Urteko azken batzarra egin du INDEUSek gaur Gasteizen KIMUA GROUP, EUSKALIT, LABORAL KUTXA eta LANGUNEri ongietorria emanaz
Bostgarren urteurreneko azken batzarra egin du gaur INDEUS Industriaren Euskal Plataformak Gasteizen, Hibridalaben egoitzan, eta ospakizunari amaiera borobila emateko Arabako Foru Aldundiko Ekonomia Garapenaren eta Jasangarritasunaren diputatua, Saray Zarate eta Hizkuntza Politikarako Sailburuordea, Aitor Aldasoro bertaratu dira INDEUSkideak agurtu eta plataformak egiten duen lana bertatik bertara ezagutzeko.
Gaurko topaketan ongietorria eman diote KIMUA Group enpresari eta Lizartzan kokatutako konpainia plataformako 40.enpresa bihurtu da. Ongietorria eman diete baita Languneri, LABORAL Kutxari eta Euskalit erakundeari ere, INDEUSen Lankidetza Sareko kide egin direlako.
INDEUS Industriaren Euskal Plataforma Spri-Enpresen Garapenerako Agentziak, Energiaren Euskal Erakundeak, Hizkuntza Politikako Sailburuordetzak eta Arabako, Bizkaiko eta Gipuzkoako foru aldundiek bultzatzen duten ekimena da.
Azkenengo urteetan INDEUS Plataformaren baitan landutako gairik garrantzitsuenek hartu dute bileraren protagonismoa. Alde batetik, Eusko Jaurlaritzako Industria Segurtasuneko zuzendaritzarekin lankidetzan, derrigorrezko ikuskaritzak euskaraz egiteko aukera bermatzeko irekitako bidea. Beste alde batetik, CRM edo bezeroekiko harremanak kudeatzeko sistemak egiten dituzten enpresek euren produktuetan euskara hizkuntza estandar bezala txertatzea eskatzeko emandako pausuak azaldu ditu EJIEk.
Horrekin batera, praktika onen atalean, CAF konpainiako ordezkariak Beasaingo lantegian abiarazitako praktika ona zertan datzan azaldu du. Soziolinguistika Klusterrak eta Euskal Herriko Unibertsitateak egindako ITZULINGURU egitasmoaren ondorioak ere aurkeztu dira; eta amaitzeko, hizkuntza-teknologiei buruzko tailer bat egin da, Vicomtech, Trebe Languages Technology eta Elhuyarren eskutik.
Zer da INDEUS?
INDEUS Industriaren Euskal Plataforma Spri-Enpresen Garapenerako Agentziak, Energiaren Euskal Erakundeak, Hizkuntza Politikako Sailburuordetzak eta Arabako, Bizkaiko eta Gipuzkoako foru aldundiek bultzatzen duten ekimena da. Euskaraz lan egitea erabaki duten enpresa industrialei laguntzeko sortu zen ekimena, euskarazko produktu eta zerbitzuak lortzeko bideak landuz. Eta ibilbide honetan, INDEUSek euskararen presentzia txikia duten enpresei ere ireki dizkio ateak, aurrekoen eskarmentua besteen eredu izango delakoan.
Duela 2 urte sortu zen Indeus Elkarrizketak ekimena, INDEUSkide diren enpresak eta hizkuntzarekiko euren atxikimendua ezagutzera emateko helburuarekin. 2022an egin eta argitaratutako 20 elkarrizketei beste bederatzi gehitu zaizkie aurten, irailean hasi eta azaroaren 14 bitartean argitaratu diren solasaldiekin: CAF, CEIT, EKIN, FAGOR Taldea, GISLAN, I+MED, LARRAIOZ Taldea, METAPOSTA eta SOZIOLINGUISTIKA Klusterra.
Elkarrizketa guztien jatorrizko hizkuntza euskara da, baina gaztelaniazko eta ingelesezko azpitituluak ere txertatu dizkiete, beste herrialde eta hizkuntza batzuetara hedatu ahal izateko.
