28 milioi euro ETEetan inbertsio berriak finantzatzeko eta enplegu berria sortzeko
AUZATU-Industria programak inbertsio berritzaileetarako eta teknologikoetarako aurrerakin itzulgarriak eskaintzen ditu, eta ezin bestekoa da enplegu berriak sortzea
2018an, programak 85 milioi euroko guztizko inbertsioa eskuratu zuen 55 proiektutan eta, haren bitartez, 752 enplegu berri sortu ziren
Industriari lotutako industria eta zerbitzuak hazkunde bete-betean dauden honetan, Gobernuak lehenetsi egin du produktu berriak eskain ditzaketen goi-teknologiako arloak finantzatzea
Eusko Jaurlaritzak 28 milioi euro jarriko ditu teknologia-oinarria duten edo/eta berritzaileak diren ETEen sorrera eta garapenera bideratutako GAUZATU-Industria Programa finantzatzeko. Industria finantzatzeko programa bat da, ibilbide zabalekoa, ETEentzako aurrerakin itzulgarriak errazten dituena; horretarako, ETEok inbertsio adierazgarriak egin, enplegu berria sortu, duten enpleguari eutsi eta balioa gehitu zein lehiakortasuna hobetzen duten proiektu berritzaileak landu behar dituzte.
2018an, programa horrek geldiarazi egin zuen teknologia- eta berrikuntza-arloko 55 industria-proiekturen bidezko 85 milioi euroko guztizko inbertsioa; proiektuen bitartez, 754 enplegu berri sortu ziren. Eszenategi honetan, Gobernuaren babesa ezin bestekoa izaten jarraitzen du gure lurraldearen industria-garapenerako, baldintza egokiak sortuz enpresek inberti dezaten, merkatuan lehia daitezen eta aberastasuna zein enplegua sor ditzaten.
Horretarako, ezin bestekoa da enpresa bideragarriei eta, bereziki, ETEei, finantzaketa jasotzeko aukera erraztea; izan ere, faktore bakarra ez den arren, baldintzatu egiten du haien lehiakortasuna hobetzeko ekintzak abian jarri eta hazteko aukera. Industria-sistemaren lehiakortasuna enpresetan egiten diren apustu teknologiko eta berritzaileei esker heltzen da.
Finantzaketa hori ondorengoetara bideratuko da: besteak beste, goi-teknologiako eta I+G+b inbertsio maila handiko industria-arloetan funtzionatzen duten enpresak, eta teknologia-ezagutza produktu edo prozesu berriak bihurtzeko gai direnak.
Esleituko diren laguntza itzulgarriak diruz lagunduko den inbertsioaren % 35eraino hel daitezke, baina ezin da 1.500.000 euroko kopurua gainditu.
Programa hau 2019. Ekitaldirako Ekonomiaren Garapen eta Azpiegitura Sailaren Dirulaguntzen Plan Estrategikoan kokatzen da, eta bat egiten du XI. Legegintzaldiko Euskadi 2020 Gobernu Programarekin. Zehazki, 1. ardatz estrategikoan biltzen diren helburuei lotzen zaie: “Hazkunde sendoa, enplegu gehiagorekin eta hobearekin”, eta haren barnean kokatzen da “Ezagutzaren ekonomian lehiakorragoa den industria”.
Programaren helburu estrategikoa da Teknologia Oinarriko edo/eta Berritzaileak diren ETEen sorrera eta garapena bultzatzea, etorkizuneko lehiakortasun-estrategia gisa:
- Enplegua sortzen duen inbertsioan lagunduz
- Enpresen hazkundea hauspotuz
- Finantzaketa eskuratu ahal izatea erraztuz
Laburbilduz, bilatzen du ETE horien gaitasun eta beharrizanetara egokitzen den laguntza-oinarri bat ezartzea, berrikuntza teknologikoa eta ez-teknologikoa eta dibertsifikazioa sustatuko dituena, aukera-arlo berriei begira.
Programa ondorengo arlora zuzentzen da:
- Erauzketako, produkzioko, eraldaketako eta haiei uztartutako zerbitzu teknikoetako (prozesu-produktuei lotutako) ETEak, Teknologia Oinarridunak edo/eta Berritzaileak direnean.
- Enpresa-taldeak, non eskaera aurkezten duen enpresak akzioen % 100eko partaidetza duen taldeko beste enpresetan.
Era horretan, ondorengo eragina bilatzen da:
- Produktu berriak garatzea
- Merkatu berrietan produktu tradizionalak sartzea
Produktibitatea areagotuko duten fabrikazio-prozesuen hobekuntza teknologikoa
Dokumentazioa aurkeztu
Eskaerak eta haren dokumentazioa, errekerimenduak eta gainerako kudeaketak, bitarteko elektrikoen bidez aurkeztuko dira ondorengo Internet helbidean: www.euskadi.eus. Eskaerak egiteko epea Euskal Herriko Agintaritzaren Aldizkarian Agindu hau argitaratu eta hurrengo egunean hasi eta 2019ko irailaren 30ean amaitzen da, edo eskueran dauden funtsak agortzen direnean.
Lotutako albisteak
Mikel Jauregi: “Eusko Jaurlaritzari dagokiola Euskadiko enpresei segurtasuna eta ziurtasuna eskaintzea”
Sailburuak "enplegua eta aberastasuna sortzeko Euskadiko enpresek egiten duten lana" balioan jarri du, enpresari eta ekintzaileen figurari prestigioa emateko beharra aldarrikatuz
Elkargik tamaina bikoiztu du, enpresa txiki- ertainen finantza erakunde gisa finkatuaz
2024an, 1400 enpresa ingururi eman die laguntza, eta gaineratu egitean da ia 11.300 enpresetarako indarrean duen finantziazioari, zeintzuek 38.500 milioi euroko fakturazioa duten eta 250.000 enplegu baino gehiago ordezkatzen dituzten.
Mikel Jauregi: “Nazioarteko ziurgabetasunaren aurrean, baikortasunez eta ilusioz ari gara lanean Euskadiko industria Europako berrindustrializazioaren buru izan dadin”
Mikel Jauregi sailburuak modu positiboan baloratu du Sidenorreko presidente José Jainaga enpresaria buru duen euskal partzuergoak Trilantic funtsari Talgoren % 29,7 erosteko aurre-akordioa. Partzuergo horrek Eusko Jaurlaritzaren -Finkatuz Funtsaren bitartez- eta Caja Vital Kutxa eta Bilbao Bizkaia Kutxa fundazioen babesa du
Euskadik apustu industriala indartu du talde estrategiko batekin, Europan kokatzeko, erronka global handiei aurre egiteko eta nazioarteko jokalekuaren aldaketei aurrea hartzeko
Imanol Pradales lehendakaria buru izan da Defentsa Industrialerako Taldean. Foro honetan, erakundeak eta produkzio-sektoreak biltzen dira, gero eta handiagoa den protekzionismoaren eta ezegonkortasun globalaren aurrean estrategiak diseinatzeko eta lerrokatzeko
Eusko Jaurlaritzaren industriari laguntzeko plan berriaren bidez, 500 milioira arte jarriko dira industria-sektorea indartzeko, arreta berezia eskainiko zaie ETEei
Katalogo digital bat egin da, SPRIren web-orrian web-orrian kontsulta daitekeena. Katalogo horretan deskribatzen dira laguntzaren edo zerbitzuaren izena, aurtengo aurrekontua, laguntza norentzat den, argitalpen-data eta eskatzeko modua