Filtra tu búsqueda

Argitu zure zalantzak

Sor dakizkizukeen zalantza guztiak argitu nahi ditugu.
Bilatu nahi duzun soluzioa hemen ez badago, galde iezaguzu, ahal dugun guztia
egingo dugu gure programetarako sarbidea erraza eta urrats gutxiren buruan izan dadin.

Teknologia Garbien Euskal Zerrenda-ri
buruz jakin behar duzun guztia

Egoitza Euskal Autonomia Erkidegoan duten, Sozietateen gaineko Zergari lotuta dauden eta zerga hori Euskadin aurkezten duten enpresek zerga-kenkaria jaso dezakete, Teknologia Garbien Euskal Zerrendan sartutako ekipoak erostean.

Eusko Jaurlaritzan ingurumenaren arloko eskumenak dituen sailaren azterketa aktiboaren bidez hautatzen dira zerrendan sartu beharreko teknologiak, industria arloan eskumena duen sailarekin elkarlanean. Aukeratu ondoren, zerrendan jasotako teknologiak ebaluatzeaz eta onartzeaz arduratzen da honako erakunde hauetako ordezkariek osatzen duten Batzorde Teknikoa: Ingurumeneko Sailburuordetza, Ihobe, SPRI, EEE eta Zerga Koordinaziorako Organoa. Organo horrek ebaluatzen ditu aipatutako teknologiak.

Teknologia horiek ingurumen-inpaktu negatiboak murrizten laguntzen dute, energia-eraginkortasuna, baliabideen erabilera jasangarria eta ingurumen-babesa hobetuz. Gainera, fabrikazio-prozesuak modernizatzen dituzte, eraginkortasuna handitzen dute eta fabrikazio-kostu unitarioak murrizten dituzte, industrien lehiakortasuna hobetuz.

Zerrenda hori 2006ko martxoaren 14ko 64/2006 DEKRETUAK eta Ingurumen eta Lurralde Politikako sailburuaren 2016ko uztailaren 13ko AGINDUAK arautzen dute (beste xedapen batzuez gain).

Teknologia Garbien Euskal Zerrenda kontsultatu behar duzu teknologia hori sartuta dagoen ala ez jakiteko. Gainera, dagokion foru-aldundiaren zerga arloko araudia berrikustea gomendatzen da, eskakizun guztiak betetzen direla ziurtatzeko.

Zerrenda osoa helbide honetan dago ikusgai: Ihobe.eus.

Zerrendan jasotako teknologiak ebaluatzeaz eta onartzeaz arduratzen da honako erakunde hauetako ordezkariek osatzen duten Batzorde Teknikoa: Ingurumeneko Sailburuordetza, Ihobe, SPRI, EEE eta Zerga Koordinaziorako Organoa.

Teknologiek energia- eta ingurumen-emaitzak hobetzen lagundu behar dute, industria-prozesuen eraginkortasuna areagotu behar dute, lehengaien erabilera eta kudeaketa adimenduna ahalbidetu behar dute, berrerabilera, birziklapena eta balorizazioa bultzatu behar dituzte, eta ingurumen-inpaktu global positiboa izan behar dute.

Egoitza Euskal Autonomia Erkidegoan duten enpresek ekipoaren inbertsio-kostuaren % 30eko kenkaria lor dezakete Sozietateen gaineko Zergaren kuotaren gainean, zerrendan sartutako teknologiak eskuratzean.

Euskadiko lehiakortasun, ingurumen eta energiari buruzko politikekin bat datozen eta haien ingurumen arloko errendimendu onena dela eta aukeratutako ekipo industrialen zerrenda bat da. Ekipo horiek erosiz gero, egindako inbertsioan % 30eko zerga-kenkaria eskura dezakete enpresek.

Baduzu beste galderarik? Lagundu zaitzakegu
X Itxi

Baduzu beste galderarik?

Lagundu zaitzakegu


  • SPRI-Enpresen Garapenerako Euskal Agentziak, datuen tratamenduaren arduradun gisa, zure datu pertsonalak biltzen ditu gure zerbitzu eta programekin zerikusia duten zerbitzuak emateko. Eskubidea duzu edozein unetan zure adostasuna erretiratzeko, tratamendua aurkatzeko, zure datuak eskuratu, zuzendu eta ezabatzeko, eta orobat beste eskubide batzuk erabiltzeko. Horretarako, posta elektroniko bat bidali beharko duzu lopd@spri.eus helbidera. Era berean, Datu Pertsonalen Babesari buruzko informazio gehigarriaren eta xehearen berri izateko, jo Pribatutasun politika atalera. “Bidali” botoia klikatuz adostasuna emango duzu zure datuak trata daitezen gorago adierazitako baldintzetan.

  • This field is for validation purposes and should be left unchanged.