BasKeep, euskal enpresak eta inbertitzaileak konektatzeko aplikazioa
Sei hilabeteko epe laburrean, hirurogeitik gora inbertitzaile erregistratu dira aplikazioan, eta informazio eguneratua ematen du finantzaketa bila dabiltzan industri arloko hogeita hamar enpresari buruz.
SPRIk, enpresen garapenerako euskal agentziak, hobetu egin du industri arloko euskal enpresei ematen dien zerbitzua eta areago garatu du BasKeep plataforma, hala, sei hilabetean martxan egon ondoren, bere zerbitzuak zabaldu eta euskal enpresak eta inbertitzaileak konektatzeko aplikazio bihurtu da. Aplikazio horrek baditu erregistratuta 30 enpresa eta 60 inbertitzaile baino gehiago, eta helburu nagusitzat dauka Euskadiko enpresa-sarea bultzatzea eta enpresen negozioak sendotzea etorkizunean. Bestalde, une honetan aplikazio berri hau da inbertitzaileek daukaten modu sinple, azkar eta konfidentzialena informazio anonimoa lortzeko finantzaketa-modu berrien bila dabiltzan industri arloko euskal enpresei buruz.
Mota guztietako enpresek har dezakete alta aplikazioan: negozioa sendotu nahi duten enpresek, tamaina handitu edo etorkizuneko jasangarritasuna hobetu nahi dutenek, belaunaldi aldaketarekin laguntza behar dutenek nahiz zailtasun ekonomikoak dituztenek. Helburua da Euskadiko enpresen ekosisteman sartu nahi duten inbertitzaileek erraz eta azkar aurkitu ditzatela. Hala, BasKeep aplikazioari esker enpresek bazkideak aurkitu ahal izango dituzte beren negozio-planak martxan jartzen laguntzeko eta, aldi berean, inbertitzaileek aukera izango dute euren interesekin bat datozen inbertsio-aukera berriak aurkitzeko.
Inbertitzaileentzat BasKeep espazio seguru eta konfidentzial bat izango da, non lortu ahal izango duten BasKeep-eko aditu taldeak berretsitako egiazko informazio kontrastatua inbertitzaile bila dabiltzan enpresa guztiei buruz. Aplikazioa zabalik dago era guztietako inbertitzaileentzat: izan daitezke indibidualak, instituzionalak, enpresa industrialak, family office direlakoak edo inbertsio funtsak, eta baita ere Euskadin inbertitu nahi duten tokiko, Estatuko zein nazioarteko inbertitzaileak. Inbertitzaileek behar duten informazioa lortzeko, aplikazioan txertatu behar dituzte gehien interesatzen zaizkien inbertsio-eremuak, —jarduera-sektoreak, enpresaren egoera edo premiak—, eta berehala lortuko dute informazioa.
Nola aurkitu enpresa edo inbertitzaile egokiena?
Industri arloko enpresa interesatuari hainbat informazio eskatuko zaizkio BasKeep aplikazioan erregistratzeko, esaterako datu ekonomiko-finantzarioak eta inbertsio-beharrak edo inbertitzaile bat bilatzeko dituen arrazoiak. BasKeep-eko lantaldeak konfidentzialki aztertu eta tratatuko du informazio hori bere direktorio anonimora sartu aurretik. Era berean, inbertitzaileek ere alta hartu behar dute aplikazioan, inbertitzaile bila dabiltzan enpresen informazioa jasotzeko eta aukera berriei buruzko jakinarazpenak hartzeko. Bere aldetik, inbertitzaileak bere profilari buruzko oinarrizko informazioa eman beharko du aplikazioan alta hartzeko: antzeko zein inbertsio-operaziotan hartu duen parte, daukan esperientzia profesionala (indibiduala zein taldekoa), eta nolako enpresa bilatu nahi duen.
Behin alta hartu ondoren, enpresaren eta inbertitzailearen arteko kontaktu edo “match” prozesua burutzeko lau urrats egin behar dira:
- Inbertsio aukeraren berria. Sare sozial bateko feed-a bailitzan, plataformak eguneratze anonimo berri bat argitaratzen du automatikoki BasKeep plataformako “inbertsio-aukerak” atalean, erregistratutako inbertitzaileek erraz identifikatzeko moduan.
- Interes eskaera. Inbertitzaile erregistratu batek posible du “inbertsio-aukerak” espaziora sartzea eta informazio gehiago eskatzea eguneratze anonimoari buruz.
- Aditu taldearen analisia. BasKeep plataformako lantaldeak inbertitzailearen interes eskaera aztertuko du eta sarbidea emango dio enpresari buruzko informaziora, bi alderdien anonimotasuna mantenduz.
- Kontaktua. Behin informazioa aztertu ondoren inbertitzaileak aurrera jarraitu nahi badu prozesuarekin, BasKeep-ek harremanetan jarriko ditu bi alderdi interesatuak.