Enpresa industrialentzako produktuak eta zerbitzuak euskaraz emateko gai diren eta horrela egiten duten enpresei eskainitako atala ireki du INDEUSen web guneak, hain zuzen ere, zerbitzua edo produktua euskaraz eskaintzen duen hornitzaileren baten bila dabilen enpresari bilaketa errazteko. Arlo desberdinetako 16 enpresa daude oraingoz, atal horretan.
Industria Berriaren Spri Hiztegia
SPRI Hiztegia industria-sektorearen alderdirik aurreratuenari dagokion hiztegi espezializatua da. Sektore hori etengabe ari da kontzeptu berriak sortzen eta zaharrak eguneratzen. Horregatik, ezinbestekoa da berrikuntza horiei guztiei jarraipena egitea eta hala kontzeptuen edukia nola kontzeptu horiek izendatzeko terminoak ondo finkatzea eta baliabide batean biltzea eta argitaratzea. Hiztegi honek SPRI Taldean erabiltzen dugun dokumentazioa du oinarri; horregatik, esan daiteke erabileran oinarritutako hiztegia dela.
SPRI Hiztegiak 1.083 kontzeptu ditu, eta kontzeptu guztiek euskarazko, gaztelaniazko eta ingelesezko ordainak dituzte; guztira, 4.341 termino. Hiztegian bilaketa bat egin nahi dugunean, hiru hizkuntza horietako edozeinetatik abia gaitezke.
40 dira Industriaren Euskal Plataforman parte hartzen ari diren enpresak, zentroak eta elkarteak: AMPO, BASQUE AUTOMATION, BATZ, BIELE GROUP, BRTA, CAF, CEIT, CIKAUTXO, COPRECI, DANOBATGROUP, EGA MASTER, EGA SOLUTIONS, EGOIN, EIKA, EKIN, ELAY, ENERGIA KLUSTERRA, ESLE ELKARTEA, EUSKADIKO ITSAS KLUSTERRA, FAGOR, GAIA KLUSTERRA, GISLAN, GKN, GOIZPER, IKERLAN, I+MED, INNOBASQUE, KIMUA GROUP, LARRAIOZ TALDEA, LEYCOLAN, MAIER, METAPOSTA, OREKA IT, ORKLI, ORONA, PETRONOR, SISTEPLANT, TECNALIA, ULMA, VICOMTECH.
Lankidetza Sareak lau kide ditu: SOZIOLINGUISTIKA KLUSTERRA, EUSKALIT, LABORAL KUTXA, LANGUNE
Erakunde publikoak, azkenik, sei: Eusko Jaurlaritzaren Hizkuntza Politikako Sailburuordetza, Spri-Enpresen Garapenerako Agentzia, Energiaren Euskal Erakundea eta Arabako, Bizkaiko eta Gipuzkoako Foru Aldundiak.
Lotutako albisteak
IndeusBerri: Industria eta Euskararen plaza
Gaur albiste dira Arabako Enpresen Foroa, ETEKIN Topaketa, Nortasuna Sarean jardunaldia eta Mekanika kuantiko.
IndeusBerri: Industria eta Euskararen plaza
Gaur albiste dira ETEKIN Topaketa, Komunikaziona Bidegurutzean jardunaldia, Ebaluatorioa, Instagram II ikastaroa eta Ikusmen bidezko komunikazio.
IndeusBerri: Industria eta Euskararen plaza
Gaur albiste dira INDEUSen Batzar Orokorra, ARTEZek garatutako gunea, Instagram II ikastaroa eta 'Geruza digitala' Industria Berriaren hiztegian.
ALBERDI MEKANIZATUAK, BIOLAN eta MITXELENA Kooperatibak bat egin dute INDEUS Industriaren Euskal Plataformarekin
Urteko lehen bilera egin dute Indeus sustatzen duten erakunde publikoek eta Indeuskide diren enpresa, zentro teknologiko eta elkarteek Euskadiko Parke Teknologikoaren Abantoko campusean.
IndeusBerri: Industria eta Euskararen plaza
Gaur albiste dira ETEKIN ekonomia-solasaldien bigarren edizioaren hasiera, KomunikaziONA Bidegurutzean jardunaldia Notasuna Sareanen eskutik, BAIC - Datuaren estrategia eta Fabrika adimendun.