2.400 enpresak baino gehiagok eman dute izena 2022ko ETE laguntzen informazio-jardunaldietarako
2.400 enpresak baino gehiagok eman dute izena Eusko Jaurlaritzak egun hauetan aurkezten dituen ETE laguntzen xehetasunak streaming bidez jarraitzeko. Egingo diren hiru informazio-jardunaldietan, Ekonomiaren Garapen, Jasangarritasun eta Ingurumen Saileko arloetako arduradunek 2022ko laguntza-programei buruzko datu guztiak eskainiko dituzte.
Lehen jardunaldia I+G+b-rako, digitalizaziorako eta ekintzailetzarako laguntzetara zuzendu da. Sailburu Arantxa Tapiak nabarmendu duenez, “Eusko Jaurlaritzak bi urtetan, hots, 2021ean eta 2022an, 1.000 milioi euro baino gehiago bideratuko ditu Euskadiko ETE-etara”. Tapiak adierazi duenez, “enpresak dinamismoa eta inbertsioaren aldeko apustua erakusten ari dira. I+G, trantsizio digitalera egokitzea eta deskarbonizazioaren aldeko lana lehentasunezko helburuak dira. Hau, azken batean, etorkizunerako aukerak dituen plana da Euskal Autonomia Erkidegoko enpresa-ehuna osatzen duten pertsona guztientzat”.
Gobernu Kontseiluan onartutako programak
Gobernu Kontseiluak ETE-entzako laguntza-ildo garrantzitsuei eman zien hasiera atzo, BIKAINTEK eta BIDERATU programak onartu zituen-eta. Dagozkien deialdiak martxoan irekiko dira. BILAKATU programa datorren asteko gai zerrendan egongo da eta deialdia ere martxoan zabalduko da.
Bikaintek programak I+G proiektuak garatzen laguntzen du, doktore-titulua duten ikertzaileak laneratuta edo industria-doktoregaien prestakuntzaren bidez, lan-kostuak kofinantzatuta. Helburua da haien lanbide-karrerak hasten direnetik lan-munduratzeko aukera ematea, eta, aldi berean, produkzio-ehunaren lehiakortasuna areagotzea, bertan talentua txertatuta. Programak 5.670.000 euroko aurrekontua dauka, eta, aurreko deialdian, 33 doktore kontratatzea eta 21 doktoregai prestatzea ahalbidetu zuen.
Bideratu, krisian dauden enpresak berregituratzera eta berrabiaraztera bideratutako programa ere Gobernu Kontseiluan onartu da. Programa horrek, 3,5 milioi euroko aurrekontuarekin, dirulaguntzak emango ditu enpresek epe ertain eta luzean bideragarri izateko egingo dituzten planetan jasotako neurriak aplikatzearen ondoriozko kostuak ordaintzeko.
Bilakatu, negozio-ildoetan, produktuetan, zerbitzuetan eta merkatuetan gaitasun berriak garatuz dibertsifikatzeko eta/edo birlokalizatzeko jarduketekin erlazionatutako inbertsio produktiboei laguntzeko programa, aurreko deialdiko arrakastatsuenetako bat izan da. 11 milioi euroko aurrekontuarekin hasi bazen ere, eskabide kopuru handiaren ondorioz, emandako laguntzak 44 milioi eurora iritsi dira. Guztira, 140 proiektu inguru lagundu ziren, eta horrek ia 440 milioiko inbertsio induzitua sortu zuen.
Aurtengo deialdia 25 milioi euroko aurrekontuarekin abiatzen da, eta, berriz ere, Euskadiko ETE-ek gehien eskatuko dutenetako bat izatea espero da.
Jardunaldietarako izena ematea
Bihar, osteguna, goizeko 10:00etatik aurrera gauzatuko da industria-garapena, nazioartekotzea, energia-efizientzia eta energia berriztagarriak xede dituzten laguntzei eskainitako jardunaldia. Industriako sailburuorde Mikel Amundarainek, Ingurumen Jasangarritasuneko sailburuorde Amaia Barredok eta beren hurrenez hurreneko lantaldeek emango dituzte beren arloei dagozkien laguntza-ildo guztien xehetasunak.
Ostiral goizean, sailburuorde Bittor Orozek eta bere lantaldeak lehen sektorea, elikagaien industria, produktu-sustapena, I+G eta bioekonomia xede dituzten laguntzei buruzko xehetasunak emandituzte.
Lotutako albisteak
Elkargik tamaina bikoiztu du, enpresa txiki- ertainen finantza erakunde gisa finkatuaz
2024an, 1400 enpresa ingururi eman die laguntza, eta gaineratu egitean da ia 11.300 enpresetarako indarrean duen finantziazioari, zeintzuek 38.500 milioi euroko fakturazioa duten eta 250.000 enplegu baino gehiago ordezkatzen dituzten.
Mikel Jauregi: “Nazioarteko ziurgabetasunaren aurrean, baikortasunez eta ilusioz ari gara lanean Euskadiko industria Europako berrindustrializazioaren buru izan dadin”
Mikel Jauregi sailburuak modu positiboan baloratu du Sidenorreko presidente José Jainaga enpresaria buru duen euskal partzuergoak Trilantic funtsari Talgoren % 29,7 erosteko aurre-akordioa. Partzuergo horrek Eusko Jaurlaritzaren -Finkatuz Funtsaren bitartez- eta Caja Vital Kutxa eta Bilbao Bizkaia Kutxa fundazioen babesa du
Euskadik apustu industriala indartu du talde estrategiko batekin, Europan kokatzeko, erronka global handiei aurre egiteko eta nazioarteko jokalekuaren aldaketei aurrea hartzeko
Imanol Pradales lehendakaria buru izan da Defentsa Industrialerako Taldean. Foro honetan, erakundeak eta produkzio-sektoreak biltzen dira, gero eta handiagoa den protekzionismoaren eta ezegonkortasun globalaren aurrean estrategiak diseinatzeko eta lerrokatzeko
Eusko Jaurlaritzaren industriari laguntzeko plan berriaren bidez, 500 milioira arte jarriko dira industria-sektorea indartzeko, arreta berezia eskainiko zaie ETEei
Katalogo digital bat egin da, SPRIren web-orrian web-orrian kontsulta daitekeena. Katalogo horretan deskribatzen dira laguntzaren edo zerbitzuaren izena, aurtengo aurrekontua, laguntza norentzat den, argitalpen-data eta eskatzeko modua
Euskal enpresak dagoeneko has daitezke tramitatzen Gauzatu Industria, Indartu eta Deskarbonizazio Industriala programetako laguntzak
Aurre-eskaera aurkeztuz gero, diruz laguntzeko moduko inbertsiotzat hartu ahal izango dira programa bakoitzaren deialdia baino lehen hasitako inbertsioak.