BasKeep bezalako komunitate bateko kide izateak baditu abantailak erregistratzen diren euskal enpresentzat. Hasteko, enpresa aitzindari bat izango zara, euskal enpresak etorkizuneko inbertitzaileekin konektatzeko eta lehiakideen aurretik joateko lehen aplikazioko kide izango zarelako. Bigarrenik, bidea ematen dizu inbertsio-aukera berriak zuzenean eskuratzeko eta, hartara, zure enpresa industrialaren negozioa handitzeko. Hirugarrenik, inbertitzaileek erraz identifikatuko zaituzte eta euren interesen araberako informazioa eskaini ahal izango diezu. Eta, azkenik, datuak konfidentzialtasun eta segurtasunez tratatzen dituen plataforma bat izango duzu, SPRI Taldeko aditu taldeak ematen duen babes eta fidagarritasunarekin.
Berrikuntza euskal enpresa industrialen zerbitzura
BasKeep-ek bere zerbitzuak zabaldu ditu eta aplikazio berritzaile eta aitzindari bilakatu da. Orain zerbitzu digital berri bat jartzen du industri arloko euskal enpresen eta haien etorkizuneko inbertitzaileen eskura, inbertsio-aukera berriak azkarrago identifika ditzaten espazio berri eta erabilerraz bakar batean. Prozesu digital berri bat da, SPRI Taldeak berak garatua, aukera ematen duena datuak anonimoki tratatzeko, eta euskal enpresen premia berrietara egokitua.
Ezagutu gehiago BasKeep-i buruz.
Lotutako albisteak
Industria Erronka-k 700 ikasle baino gehiagok industria-enpresa bat izatea simulatzea ahalbidetzen du
Industria Erronka Bizkaiko Foru Aldundiaren eta Eusko Jaurlaritzaren laguntzari esker posible da, SPRI - Euskal Enpresen Garapenerako Agentziaren bidez
Eusko Jaurlaritzak Gauzatu Industria programa aktibatu du 28 milioi eurorekin
Oinarri teknologiko eta berritzailea duten enpresa txiki eta ertainen sorrera eta garapena bultzatzeko
Optidel Biosystems-ek arrisku-kapitaleko inbertitzaileen babesa jaso du
Optidel Biosystems startupek kosmetika sektorean osagai aurreratuak eta konponbide pertsonalizatuak garatzeko muga berriak irekiko ditu
Euskadik bere automobilgintza sektoreko industria indartuko du errepideko garraioaren deskarbonizazio adimendunerako laguntza-programa berri batekin
Eusko Jaurlaritzak "Emisio Txikiagoko Ibilgailuak" laguntza-programa aurkeztu du Industriaren Defentsarako Taldearen baitan, euskal automobilgintzaren sektoreak egungo muga-zergen gerraren testuinguru globalean dituen erronkei erantzuteko
Industria Defendatzeko Taldeak Euskadiko industriari laguntzeko lehen neurria onartu du
Industria Defendatzeko Taldeak lehen laguntza-programa bat aurkeztu du, “Emisio gutxiagoko ibilgailuak” erosteko, Euskadin errepideko garraioaren deskarbonizazio adimendunean aurrera egiteko eta, aldi berean, euskal industriarako funtsezkoa den sektore bati, automobilgintzari, laguntzeko
Haizea Wind Groupek bere hazkundea sendotu du, 2024an 371 milioiko salmentekin eta 18 milioiko irabaziekin
Haizea Wind Groupek, gainera, 2025ean hazkundea sendotzea aurreikusten du, kontratatutako eskaera zorroari esker
Mikel Jauregi: “Mundu mailan zabaltzen ari den ziurgabetasunaren aurrean, Euskaditik multilateralismoaren aldeko apustua egiten dugu”
"Euskadi herri esportatzailea da, beraz muga-zergek eragina izango dute gure esportazioetan. Baina eragin hori nahiko txikia izango da"
Euskadik eta Kataluniak indarrak batu dituzte Europar Batasunaren berrindustrializazio prozesuan
Eusko Jaurlaritzak eta Kataluniako Generalitateak aldebiko topaketa egin dute, Euskadik eta Kataluniak industria-polo gisa duten estatusaren garrantzia nabarmentzeko, Atlantikoko eta Mediterraneoko eskualdeen buru diren heinean. Bi lurraldeek Estatuko industriaren arloko barne-produktu gordinaren % 25 biltzen dute, eta Europar Batasuneko eskualde industrializatuenen artean daude
Eusko Jaurlaritzak Euskal Finantza Aliantza sustatuko du, lankidetza publiko-pribatuak 4.000 milioi mobiliza ditzan Euskadiren eraldaketa ekonomiko eta industrialerako
Lehendakaria buru dela egin da, Bilbon, Eusko Jaurlaritzak eta bederatzi toki-erakundek “funtsak, tresnak eta finantza-ahalmenak batzeko” protokoloaren sinadura-ekitaldia. Finantzen Euskal Institutuarentzako 1.000 M€-ko zuzkidurarekin hasten da, haren inbertsio-ahalmena indartu dadin
Mikel Jauregi: “Eusko Jaurlaritzari dagokio Euskadiko enpresei segurtasuna eta ziurtasuna eskaintzea”
Sailburuak "enplegua eta aberastasuna sortzeko Euskadiko enpresek egiten duten lana" balioan jarri du, enpresari eta ekintzaileen figurari prestigioa emateko beharra aldarrikatuz