoa da Indeus, Industriaren Euskal Plataformako kide diren enpresa, elkarte eta zentro teknologikoak eta euskarazko produktuak garatzen dituzten enpresak ezagutzera emateko eta industrian euskararen erabilerari buruzko gogoeta egiteko.
Lotutako albisteak
‘Munduan gaude, baina gure nortasuna ez dugu galdu nahi.’ Aroa Insausti, Bianditz Iraola – CAF
Indeus Elkarrizketak: CAF konpainiako Aroa Insausti eta Bianditz Iraola ditugu solaskide aurtengo zikloari amaiera emateko.
‘Loturak sortu behar ditugu jendearekin eta euskara izan daiteke horietako bat.’ Bittor Larraioz, Xabier Iturralde – Larraioz Taldea
Indeus Elkarrizketak: Larraioz Taldeko Bittor Larraioz eta Xabier Iturralde ditugu solaskide
“Hizkuntza oso garrantzitsua da edozein jarduera ekonomikoren barruan.” Imanol Larrea, Soziolinguistika Klusterra
Indeus Elkarrizketak: Soziolinguistika Klusterreko zuzendari Imanol Larrea dugu solaskide
“Guk nabaritu dugu orain gehiago eskatzen digutela dena euskaraz.” Asier Orio, Metaposta
Indeus Elkarrizketak: METAPOSTA. Asier Orio, zuzendaria dugu solaskide.
“Gure ikerkuntzaren produktua euskaraz lan egitetik sortzen dugu” Amaia Iza, CEIT
Indeus Elkarrizketak: CEITeko Amaia Iza, Prozesaketa termomekaniko taldeko burua eta ikertzailea dugu solaskide.