BasqueFIK klusterra finantza enpresen eta inbertitzaileen lehiakortasuna indartzeko helburuarekin sortu da
- Bileran zehar, BasqueFIKek bere helburuak, estatutuak eta gobernantza-eredua ezagutzera eman ditu, eta Zuzendaritza Batzordea aurkeztu du
- Lehentasunen artean daude finantza-kultura zabaltzea eta tresnei, erakundeei eta finantza-funtzioari buruzko ezagutza areagotzea enpresan eta herritarrengan
- Gainera, erakundeak Industria Koiunturaren Behatokian parte hartuko du, Euskadiko gainerako klusterrekin batera
BasqueFIKek, Euskadiko finantza-kluster eta inbertitzaile berriak, Euskadiko ekosistemako 100 erakunde baino gehiago bildu ditu bere egoitza izango den “Bilboko Burtsa” eraikinean egindako aurkezpenean. Jardunaldian zehar, BasqueFIKek bere helburuen, estatutuen eta gobernantza-ereduaren berri eman du. Hori guztia erakundearen talde sustatzaileak, 18 erakunde pribatuk osatutakoak, zenbait hilabetetan zehar landu du.
Jon Ander de las Fuentes presidenteak azaldu duenez, “BasqueFIK irabazi-asmorik gabeko elkartea da, eta euskal ekonomiaren finantza-ekosistema eta inbertitzailea eraldatzea du helburu, enpresa- eta industria-sarearen lehiakortasun iraunkorrari laguntzeko, eta ongizatea eta lurralde-garapena handituko dituen ekonomia sozialagoa eta iraunkorragoa sortzeko”. Era berean, klusterrak Euskadiko enpresa-ehunaren beharrekin konektatu nahi du, erabakiguneak mantendu eta erakartzeko eta hura indartzen laguntzeko.
Kluster-politikaren esparruan, ekimen hau abian jartzeak berrikuntza-ekosistemen zutabeetako bat artikulatzen lagunduko du, eta, beraz, Euskadiko klusterrak dinamizatzen dituzten gainerako erakundeekiko sinergiak agerikoak dira.
Hurrengo urratsen artean, plan estrategiko bat garatzea, klusterrak lehentasunezkotzat jo dituen erronkei helduko dieten lan-batzordeak antolatzea eta hasierako jarduera-plan bat egitea daude.
Zuzendaritza Batzordearen eta kideen egungo egitura honako erakunde hauek osatzen dute: Artizarra Fundazioa, Kutxabank, Garrigues, Multiverse Computing, ABE capital partners SGEIC, Elkargi, Euskadiko Borondatezko Gizarte Aurreikuspeneko Erakundeen Federazioa, BBK Fundazioa, Euskadiko Arrisku Kapitalaren Kudeaketa, IKEI Research & Consultancy, Finantzen Euskal Institutua, Kaizaharra Enpresa Korporazioa, Laboral Kutxa, Norgestion SA, SANTANDER, Seed Capital Bizkaia SGEIC SA, Sociedad Rectora de la Bolsa de Valores de Bilbao SAU eta Tecnalia Ventures.
Euskadiko Finantza eta Inbertsio Ekosistemaren eta Ekonomiaren Eraldaketa Lehiakor eta Iraunkorra
Kluster berriaren lehentasunen artean dago Euskadiko Finantza eta Inbertsio Ekosistemaren eta Ekonomiaren Eraldaketa Lehiakor eta Iraunkorra bultzatzea. Horretarako, beharrezkotzat jotzen dute profesionalak eta talentua sortzea. Euskadin finantzen eta inbertsioen inguruko ezagutza eta talentua erakartzeko eta errotzeko lan egingo du, tokiko lehiakortasuna eta enpresen errotzea indartzen laguntzeko eta Euskadi ingurune erakargarriagoa bihurtzeko, proiektu estrategikoak eta eraldatzaileak garatzeko eta inbertsioak erakartzeko.
Nolanahi ere, eraldaketa digitala eta teknologia aurreratua sustatzeari emango dio lehentasuna, I+G arloaren bidez, eta teknologia berriak inbertsio- eta finantzaketa-tresnetan ere aplikatuko dira, startupak azeleratuz.
BasqueFIK klusterrak bere gain hartuko du sektorea bera dinamizatzea, networking-, prestakuntza- eta lankidetza-jarduerak sustatuz, bai eta behatoki bat sortzea eta informazioa barreiatzea ere. Gainera, Industria Abagunearen Behatokian parte hartuko du, Euskadiko gainerako klusterrekin batera.
Lotutako albisteak
Mikel Jauregi: “Mundu mailan zabaltzen ari den ziurgabetasunaren aurrean, Euskaditik multilateralismoaren aldeko apustua egiten dugu”
"Euskadi herri esportatzailea da, beraz muga-zergek eragina izango dute gure esportazioetan. Baina eragin hori nahiko txikia izango da"
Euskadik eta Kataluniak indarrak batu dituzte Europar Batasunaren berrindustrializazio prozesuan
Eusko Jaurlaritzak eta Kataluniako Generalitateak aldebiko topaketa egin dute, Euskadik eta Kataluniak industria-polo gisa duten estatusaren garrantzia nabarmentzeko, Atlantikoko eta Mediterraneoko eskualdeen buru diren heinean. Bi lurraldeek Estatuko industriaren arloko barne-produktu gordinaren % 25 biltzen dute, eta Europar Batasuneko eskualde industrializatuenen artean daude
Eusko Jaurlaritzak Euskal Finantza Aliantza sustatuko du, lankidetza publiko-pribatuak 4.000 milioi mobiliza ditzan Euskadiren eraldaketa ekonomiko eta industrialerako
Lehendakaria buru dela egin da, Bilbon, Eusko Jaurlaritzak eta bederatzi toki-erakundek “funtsak, tresnak eta finantza-ahalmenak batzeko” protokoloaren sinadura-ekitaldia. Finantzen Euskal Institutuarentzako 1.000 M€-ko zuzkidurarekin hasten da, haren inbertsio-ahalmena indartu dadin
Mikel Jauregi: “Eusko Jaurlaritzari dagokio Euskadiko enpresei segurtasuna eta ziurtasuna eskaintzea”
Sailburuak "enplegua eta aberastasuna sortzeko Euskadiko enpresek egiten duten lana" balioan jarri du, enpresari eta ekintzaileen figurari prestigioa emateko beharra aldarrikatuz
Elkargik tamaina bikoiztu du, enpresa txiki- ertainen finantza erakunde gisa finkatuaz
2024an, 1400 enpresa ingururi eman die laguntza, eta gaineratu egitean da ia 11.300 enpresetarako indarrean duen finantziazioari, zeintzuek 38.500 milioi euroko fakturazioa duten eta 250.000 enplegu baino gehiago ordezkatzen dituzten.