Albisteak 20 apirila, 2022

EIKAk bere posizioa indartu du Smart Comfort-en partaidetza bat eskuratu ondoren

Berokuntza elektrikoko osagaien munduko liderra den kooperatiba bizkaitarrak konpainia nafarraren kapitalaren % 20 erosi du irtenbide berritzaileen garapena errazteko. 2018an Ceramaspeed estatubatuarraren % 100 ere erosi zuen.

Eikak, Mondragon Korporazioko kide eta etxetresna elektrikoen sektoreko erreferente globalak, Smart Comfort ingeniaritza elektriko-elektronikoaren % 20 bereganatu du. Ingeniaritza hori urrutiko infragorri bidezko aplikazio adimendunen garapenean espezializatuta dago, eta bi markaren bidez bi sektoretan zentratzen ditu bere jarduerak. Lehenengoa, AVIR, abeltzaintzako instalazio intentsiboetako animalien erosotasunean espezializatzen da, animalien eta ingurumenaren ongizatea hobetzeko; eta bigarrena, Nawattia, esparru publiko/pribatu, industrial edo akademiko handietako giza erosotasun termikoa barne hartzen du.

Sinergia horrekin, Bizkaiko kooperatibak berokuntza elektrikoko aplikazioen merkatuan duen posizioa indartu du, eta teknologia berrietan oinarritutako produktu-irtenbide berri eta berritzaileen garapenean bete-betean sartu da. Aitor Soria Eikako zuzendari nagusiaren arabera, “kooperatiba Smart Comfort-en kapitalean sartzeak tamaina eta garrantzi handikoak diren proiektuetara irekitzea erraztuko digu. Proiektu horietan, Nafarroako enpresak bere know-how-a jarriko du urrutiko infragorri bidez berotzeko soluzioetan. Urteak daramatzagu jarduera berriak abian jartzen eta garatzen, eta hori talde eta baliabide propioekin egiten ari gara, baina baita horrelako sinergiak sortzen eta aliantzak ezartzen ere. Konbinazio hori funtsezkoa da Eikarentzat aukera berriak sortzeko”.

Harreman horrek, Mondragon Korporazioko kooperatibarentzat aukera-leiho bat irekitzeaz gain, Taxoaren (Nafarroa) egoitza duen enpresak ere batasun horren onurak nabarmentzen ditu, hala dio Aida Loperenak, Smart Comforten sortzaile eta zuzendariak: “Sinergia horrek, zalantzarik gabe, gure diseinuak arazteko aukera emango digu, bai energia-eraginkortasunari dagokionez, bai industria-optimizazioari dagokionez. Gainera, gure soluzioen ezarpena maila globalean bizkortzeko gaitasuna emango digu, baita erronka eta aplikazio berriei erantzuteko gaitasuna ere, zalantzarik gabe, gure konponbideetarako merkataritza-horizontean agertuko diren erronka eta aplikazioak, hain zuzen ere”.

Aliantzen aldeko apustua

Hori ez da izan Eikak bereganatu duen enpresa bakarra. Azken urteotan, aliantza- eta eskuratze-politika bat jarri du martxan, eta horri esker, bere sektorean maila globalean liderra den enpresa gisa finkatu da. Horrela, bada, 2018an Ceramaspeed iparramerikarraren aktiboak erosi zituen, Estatu Batuetako multinazionalaren patenteak, markak eta produkzio-ekipoak bereganatu baitzituen. Multinazionalak ekoizpen plantak zituen AEBetan, Mexikon eta Polonian.

Era berean, duela gutxi aliantzak sortu ditu Tecasarekin, termostato elektrikoen salmentan eta ekoizpenean espezializatutako enpresarekin, eta Mondragon Unibertsitatearekin eta Centro Stirling, Tecnalia, Ikerlan edo CEIT bezalako zentro teknologikoekin kolaboratu du (azken hiruak BRTA euskal aliantzako kide dira). “Lankidetza horiei esker, aurrera egin ahal izan dugu ekoizpen modu berriak eta produktu berriak garatzeko bidean, eta Eikaren etorkizunak ildo horretatik jarraituko du”, amaitu du Soriak.

SPRI Taldeak euskal enpresentzako finantzaketa-tresnak ditu, haien susperraldia errazteko, balio erantsian zein merkatuetan egiten duten aurrerapen lehiakorra bultzatzeko, eta enpresa-proiektu berriei ekiteko. Bateratu, Gauzatu, Renove Industria 4.0 edo Renove Makineria bezalako finantzaketa programei buruzko informazioa kontsultatu.

Lotutako albisteak

Industria  Erronka-k  700  ikasle  baino  gehiagok  industria-enpresa  bat  izatea  simulatzea  ahalbidetzen  du
02/04/2025 Berrikuntza

Industria Erronka-k 700 ikasle baino gehiagok industria-enpresa bat izatea simulatzea ahalbidetzen du

Industria Erronka Bizkaiko Foru Aldundiaren eta Eusko Jaurlaritzaren laguntzari esker posible da, SPRI - Euskal Enpresen Garapenerako Agentziaren bidez

Eusko  Jaurlaritzak  Gauzatu  Industria  programa  aktibatu  du  28  milioi  eurorekin

Eusko Jaurlaritzak Gauzatu Industria programa aktibatu du 28 milioi eurorekin

Oinarri teknologiko eta berritzailea duten enpresa txiki eta ertainen sorrera eta garapena bultzatzeko

Optidel  Biosystems-ek  arrisku-kapitaleko  inbertitzaileen  babesa  jaso  du

Optidel Biosystems-ek arrisku-kapitaleko inbertitzaileen babesa jaso du

Optidel Biosystems startupek kosmetika sektorean osagai aurreratuak eta konponbide pertsonalizatuak garatzeko muga berriak irekiko ditu  

Euskadik  bere  automobilgintza  sektoreko  industria  indartuko  du  errepideko  garraioaren  deskarbonizazio  adimendunerako  laguntza-programa  berri  batekin

Euskadik bere automobilgintza sektoreko industria indartuko du errepideko garraioaren deskarbonizazio adimendunerako laguntza-programa berri batekin

Eusko Jaurlaritzak "Emisio Txikiagoko Ibilgailuak" laguntza-programa aurkeztu du Industriaren Defentsarako Taldearen baitan, euskal automobilgintzaren sektoreak egungo muga-zergen gerraren testuinguru globalean dituen erronkei erantzuteko 

Industria  Defendatzeko  Taldeak  Euskadiko  industriari  laguntzeko  lehen  neurria  onartu  du

Industria Defendatzeko Taldeak Euskadiko industriari laguntzeko lehen neurria onartu du

Industria Defendatzeko Taldeak lehen laguntza-programa bat aurkeztu du, “Emisio gutxiagoko ibilgailuak” erosteko, Euskadin errepideko garraioaren deskarbonizazio adimendunean aurrera egiteko eta, aldi berean, euskal industriarako funtsezkoa den sektore bati, automobilgintzari, laguntzeko

Joan blogera

Jarrai gaitzazu

Kanal espezializatuak eta eguneroko gaurkotasuna gure sareetan.