Euskal enpresek 615 milioi euroko maileguak eskuratu ahal izango dituzte aurten Gobernu Zentralak SPRI Taldearen laguntzarekin bultzatutako programen bidez
Jardunaldi batean azaldu zaie zuzendaritza-karguei zein diren inbertsio industrialak egiteko finantzaketa-programak
Azken urtean euskal konpainiek 50 milioi euroko laguntzak eskuratu dituzte
Euskal enpresek 615 milioi euro mailegatu ahal izango dituzte aurten euren proiektuetarako, Gobernu Zentralak SPRI Taldearen (enpresen garapenerako euskal agentzia) laguntzarekin bultzatzen dituen programen bitartez. Finantzaketa hori eskuratzeko aukerak astearte honetan azaldu dira SPRI Taldeak Bilbon antolatutako jardunaldi batean, enpresetako zuzendaritza-kargu andana baten aurrean.
SPRI Taldeko Enpresen Sustapeneko zuzendari Iñaki Tellecheak hasi du jardunaldia, eta euskal enpresak animatu ditu programa horietan parte hartzera, Euskadiko enpresek egin ohi duten bezala. Azken urte honetan euskal konpainiek 50 milioi euro eskuratu dituzte laguntzatan. Tellecheak baikorki baloratu du ministerioarekiko lankidetza programak ebaluatzean, eta azpimarratu du “laguntza horiek bateragarriak direla Eusko Jaurlaritzak ematen dituenekin”.
Industria Ministerioko Programen Kudeaketa eta Exekuzioko zuzendariorde nagusi Juan Ignacio Moratinos Alonsok hizpide hartu ditu inbertsio industrialak finantzatzeko programak. Garrantzitsuena industriako lehiakortasuneko programa da, urtean 400 milioi euroko aurrekontua duena eta 20 urtetik gorako bidea egina duena. Enpresa handi zein txikiek hartzen dute parte programa horretan.
Finantzatu daitekeen aurrekontuaren %75eko maileguak ematen dira, interes-tasa finko batekin (iaz %1,64koa) eta 10 urteko amortizazio-epearekin. Gutxieneko aurrekontua 100.000 eurokoa izan behar da. “SPRI Taldeak proiektuen diseinuan eta ebaluazioan parte hartzen du”, azpimarratu du Moratinosek.
Bigarren programa 4.0 Industriaren arlokoa da, 50 milioi euroko aurrekontu-partida dauka 2019an, eta bere helburua da industriaren eraldaketa digitala bultzatzea. Laguntzak jaso ditzaketen enpresak gutxienez hiru urteko enpresa errotuak izan behar dira eta, konpainia handien kasuan, lankidetzan jardun behar dute ETEekin. “Maileguak ere badira, inbertsioaren %80koak eta Euriborraren araberako interes-tasarekin, hau da, %0”.
Hirugarren programa I+G+B-ko proiektu industrialei zuzenduta dago eta 165 milioi euro banatuko ditu mailegutan. Antolakuntza eta prozesuetako berrikuntza-proiektuak dira, eta edozelako enpresek eska ditzakete. “Aurrekoa bezalakoa da: inbertsioaren %80ko maileguak zeroko interes-tasarekin. Industria konektatuaren arloko laguntzaren kopia bat da”.
Finantzaketa hutsa ematen duten laguntza horiekin batera, Moratinosek azaldu du badirela aholkularitza zerbitzuak ere, esaterako, Activa (digitalizazio industriala) eta Finanza Industria. Lehenengoa aholkularitza espezializatu eta pertsonalizatu bat da, 12.000 euroko kostua duena, baina enpresak prezio horren herena bakarrik ordaintzen du.
Financia Industria programa, berriz, aholkularitza-zerbitzu pertsonalizatu bat da, enpresek arrakasta gehiago izan dezaten finantzaketa publikoa lortzeko prozesuetan. “Enpresa bakoitzarentzako finantzaketa-programa egokienei buruz aholkatzen du”.
Lotutako albisteak
Mikel Jauregi: “Eusko Jaurlaritzari dagokiola Euskadiko enpresei segurtasuna eta ziurtasuna eskaintzea”
Sailburuak "enplegua eta aberastasuna sortzeko Euskadiko enpresek egiten duten lana" balioan jarri du, enpresari eta ekintzaileen figurari prestigioa emateko beharra aldarrikatuz
Elkargik tamaina bikoiztu du, enpresa txiki- ertainen finantza erakunde gisa finkatuaz
2024an, 1400 enpresa ingururi eman die laguntza, eta gaineratu egitean da ia 11.300 enpresetarako indarrean duen finantziazioari, zeintzuek 38.500 milioi euroko fakturazioa duten eta 250.000 enplegu baino gehiago ordezkatzen dituzten.
Mikel Jauregi: “Nazioarteko ziurgabetasunaren aurrean, baikortasunez eta ilusioz ari gara lanean Euskadiko industria Europako berrindustrializazioaren buru izan dadin”
Mikel Jauregi sailburuak modu positiboan baloratu du Sidenorreko presidente José Jainaga enpresaria buru duen euskal partzuergoak Trilantic funtsari Talgoren % 29,7 erosteko aurre-akordioa. Partzuergo horrek Eusko Jaurlaritzaren -Finkatuz Funtsaren bitartez- eta Caja Vital Kutxa eta Bilbao Bizkaia Kutxa fundazioen babesa du
Euskadik apustu industriala indartu du talde estrategiko batekin, Europan kokatzeko, erronka global handiei aurre egiteko eta nazioarteko jokalekuaren aldaketei aurrea hartzeko
Imanol Pradales lehendakaria buru izan da Defentsa Industrialerako Taldean. Foro honetan, erakundeak eta produkzio-sektoreak biltzen dira, gero eta handiagoa den protekzionismoaren eta ezegonkortasun globalaren aurrean estrategiak diseinatzeko eta lerrokatzeko
Eusko Jaurlaritzaren industriari laguntzeko plan berriaren bidez, 500 milioira arte jarriko dira industria-sektorea indartzeko, arreta berezia eskainiko zaie ETEei
Katalogo digital bat egin da, SPRIren web-orrian web-orrian kontsulta daitekeena. Katalogo horretan deskribatzen dira laguntzaren edo zerbitzuaren izena, aurtengo aurrekontua, laguntza norentzat den, argitalpen-data eta eskatzeko modua