BasqueFIK sortu da, Euskadiko Finantza eta Inbertsio Kluster berria
Euskadiko finantza eta inbertsio Kluster berria, BasqueFIK, irabazi-asmorik gabeko elkarte gisa sortu da, euskal ekonomiaren finantza-ekosistema eta inbertsio-ekosistema eraldatzeko, enpresa- eta industria-sarearen lehiakortasun iraunkorrari laguntzeko, eta lurralde-ongizatea eta -garapena handituko dituen ekonomia sozialagoa eta iraunkorragoa sortzeko.
Iñigo Urkullu lehendakariak ongietorria eman dio Lehendakaritzan kluster berriaren talde sustatzaileari, eta erakundearen eraketaren buru izan da. Klusterrak estatutu propioak izango ditu, gobernantza definitu bat, eta laster Industria Koiunturaren Behatokian parte hartuko du, Euskadiko gainerako klusterrekin batera.
Lehendakariarekin batera, Arantxa Tapia Ekonomiaren Garapen, Iraunkortasun eta Ingurumeneko sailburua eta Pedro Azpiazu Ekonomia eta Ogasuneko sailburua izan dira, eta BasqueFIKen talde sustatzailearekin bildu dira.
Urkulluk azpimarratu du BasqueFIK izaera estrategikoko ekimena dela, ibilbide onari erantzuten diona; izan ere, historikoki, Euskadik ekosistema finantzario sendoa izan du, eta erreferentzia izan da historia berrieneko etapa askotan. “Gure ibilbideak ekosistema finantzario eta inbertitzaile dinamiko gisa bermatzen gaitu. Une historiko bakoitzak erronka, behar eta aukera berriak planteatzen dizkigu, denboran eta baliabideetan apustu irmoa eskatzen dutenak “, esan du.
BasqueFIKen talde sustatzailea
BasqueFIKeko buru izango da Jon Ander de las Fuentes (Artizarra Fundazioa) eta lehendakariorde izango da Fernando Del Hoyo (Kutxabank). Talde sustatzailea batez ere erakunde pribatuek osatzen duten arren, Eusko Jaurlaritzak klusterrean duen ordezkaritzari eusten dio, Arrisku Kapitalaren Kudeaketaren bidez (SPRI Taldea) eta Finantzen Euskal Institutuaren bidez, eta Bizkaiko Foru Aldundiak, Seed Capital Bizkaiaren bidez. Izaera pribatuko gainerako erakunde sustatzaileak honako hauek dira: ABE capital partners SGEIC, Elkargi, Euskadiko Borondatezko Gizarte Aurreikuspeneko Erakundeen Federazioa, BBK Fundazioa, Garrigues, IKEI Research & Consultancy, Kaizaharra Corporacion Empresarial, Kutxabank, Laboral Kutxa, Multiverse Computing, Norgestion S.A., SANTANDER, Sociedad Rectora de la Bolsa de Valores de Bilbao, S.A.U., Artizarra Fundazioa eta Tecnalia Ventures.
Finantza-kultura zabaltzea eta talentua sortzea
Kluster berria Lehendakariak berak eskatuta eratu da, eta bere lehentasun nagusia finantza-kultura zabaltzea da. Halaber, tresnei, erakundeei eta finantza-funtzioari buruzko ezagutza areagotzea enpresan eta herritarrengan. Klusterra euskal ekonomiarako zeharkako ikuspegi batekin sortzen da.
Horretarako, beharrezkotzat jotzen dute profesionalak eta talentua sortzea. Euskadin ezagutza eta talentu finantzarioa eta inbertitzailea erakartzeko eta errotzeko lan egingo du, tokiko lehiakortasuna eta enpresen errotzea indartzen laguntzeko eta Euskadi ingurune erakargarriagoa bihurtzeko, proiektu estrategikoak eta eraldatzaileak garatzeko eta inbertsioak erakartzeko.
Nolanahi ere, eraldaketa digitala eta teknologia aurreratua sustatzeari emango dio lehentasuna, I+G-ren bidez, eta teknologia berriak inbertsio- eta finantzaketa-tresnetan ere aplikatuko dira, startupak azeleratuz.
BasqueFIK klusterrak bere gain hartuko du sektorea bera dinamizatzea, networking-, prestakuntza- eta lankidetza-jarduerak sustatuz, bai eta Informazioa Zabaltzeko Behatokia sortzea.
Lotutako albisteak
Mikel Jauregi: “Eusko Jaurlaritzari dagokiola Euskadiko enpresei segurtasuna eta ziurtasuna eskaintzea”
Sailburuak "enplegua eta aberastasuna sortzeko Euskadiko enpresek egiten duten lana" balioan jarri du, enpresari eta ekintzaileen figurari prestigioa emateko beharra aldarrikatuz
Elkargik tamaina bikoiztu du, enpresa txiki- ertainen finantza erakunde gisa finkatuaz
2024an, 1400 enpresa ingururi eman die laguntza, eta gaineratu egitean da ia 11.300 enpresetarako indarrean duen finantziazioari, zeintzuek 38.500 milioi euroko fakturazioa duten eta 250.000 enplegu baino gehiago ordezkatzen dituzten.
Mikel Jauregi: “Nazioarteko ziurgabetasunaren aurrean, baikortasunez eta ilusioz ari gara lanean Euskadiko industria Europako berrindustrializazioaren buru izan dadin”
Mikel Jauregi sailburuak modu positiboan baloratu du Sidenorreko presidente José Jainaga enpresaria buru duen euskal partzuergoak Trilantic funtsari Talgoren % 29,7 erosteko aurre-akordioa. Partzuergo horrek Eusko Jaurlaritzaren -Finkatuz Funtsaren bitartez- eta Caja Vital Kutxa eta Bilbao Bizkaia Kutxa fundazioen babesa du
Euskadik apustu industriala indartu du talde estrategiko batekin, Europan kokatzeko, erronka global handiei aurre egiteko eta nazioarteko jokalekuaren aldaketei aurrea hartzeko
Imanol Pradales lehendakaria buru izan da Defentsa Industrialerako Taldean. Foro honetan, erakundeak eta produkzio-sektoreak biltzen dira, gero eta handiagoa den protekzionismoaren eta ezegonkortasun globalaren aurrean estrategiak diseinatzeko eta lerrokatzeko
Eusko Jaurlaritzaren industriari laguntzeko plan berriaren bidez, 500 milioira arte jarriko dira industria-sektorea indartzeko, arreta berezia eskainiko zaie ETEei
Katalogo digital bat egin da, SPRIren web-orrian web-orrian kontsulta daitekeena. Katalogo horretan deskribatzen dira laguntzaren edo zerbitzuaren izena, aurtengo aurrekontua, laguntza norentzat den, argitalpen-data eta eskatzeko modua