EIT Manufacturing-en laguntzak, 1,5 milioi artekoak, Europako industrian berrikuntza bermatzeko
‘Call for Proposals 2023’ laguntzen bidez, Europako mendebaldean (Frantzia, Espainia eta Portugal) egoitza Donostiako Miramar Jauregian duen EIT Manufacturing erakunde europarrak tamaina guztietako enpresei (korporazio handiak, enpresa txiki eta ertainak edo startup-ak), zentro teknologikoei eta unibertsitateei deialdi irekia egin die. Martxoaren 11ra arteko epea dute Europako industrian berrikuntza bermatzeko proposamenak aurkezteko. Parte hartzen duten erakundeek urtero 1,5 milioi eurorainoko finantza-laguntza jaso dezakete.
Proposamenek lau arlo hauetako batekin lotuta egon behar dute:
- Adimen artifiziala (AI) eta biki digitalak fabrikazio-sistemetarako
- Industria zirkular eta berdearentzako teknologia adimendunak
- Elkarlaneko robotak eta fabrikazioa malgutzeko soluzioak
- Pertsonengan zentratutako fabriketarako automatizazioa
EIT Manufacturing fabrikazio-berrikuntzako elkarte handiena da Europa mailan, eta Europar Batasuneko Berrikuntzaren eta Teknologiaren Europako Institutuaren (EIT) barruan dago. Europako mendebaldeko dibisioan euskal bazkideak ditu, hala nola Aernnova, Mondragon Corporation, Manufacturing Alliance eta Tecnalia, BRTAko kidea. 2020ko maiatzean bere jarduera hasi zenetik, EIT Manufacturing West-ek 50 proiektu baino gehiago lagundu ditu, 20 milioi euroko aurrekonturekin, eta horietatik 6 milioi inguruk eragin zuzena izan dute euskal enpresetan. Bere jarduerak Euskadin hedatzeko, Eusko Jaurlaritzaren laguntza du ELKARTEK Tipo 3 proiektuaren bidez ‘EIT Manufacturing Basque Hub’ (2021eko deialdia).
Deialdi berri honek “soluzio berritzaileak eta prestakuntza-soluzioak bilatzen ditu, Europan fabrikazio digitala bermatzeko, lehiakorragoa izanez eta jasangarria gizartearen eta ingurumenaren ikuspegitik”. Berrikuntza gisa, hemendik aurrera, bi urteko iraupena duten proiektuak aurkeztu ahal izango dira, hurrengo urtean beste proposamen bat aurkeztu beharrik gabe. “Aurtengo parte-hartzeak aurreko urteetako parte-hartzeen kopurua gaindituko duela uste dugu”, nabarmendu du Antoni Pijoanek, EIT Manufacturing West-eko zuzendariak.
Aurreko deialdian 290 proposamen aurkeztu ziren, eta horietatik 81 hautatu ziren Europa osoan. Horietatik, euskal erakundeek gidatutako proiektu batzuk aukeratu ziren, hala nola Ecosystem, Tecnalia buru duena. Proiektu horren helburua fabrikazioan erabakiak hartzeko laguntza-irtenbide global bat garatzea da, on line mantentze prediktiboa eta kalitate-kontrola integratzeko, eta, horrez gain, informazio-plataforma bat ematea, fabrikazio-funtzioak optimizatzeko Adimen Artifiziala erabiliz. Beste adibide bat Sófocles proiektua da, Tecnalia eta Aernnova buru dituena. Roboten sistema kolaboratiboa, adimentsua eta malgua garatzen du osagai aeronautiko handiak eta konplexuak hainbat prozesutan maneiatzeko.
Jardunaldia Adegin
Deialdi honetan parte hartzeko, proposamenek industriako erakundeek, teknologia- eta hezkuntza-zentroek Europan osatutako partzuergoak izan behar dira, EIT Manufacturing-eko kideak edo kanpoko eragileak direnak. Parte hartu nahi dutenek EIT Manufacturing webgunean aurkituko dute informazio gehiago. Edonola ere, asteazkenean, hilak 16, Adegik webinar bat antolatu du ‘Call for Proposals 2023’-en xehetasunak azaltzeko.
Deialdia 2022ko martxoaren 11ra arte egongo da zabalik, lehenengo fasean, eta apirilaren 29ra arte, bigarrenean. Ondoren, proiektuak berrikusi eta ebaluatu ondoren, partzuergoei jakinaraziko zaie beren proposamenak uztailaren 11 baino lehen hautatu diren.
Lotutako albisteak
Mikel Jauregi: “Eusko Jaurlaritzari dagokiola Euskadiko enpresei segurtasuna eta ziurtasuna eskaintzea”
Sailburuak "enplegua eta aberastasuna sortzeko Euskadiko enpresek egiten duten lana" balioan jarri du, enpresari eta ekintzaileen figurari prestigioa emateko beharra aldarrikatuz
Elkargik tamaina bikoiztu du, enpresa txiki- ertainen finantza erakunde gisa finkatuaz
2024an, 1400 enpresa ingururi eman die laguntza, eta gaineratu egitean da ia 11.300 enpresetarako indarrean duen finantziazioari, zeintzuek 38.500 milioi euroko fakturazioa duten eta 250.000 enplegu baino gehiago ordezkatzen dituzten.
Mikel Jauregi: “Nazioarteko ziurgabetasunaren aurrean, baikortasunez eta ilusioz ari gara lanean Euskadiko industria Europako berrindustrializazioaren buru izan dadin”
Mikel Jauregi sailburuak modu positiboan baloratu du Sidenorreko presidente José Jainaga enpresaria buru duen euskal partzuergoak Trilantic funtsari Talgoren % 29,7 erosteko aurre-akordioa. Partzuergo horrek Eusko Jaurlaritzaren -Finkatuz Funtsaren bitartez- eta Caja Vital Kutxa eta Bilbao Bizkaia Kutxa fundazioen babesa du
Euskadik apustu industriala indartu du talde estrategiko batekin, Europan kokatzeko, erronka global handiei aurre egiteko eta nazioarteko jokalekuaren aldaketei aurrea hartzeko
Imanol Pradales lehendakaria buru izan da Defentsa Industrialerako Taldean. Foro honetan, erakundeak eta produkzio-sektoreak biltzen dira, gero eta handiagoa den protekzionismoaren eta ezegonkortasun globalaren aurrean estrategiak diseinatzeko eta lerrokatzeko
Eusko Jaurlaritzaren industriari laguntzeko plan berriaren bidez, 500 milioira arte jarriko dira industria-sektorea indartzeko, arreta berezia eskainiko zaie ETEei
Katalogo digital bat egin da, SPRIren web-orrian web-orrian kontsulta daitekeena. Katalogo horretan deskribatzen dira laguntzaren edo zerbitzuaren izena, aurtengo aurrekontua, laguntza norentzat den, argitalpen-data eta eskatzeko modua